ايه اللى خلاك تسجل فى ((نايل موتورز)) موضوع للفرفشة

**iwantes350** · 03-08-2011 04:24 AM

السلام عليكم ورحمة الله وبركاته
ازيكم يا احلى اعضاء
الموضوع ممكن يكون تافه شوية وانا عارف ان فى اعضاء بتضايق من المواضيع اللى زى دى
بس قلت نغير جو شوية والنهاردة انا دمى اتحرق اوىىىىىىى لسبب بسيط جداااا
اخوكم ملهوش فى السياسة خالص والمصيبة السودة والزرقا ان انا معرفش ايه سبب قيام الثورة ؟؟؟؟؟؟؟؟؟؟؟؟؟
النهاردة واحنا بنفطر اكيد كلكو تعرفو عن قناه فور شباب
فى برنامج جامد اوى بيجي فى رمضان بس وهو اسمه ((مذكرات سائح)) للدكتور على العمرى
المهم الحلقة كانت عن الثورات اللى حصلت فى الفترة اللى فاتت وبالاخص ثورتنا ((لا مش ثورتنا بمعنى انى انا شاركت فيها))
للاسف انا كنت زى قلتى كنت قاعد فى البيت بتفرج على الاخبار بس ومفكرتش انزل من البيت
المهم هو راح لبيت الشهيد خالد سعيد
المهم انى فهمت القصة ولما عرفت نفسي اتسدت اوى من الاكل وزعلت قوى وقلت الله يلعن مبارك واعوانه
المهم احنا طلعنا برا الموضوع
بكل بساطة سبب اشتراكى فى المنتدى
هو ((مصلحة)) هههههههههههههههه
كنت عايز اسئل على حاجة تخص العربية وبعد كده اطنش
بس اكتسبت اصدقاء كلهم رائعين بمعنى الكلمة وحبيت المنتدى اوى اوى اوى
بالرغم انى معملتش حاجة مفيدة ليه
بس ان شاء الله هعمل حاجة
يللا دوركم يا حلويين

**ahmed_mido1889** · 03-08-2011 04:59 AM

سبب تسجيلي اني لقيت المنتدي ده اسره واحده

يعني لما بيحصل حاجه

كله بيقف جنبك

**aminibrahim** · 03-08-2011 05:38 AM

زي بيت العيله

**m3_dolphen** · 03-08-2011 05:50 AM

انا بصراحة سجلت فى المنتدى لأنى كنت من سنة بفكر اشترى دراجة نارية محترمة وبحثت على جوجل فوصلنى لنايل موتورز وسجلت وعملت حوالى 3 مشاركات سألت فيهم عن نوع معين من الدراجات النارية

المهم بعد كده لقيت ان فى حاجة اسمها ريس وعرفت معلومات حلوة اوى بسبب الاعضاء المحترمين فى المنتدى وربنا وفقنى واشتريت الريس اللى فى صورتى الشخصيه ده

بعد كده وتقريبا من الفترة اللى بعد رمضان الماضى اول موضوع عملته على ما اذكر كان عن الحسد بسبب ان الريس شكله حلو جدا وسريع جدا والناس كانت بتشتكى من موضوع الحسد ده كتير فعملت الموضوع فى قسم الدراجات النارية تانى يوم فوجئت ان الاشراف نقل الموضوع الى القسم الاجتماعى فلما دخلت الاجتماعى لقيد دنيا تانية خالص وناس تانية

ومن يومها ادمنت المنتدى لأسباب كتيرة من اهمها الادب والاحترام اللى فى معظم الاعضاء وكذلك حب المساعدة للكل وكمان ردا للجميل ابتديت انى اشارك فى القسمين دول بالذات والحمد لله رديت جزء بسيط من حق المنتدى عليا وربنا يقدرنى واستمر فى الافادة زى ما انا مازلت مستمر فى الاستفادة

