عايز اركب وحدة رفع زجاج للفلوينس و تشتغل مع السنتر لوك
عايز اركب وحدة رفع زجاج للفلوينس و تشتغل مع السنتر لوك
بصراحة مفيش حد يقرا الموضوع ده الجزء الاول و التاني و ميحبش الفلوانس و خصوصا مشاركات الاستاذ (بوكلا)
بالرغم اني مش معايا فلوسها دلوقتي لكني قررت اعمل كل ما في وسعي و ربنا يقدرني و اجيبها
بس انا كان عندي سؤال محيرني ؟؟؟
انا بلاحظ فروقات غريبة في اسعار المستعمل منها يعني مثلا بلاقي عربية موديل 2011 الفئه اللي قبل الاخيرة و الاقي واحد طالب 105000 و واحد طالب 130000 و واحد طالب 117000 و تقريبا حالتهم واحده و الكيلومتر قريب من بعض .. يا تري ده معناه ايه ؟ ممكن حد يفسرلي الموضوع ده
انا كانت اكتر حاجه مقلقاني منها سعر اعادة البيع بس بصراحة بعد ما شوفت انتشارها و عدم الشكوي منها ابتديت اطمئن شوية لكن دلوقتي لما شوفت الاسعار دي مبقتش فاهم حاجه
لما كنت بدور على فلوانس.....كنت بشوف العربيات اللى اصحابها طالبين سعر قليل.....لما كنت بروح اشوف العربية ....كنت بلاحظ ان الحالة اللى بيكتبوها على النت غير الواقع
والعكس.....اللى تلاقى ماسك فى السعر ومتبت اوى.....بتكون العربية حالتها حلوة
عشان كدة انا متوقع ان الفلوانس هتمسك سعر كويس جدا......وبعد ما يعدى عليها كمان 4 سنين وتكون الناس مجرباها اكتر....والحمد لله مافيهاش مشاكل الميجان 2......فا دا بيخلى العربية تعمل سمعة كويسة ...وبالتالى تعللى سعر اعادة البيع
انا كنت شارى عربيتى ب 116000 وكانت عاملة 24000 كم....وفابريكة بالكامل....وحالتها شبه زيرو....وكشفت فى التوكيل كشف كامل ب 650 جنيه ونفس الفئة اللى حضرتك بتقول عليها
انا من رأى .....من 110000 الى 120000 .....حسب الحالة وانت وشطارتك فى الفصال
هى الفكرة ايه.؟....ان لو المعروض كتير......وبنفس الحالة الكويسة......تقدر ساعتها تفاصل مع اللى طالب سعر عالى........لكن المشكلة ان ما بتلاقيش كتير معروض....ولو لقيت مش بيبقوا بنفس الحالة
بس ما تستخسرش فى العربية.....وحاول تقع على حاجة استعمال خفيف ....ومش مشكلة لو زودت 5 او 7 آلاف جنيه زيادة......
وبالتوفيق
السلام عليكم جميعا,
أنا في حيرة من ساعة ما بيعت عربيتي (فولفو 244) في 7/2010 , و كنت حاجز قبل كده كارينز 2011 مع التوكيل, ونظرا لعدم وجود مصداقية فضلت مستني 8 شهور, لغاية الثورة ما حصلت فلغيت الحجز, ومن ساعتها وأنا ماشي بسيارة نيفا مؤقتا, و طول الفترة دي أفكر في الفلوانس شوية, والفانتازيا شوية, و أرجع أفكر في الكارينز تاني.
وكنت مؤخرا عملت الموضوع ده http://www.nilemotors.net/Nile/304920-a.html , طلب لتحليل مقارنة عملها أحد الزملاء في قسم كيا بين الكارينز والفلوانس .
إلى جانب متابعتي لرابطة حائزي الفلوانس اللي أسسها الخبير الأستاذ بكلا.
أنا كنت سايق سيارة أوروبي و سواء هي او النيفا بيتميزوا بالقوة والأتساع, وكنت أتمنى أن تكون السيارة الجديدة تكون فيها نفس المميزات دي إلى جانب وسائل الأمان, وسائل راحة, إلى جانب توكيل محترم, وكمان في رينج سعر محدد علشان عايز أقسط.
وأخيرا بفضل الله أولا, ثم بفضل هذا المنتدى الرائع , أستقريت على الفلوانس وحجزت موديل 2013 .
ونفسي أشكر قسم كيا الرائع اللي حببني في المنتدى وفي الكارينز, و قسم سكودا الرائع برضه اللي خلاني أتمنى أقتناء التحفة فانتازيا. :x1[1]:
ومسك الختام قسم رينو و رجالته اللي خلوني أقتنع بالفلوانس, و أنها أفضل أختيار يحقق اللي أنا عايزه في السيارة. :B4_388:
أدعولي :ask: أستلم على خير إن شاء الله, وربنا يعوض صبري خير :36_1_50[1]:
و شكرا ليكو جميعا