استكمالا لمسيرة النكد اللي بدات من اول امس
وحالة النكد والقرف اللي اصابتنا كلنا
بدور تاني في دفاتري القديمة لقيت اغنية فيلم كتيبة الاعدام للرائع عاطف الطيب
وطول عمرى الاغنية دي بتوجعني قوي
جبيتلكم الاغنية وجبيتكلم كلماتها وكالعادة اسمعو الاغنية وانت بتقروا الكلمات عشان تعيشوها
وكمان لقيت اغنية وكلمات المقدمة بتاعت الفيلم وهيا مناسبة قوي لليومين دول
كلمات الشاعر سيد حجاب
والحان عمار الشريعي
وغناء فرقة الاصدقاء
وعياط كريم منير
:(:(:(


المقدمة :
http://www.elaghani.com/movies/kateebet-ele3dam-1.mp3

ملعون في كل كتاب يا عار الخيانة
اللعنة و النار ع اللي خانوا الأمانة
عاشوا على موتنا .. و موتهم حيانا
عليهم اللعنة في ترابنا و سمانا

إتردي يا ابواب البيوت .. و ابعديهم
و إتسدي يا ابواب القلوب .. و اطرديهم
و اتفتحي يا ابواب الجحيم .. و اورديهم
جزاة ما خانونا و باعونا لعدانا

ما تطلعيش يا شمس ع اللي يخونّا
و ما تنطفيش يا نار قلوبنا و عيونّا
و ما ترحميش اللي احنا على قلبه هنّا
و اكوي بنارنا كل نقطة في دمانا
النهاية :
http://www.elaghani.com/movies/kateebet-el2e3dam-2.mp3
حبيبتي من ضفايرها طل القمر
و بين شفايفها ندى الورد بان
ضحكتها بتهز الشجر و الحجر
و حنانها بيصحّي الحياة في النبات

حبيبتي بتعلّمني أحب الحياة
من حبي فيها حياتي شمس و ربيع
و الحب في الدنيا دي طوق النجاة
لولاه يضيع قلب المحب الوديع

يا حلوة يا بلدنا يا نيل سلسبيل
بحبك انتِ رفعنا راسنا لفوق
لو الزمن ليّل ما يرهبنا ليل
شوقنا في عروقنا يصحّي شمس الشروق

الحلوة قلب كبير يضم الولاد
و زاد و زوادة و ضِلة و سبيل
الموت و الاستشهاد عشانها ميلاد
و كلنا عشّاق ترابها النبيل