المشاركة الأصلية كتبت بواسطة mahamede
والله يا استاذ الموضوع مش زى ما أنتا متخيل كدا موضوع ثقافة وكدا ,, فلو ع الثقافة فموضوع العربيات ده شغلتى وشغلت أبويا وجدى وعيلتى كلها ,,, والحمد لله وبفضل ربنا اعرف اقارن كويس بين اللى انتا بتتكلم فيه سواء يابانى او كورى اوصينى ,, يعنى الموضوع مش موضوع كلام وخلاص ,,, وبالنسبة لموضوع الفيرنا اللى انتا بتتكلم عليه ,, فده يعنى مش اخرى ,, الحمد لله الواحد بيسافر برة وبيشوف اكتر من اللى سيادتك حطه فى دماغك يعنى الواحد مش اخره الفيرنا والاكسنت بس ,, ومش بشوف بس ,, لا ,, وركبت كمان عربيات كتير من اللى سيادتك بتتكلم عليها ,,, مش يعنى الواحد محروم زى ما حضرتك كاتب ,,, ياريت بس اللى بيتكلم يكون عارف هوا بيقول ايه ,, الراجل بيقارن وبيتكلم فى انه هيدفع لحد 110 الف ,, يعنى لازم يبقى عندنا امانة واحنا بنبدى بأرائنا ,, مش كل اللى معاه بروتون يقولوه هاتها ,, ومش كل اللى معاه ال الهيونداى يقولوا دى جامدة اخر حاجة ,,, ومش كل اللى معاه يابانى يقولوا دى حلوة وجميلة ,, اللى هيعرف يبدى رأيه بما يرضى الله يقوله ,, واللى داخل يقول كلام وخلاص اقوله حرام عليه لأن دى فلوس ناس هتدفع والموضوع مش لعبة ,, وياريت بس الناس تعرف تفرق بين العربية اللى بتتفرق في بلدها والعربية اللى بتتقفل برة بلدها زى ما الهيونداى بتتقفل كدا في مصر ,, علشان انتوا لو تعرفوا العربية بتتكلف اد ايه بعد ما تتقفل فى مصر وتعرفوا اللى انتوا بتدفعوه هتعرفتوا ان ده فعلا فرق بين السما والارض ,, ويا سلام بقى لو دخلت مصنع بيقفل فى مصر زى مصانع غبور اللى انتا بتتكلم عليها هتشوف بقى الجمال والعبقرية والحلاوة اللى بتحصل وساعتها هتعرف ان الله حق:grinder: ,,, تحياتى ,,,