السلام عليكم. محتاج رأي العصابة ضروري. أنا ليا كتير بادور على سيفيك 2009 vti وهيا شاحة في سوق المستعمل. المهم قدامي دلوقتي واحدة 2009 vti سوداء أعلى فئة اللي هيا بفرش جلد وبصراحة الفرش الجلد اللي بتنزل بيه أحسن وأفخم 100 مرة من أي فرش جلد بيركب عند أحسن سروجي. دا غير ان الأبواب متبطنة جلد مديها فخامة ظريفة. العربية عليها اضافات: حساسات ركن خلفية, دلايات, سبويلر صغير فوق الزجاج الخلفي, زينون شبورة. العربية ماشية 61 ألف كم وراشه جامبين بس حسب كلام صاحبها هوا راشهم عشان عيل كان مخربشله الجنبين بطول العربية وهوا راجل محترم وأنا حاسس إنو مش بيكدب بالذات إن حالة العربية ممتازة جدا. المهم هوا طالب 155 ألف نهائي ومش عاوز ينزل جنيه. إيه رأيكم تستاهل ولا لأ؟