**iwantes350** · 03-08-2011 07:22 AM

الف شكر ليكم بجد يا جماعة
سؤال بسيط
هو الريس بتاع حضرتك عامل كام؟؟
وايه اخر سرعته؟؟

**AkramArafa** · 03-08-2011 07:34 AM

يااه منز زمن بعيد و و انا يقلب علي النت لقيت نايل موتور و اشتركت في اواءل 2008 و بطلت الدخول ولما جيت ادخل تاني نسيت كل حاجه عن العضويه القديمه رحت عامل العضويه ديه ووبقيت بخش منها

**evram** · 03-08-2011 08:42 AM

سنة 2009 او اواخر 2008 اكتشفتوة لاني لاقيت في تعاون اوي اوي و كنت باخد منوة معلومات من قسم العربيات قسم اسبرانزا و بعدية بشوية عرفتوة اكتر و اكتر و انتشرت في المنتدي كلوة

**HOSAMSAMSOON** · 03-08-2011 11:22 AM

[frame="9 10"]انا كنت بدور على الاوبترا و بجمع معلومات عنها عن طريق جوجال
ووصلنى البحث للمنتدى
وهمنى اسلوب ترتيب الاقسام و ترتيب المنتدى و المركات و كمية المعلومات و ثقافة الاعضاء و خبراتهم
وكمان كان زمان فية شريط بيتحرك قدامك فوق فية مكتوب الخر التعليقات و اسم الموضوع
وكنت عن طريقة بتفاعل مع الموضوعات الجديدة ((ياريت يرجع تانى الشريط دة مهم جدا والله))
المهم
شدنى اسئلة الناس فى 131 و 132 و 128 و خلافة فى الفيات
و اتفاعلت معاهم و اتعرفت على ناس محترمة كتير
وشوية شوية كونا رابطة 131 و عملنها بالشكل النموذجى للرابطة
اهداف و استمارة تعارف و قوانين و كل حاجة
و بعد كدة كتبت اكتر من موضوع و الحمد لله منها المحفوظ فى قسم اهم الموضوعات بحمد الله و من فضلة
حتى لما سافرت السعودية ((انا لسة هناك حتى كتابة الرد)) كنت ولا زلت بتابع المنتدى و بتفاعل معاه
وعملت اكتر من مقابلة اعضاء قبل السفر وحتى قابلت اعضاء فى السعودية فى العمرة ليهم
ناس فعلا محترمة
وفعلا من مميزات المنتدى الحفاظ على المستوى الاخلاقى اللائق فى الحديث و التصدى لاى اسلوب غير محترم و غير لائق
من الاخر
نظييييييييييييييييييييييي يف
((بتكلم على المنتدى مش المسجون ةةةةةةةةةة))[/frame]

**A.Saad** · 03-08-2011 11:40 AM

اما فكرت اشترى عربية
دخلت ولقيت انه منتدى
نفسى اتسدت لان ماليش فى المنتديات اوى
بعد فترة رجعت تانى وابتديت التفاعل فى المنتدى

اول مقابلة كانت فى الربوة
مكنش معايا عربية لسه
اول عضو اتفاعلت معاه كان احمد علاوى - الله يصبحه بالخير
واول واحد اتكلمت معاه كان كريم منير

ياريت نكتب الذكريات عن اول عضو شفته واول مقابلة واول واحد اتفاعلت معاه فى المشاركات

-

الموضوع: ايه اللى خلاك تسجل فى ((نايل موتورز)) موضوع للفرفشة

LinkBack

أدوات الموضوع

عرض

-

-

-

-

-

المواضيع المتشابهه

ايه حقيقه اللى بيحصل بين منتدى نايل موتورز و منتدى....* موتورز بالظبط؟

ايه اللى بيعجبك فى نايل موتورز!!!

موضوع مهم جدا للي من بيت نايل موتورز

اول موضوع ليه في نايل موتورز

الكلمات الدلالية لهذا الموضوع

المفضلات

المفضلات

ضوابط المشاركة