الموضوع: قدامي سيفيك 2009 أعلى فئة. أخلص ولا لأ

منا إن شاء الله لازم أكشف عليها في التوكيل. بس صاحبها ماسك على ال 155 ومش ناوي ينزل جنيه (هوا ابتدى بـ160) أنا مستعد أضحي بشوية زيادة عشان العربية كويسة مش بتلاقيها معروضة للبيع إلا قليل أوي. فا لو هيه رينجها 150 شغال بس لو رينجها 145 يبقى كتير فرق 10آلاف

أنا قولت لحضرتك قبل كده ان الفرش الجلد تحفه المهم أنا شايف انها تخلص علي ١٥٠٠٠٠

أنا قولت لحضرتك قبل كده ان الفرش الجلد تحفه المهم أنا شايف انها تخلص علي 150000

الصراحة الفرش الجلد الأوريجينال تحفة التحفة أو كم قال الشاعر :لوز العنب

حاول تنزل معه كام ألف وأكشف في التوكيل وربنا يوفقك وتكون من نصيبك

حقول لك على حاجة مهمة جدا

الصيانات بتتعمل فين؟؟؟؟؟؟

لو كانت في التوكيل وفي مواعيدها أنا رأيي شخصيا خلص فيها على السعر ده.

لكن لو كانت برة التوكيل يبقى حاول جاهدا تنزل فيها على قد ما تقدر وامسك في حكاية إنه ماكانشي بيعمل الصيانات في التوكيل وإنت ما تضمنشي إذا كان بيعمل الصيانات في مواعيدها ولا بيطنش.

وبلاش تقول أصل شكله محترم والكلام ده، كله بيبقى زوق ومحترم ساعة البيع، وياما أعضاء كتير في أقسام تانية كتبوا حكايات كتير قوي عن النصب اللي تعرضوا له أثناء شرائهم عربيات عشان ظنوا الإحترام والزوق والصدق والأمانة في البائع. بينك وبينه العربية والتوكيل والصيانات. هو بقى بتاع ربنا ولا بتاع بانجو، مالكشي فيييييييه.

وكل شيء في الأول والأخر بأمر الله وقدره، فما تزعلشي قوي عليها وما تتمسكشي قوي بيها، هي لو من نصيبك ربنا حيسهل ولو مش من نصيبك يبقى لو علمت اللالي مش حتاخدها.

وربنا يكتب لك الخير حيث كان.

والسلام ختام

حقول لك على حاجة مهمة جدا

الصيانات بتتعمل فين؟؟؟؟؟؟

لو كانت في التوكيل وفي مواعيدها أنا رأيي شخصيا خلص فيها على السعر ده.

لكن لو كانت برة التوكيل يبقى حاول جاهدا تنزل فيها على قد ما تقدر وامسك في حكاية إنه ماكانشي بيعمل الصيانات في التوكيل وإنت ما تضمنشي إذا كان بيعمل الصيانات في مواعيدها ولا بيطنش.

وبلاش تقول أصل شكله محترم والكلام ده، كله بيبقى زوق ومحترم ساعة البيع، وياما أعضاء كتير في أقسام تانية كتبوا حكايات كتير قوي عن النصب اللي تعرضوا له أثناء شرائهم عربيات عشان ظنوا الإحترام والزوق والصدق والأمانة في البائع. بينك وبينه العربية والتوكيل والصيانات. هو بقى بتاع ربنا ولا بتاع بانجو، مالكشي فيييييييه.

وكل شيء في الأول والأخر بأمر الله وقدره، فما تزعلشي قوي عليها وما تتمسكشي قوي بيها، هي لو من نصيبك ربنا حيسهل ولو مش من نصيبك يبقى لو علمت اللالي مش حتاخدها.

وربنا يكتب لك الخير حيث كان.

والسلام ختام

شكرا يا باشا على مشاركتك. أيوة الصيانات بتتعمل في التوكيل وفي مواعيدها والفواتير موجودة والعربية حالتها فعلا ممتازة. هوا الراجل مسافر وحيرجع كمان أسبوع. بإذن الله لو مفيش حاجة كويسة ظهرت في خلال الأسبوع ده أكشف عليها في التوكيل وأخلص فيها وربنا يكرم.