خدمة جديدة فى كارفور: waxing + تلميع الجنوط

**MohabSaeed** · 08-05-2008 02:21 AM

كريم بك ...... اين انت .
الناس عاوزه تعمل تشميع لعربياتها ... وعاوزين يشوفو النتيجه على الغلبانه الباليو . " مش حكدب عليك وانا واحد من الناس ديه "
الله يكون فى العربيات الى بنجرب فيها منتجات سوبر ميدو و سوبر مرسى و شمع عم حسنى الكنفانى D:
...كأنك بتجيب بنت اموره وتديها مكياج مضروب ....... LOL ربنا يستر

**cobco** · 08-05-2008 02:34 AM

الخدمه دي كانت موجوده في كارفور سيتي سنتر اسكندريه من فتره ووجربتها فعلا وكانت النتيجه كويسه
بس بقالها فتره كبيره مش موجود حد من الشركه دي هناك

**eng_mkhalaf** · 08-05-2008 08:33 AM

يا جماعة ملمع الكاوتش دة بيفرق قوووووووووى فى العربية
أولا بيدى منظر للكاوتش أنة جديد لانج
وكمان بيخلى منظر العربية تحفة
وكمان بيحافظ على الكاوتش لأنة فية بعض الكيماويات المهمة للحفاظ على الكاوتش
وكمان العلبة مش غالية ب 32 جنية وممكن تستخدمها 30 مرة لأنها كبيرة قوووووووى وأنت بتحتاج منها كل فترة حاجة بسيطة خالص يعنى معايا ممكن تقعد سنة مستريح
وأخيرا إللى أنتم مبتعرفهوشى خالص أنة بيتحط على جانب الأطار بس مش علية كلة -خدوا بالكم من الصورة المرفقة فى ردى الأول
وكمان صعب جدا يتوسخ
وكمان المادة بتاعت الأسبراى بتمنع أن التراب يلزق علية

- أوعى حط يحطة على الكاوتش كلة

**CryptonX** · 08-05-2008 09:39 AM

انـــــــــــــــــــــــ ــــــــــــا جـــــــيــــــــــــــــ ــــــــــــــــــــت !

اسف علي التأخير

انا رحت كارفور علي الساعة 9 او بعد كدة سنة مش فاكر ..

ركنت في الجراج .. وقعدت ادور علي حد بتاع WAXING & CLEANING XD

المهم لقيت اتنين شغالين في عربية مشفتهاش في مصر قبل كدة !!!

Toyota Land Cruiser 2008 !!!! بيضاء !

المهم السيارة اصلا كان شكلها جديد قبل مايبتدوا .. وقفت ال 35 دقيقة الي اشتغلوا فيها كاملا علشان اعرف بيعملوا ايه بالظبط ..

بالصراحة النتيجة كانت حلوة جدا بس للأسف معيش الا كاميرا الموبايل و كانت مش حتدي السيارة حقها باليل .

المهم ناديت الراجل قلتيه عايز اعمل عربيتي ! قالي ماشي بس قدامه علي الاقل ساعتين علشان في 4 عربيات قبلي .. قلتله طيب انا حخش ابضع ! لو طلعت لحقتني لحقتني ملحقتنيش يبقى يوم تاني مش مشكلة .. قالي ماشي .

المهم دخلت بضعت ... و صرفت 500 جنيه في اي كلام كالعادة ( الله يسامح كل بنت ! )

طلعت لقيته شغال في عربية مرسيدس قديمة راكنة جنبي ..

بس جيه بقى عليا قالي بس في حاجة !

الWAXING حيخلي الخبطات و الانبعاجات ( قصده عربيتك مكسرة يعني ) تبان اكتر خصوصا في الانعكاسات لو حتة مش متسمكرة صح حتلاقي الانعكاس بتاعها مش مظبوط و شكلها وحش !

قلتله يعني بلاش ؟ قالي لا براحتك بس علشان مترجعش تزعل ان الرعبية بقت باينة انها مخبوطة خصوصا الاكصدام الي مش مرشوش ده ( حسيته بيهزأني ) XD

المهم حلفت اني اودي العربية تتصلح الاول ( تترش يعني ) و اجيبهاله تاني ..

بس بصراحة الاندكروزر و المرسدسي كانوا حلوييين اوي .. كان نفسي ابقى الصبح علشان اصورهم و اعرف احكم اكتر .

بس بصراحة حتى لو النتيجة متوسطة .. انا بغسل عربيتي خارجيا فقط في البزينة ب 25 جنيه من غير لا و اكس و لانيلة هما الفوطة و الصابون والمغسلة الكهرباء !

فلو 12 جنيه .. مش حعترض !

**M.Mokhtar** · 08-05-2008 11:28 AM

موبيل اللى فى الهرم بتعمل غسيل برا وجوه وشاسيه وتبلوه وازاز وشمع ب 90 جنيه

كده ممكن الواحد يغسل عربيتوا ويروح لكارفور يعمل الشمع هناك
ولا هم كمان هيغسلوها قبل ما يعملوا الشمع ؟
كده الواحد يروحلهم كل اسبوعين

**Nader** · 08-05-2008 11:30 AM

صحيح المفروض العربية لازم تتغسل الاول قبل الواكسينج.

08-05-2008 12:54 PM

يا جماعه هو المفروض ال Waxing يتعمل كل اد ايه
انا قالوا لى كل شهرين او كل شهر و نص
كده معقول و لا كل اسبوعين زى ما بتقولوا
و هل لو اتعمل كل اسبوعين ميأثرش على دهان العربيه
و شكرااااااااا ؛؛؛؛؛؛؛؛؛

**peranha** · 09-05-2008 03:51 AM

'طيب كارفور الصحراوي فيه الخدمه دي؟

-

الموضوع: خدمة جديدة فى كارفور: waxing + تلميع الجنوط

LinkBack

أدوات الموضوع

عرض

-

-

-

-

المواضيع المتشابهه

طريقة تلميع الجنوط

كيفية تلميع الجنوط

اسعار جديدة للصني في كارفور والله اعلم

عملية نصب جديدة من نوعها داخل كارفور

ايه احسن مركز تلميع سيارات Detailing او خدمة سيارات في مصر ..

الكلمات الدلالية لهذا الموضوع

المفضلات

المفضلات

ضوابط المشاركة