وكلنا عشاق ترابها النبيل

**meza** · 07-05-2008 07:46 PM

مصر خسارة فيهم .... :(

أخ يا بلد .... إمتى هتخفى من مرضِك؟!

**ASD peugeot** · 08-05-2008 01:48 AM

كلام جميل و بيحمس
مصر هي امي هي حته مني افديها بأقل حاجه دمي

**محمد المشد** · 08-05-2008 02:29 AM

شكلنا كدة هنقضى بقية عمرنا غنا وبكاء وعويل على ما وصلنا اليه 0000 انا مش عارف هنوصل لفين !!!!!!!!! وهل من نهاية لما نحن فيه ام ان الطريق بلا نهاية ؟

**elpasha009** · 08-05-2008 05:24 AM

أنا مش هعلق على أي كلام إتقال بس عاوز أقولوكم على حاجة عملتها:
أول ماخلصت الكلية من سنتين طلعت أعمل عمرة في شهر 7 وأول ماشوفت الكعبة لقيت نفسي بكل تلقائية بدعي ربنا بدعوة غريبة
عارفين هي إيه الدعوة ده؟؟؟؟؟؟؟؟!!!!!
(يارب إنتقم من كل ظالم ظلم البلد وظلمني وظلم أهلها,يارب إنتقم منهم في الدنيا وإجعلهم عبرة لنا,يارب صبرنا على ظلمهم )
تخيلوا يا جماعة إن الدعوة ده داعيتها بكل تلقائية وأنا مش حاسس بنفسي أصلا:)

**Chicco** · 08-05-2008 05:42 AM

و الله غريبة البلد دي

مش عارفين نعيش فيها

و برضه منقدرش نبعد عنها

+1
Bull's eye!!! o(o

**meza** · 08-05-2008 08:15 AM

المشاركة الأصلية كتبت بواسطة elpasha009

عارفين هي إيه الدعوة ده؟؟؟؟؟؟؟؟!!!!!
(يارب إنتقم من كل ظالم ظلم البلد وظلمني وظلم أهلها,يارب إنتقم منهم في الدنيا وإجعلهم عبرة لنا,يارب صبرنا على ظلمهم )

+1

يا رب ......... ربنا يستجيبلك لدعوتك و البلد تفضى من كل مستبد ظالم مستغل لسلطته.

**Karim_Monir** · 08-05-2008 10:37 AM

معلش انا مش في الموود اللي هو اليومين دول ربنا يزيح الغمة وحاسس اني منكد عليكم
بس بصراحة جيت عالصبح معرفش ايه اللي خلاني بسمع في ودني حليم
بيقول :تحلم بلدنا بالسنابل والكيزان تحلم ببكرة واللي هايجيبة معاه
عشان كدة جيت سمعتها وانا على اخري وحبيت تسمعوها معايا
ابدا بلدنا ليل نهار بتحب موال النهار لما يعدي في الدروب ويغني قدام كل دار

عدى النهار

عدّى النهار .. و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها الصباح

أبو شمس بترش الحنين؟

أبداً .. بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان .. و على النغم

تحلم بلدنا بالسنابل و الكيزان

تحلم ببكرة .. و اللي حيجيبه معاه

تنده عليه في الضلمة و بتسمع نداه

تصحى له من قبل الأدان

تروح تقابله في الغيطان

في المصانع .. و المعامل .. و المدارس .. و الساحات

طالعة له صحبة .. جنود

طالعة له رجال .. أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار