الله يبارك فيك ياباشا عقبال سيادتك لعلم سيادتك انا لما اشترتها كانت مرطرطه وكتير في مخازن الطارق بالاسكندريه وجميع الالوان واستلمت بعد اسبوع بسبب القسط الاستعلام وخلافه من اجراءات
لا ياباشا انا بقى مقدم وكمان شهرونص او شهرين وهدفع كاش شفت الكلام بقى وكمان فى التوكيل بقوله شامبين راح بص ناحية الدرج كدة قالى ظب اللون التانى ايه لو متوفرش الشامبين قلتله لا مش ختار لون تانى بديل (ودة حقى طبعا مش هدفع المبلغ دة واركب لون بديل ) قالى عشان لون الدفعة بس لومفهاش اللون قلتله ساعتها هعمل ايه قالى هستنى شهر ونص تانى او شهرين ..................... طبعا مردتش ارد وقتها وقلت بلاش تتكلم الا لما دة يحصل عموما الف مبروك وقولى بقى انطباعك عن العربية ايه وهل الحمدلله صفقة رابحة ؟ مستنى تقرير منك يا كبير
بص ياباشا انا من النوع الي مشتريش غير لما ادور وابحث وافهم وبعد كل ده احب طبعا قصدي الشئ الي حشتريه فمثلا قعدت حوالي 4 او 5 شهور اقارن وابحث عن تليفون كويس لحد ماوقعت في حب النوت واشتريته وبقاله سنه معايه زي الفل رغم بعض العيوب البسيطه ولكن صدقني حبيت عيوبه لجل مميزاته الكتير ولكن بالنسبه للرينو فاتا عاشق عارف انا كنت راكب ميجان 2 موديل 2006 وكنت مشتريها مستعمل بدايه 2009 ولما ركبت الفرنساوي عرفت ان الي كنت بركبه قبل كده وسيله مواصلات بالمناسبه انا ركبت 4 سيارات قبلها ماتركس ودايو وسكودا فلشيه ولانسر وكلا كان سيد وقته
طب انا غيرت الميجان ليه ااقول ياباشا انا لحد ال70000 كانت العربيه ممتازه لحد مقررت اخرجها من الضمان بمزاجي واسترخص واوديها للميكانيكيه وفعلا ودتها في داهيه من سعتها قطع غيار مضروبه ويقولوا اصلي ميه بتخر من قدام يقولي طلمبه الميه مخرومه اروح اجيب غيرها وبعد التركيب يطلع العيب كان خرطوم مش الطلمبه وهكذا لحد مفتحت بقوها وبدأت مرحله الكره والبحث عن طريق الخلاص وانا بقول الكلام ده كنصيحه بلاش حد يسترخص ويعمل حاجه بره الضمان رجاء وطبعا بدأت مرحله البحث عن سياره جديده وكانت المقارنه بين الفلوانس والفلوانس والفلوانس واخيرا استقريت علي الفلوانس وجبتها لعده اسباب
والاسباب ؟؟؟؟؟؟؟؟
تصدق انا اتكلمت كتير ولم ارد علي كلامك اسف بس حضرتك شهر ونص ليه انا كانت الالوان كلها قدامي وكتير وجاهزه لاحجز ولاخلافه وكنت محتار بين الاسود والفراني وفي الاخر جبت فضي بصراحه عجبني اللون بيدي وسع للعربيه بس بصراحه مشفتش الشامبين رغم اني سمعت انه رائع علي العموم ربنا يقربلك البعيد وكل تاخيره فيها خير ان شاء الله
اسبابي لشراء العربيه كان بسبب الميجان وحبي ليها من ثبات وسرعه ووجاهه وزاد في الفلوانس الاوبشن الكتير والرحابه والوجاهه الاشد
انطباعي عن السياره بعد 1300 كيلو كالاتي
1- ثبات فوق الممتاز
2-عزل ممتاز
3-تكيف ممتاز رغم مايقال انه غير الكوري والياباني احنا بنتكلم علي تكيف مش ديب فريزر
4-النتشه بين الاول والتاني خفيفه وانا متعود عليها من ايام الميجان
5-كاسيت ولا كلمه فل ويعيني لما تشغل المحمول بلوتوث وعيش
6-الكراسي فخمه ومريحه ووسعه واحسن من اي سياره في فئتها
7-التليفون علي السياره تحفه تحدث واستماع
العيوب
1-المساحات مدفونه تحت الكبوت متعرفش ترفعها مرتاح علشان تمسح تحتيها ولكنها ميزه ايضا احسن مبتاع الجراج كل ميمسح يرزعها علي الزجاج بقوه وهو بيقفلها
2-المساند الي في الباب كانت عايزه تعرض شويه علشان تعرف تسند ايدك وكمان اماكن التخزين معدومه الله يرحم الميجان مساند عريضه واماكن تخزين كتير
3-استهلاك البنزين داخل البلد كتير قوي بتوصل ل13 لتر في 100 كيلو ومن غير تكيف ومش محمله مش عارف ده عيب خاص بيه ولا في كله ولكن الغريب خارج البلد حوالي 8 لتر علي سرعه 130 كيلو وده العيب الي لسه خنقني
المهم انا لحد دلوفتي مش لاقي عيوب كعيوب حقيقيه احكي عنها
واخير استلم ياباشا وعيش العربيه فل الفل والفلوس فيها حلال حتي ولو حتجيب عشر تمنها عند البيع انا بجيب علشان اركب مش علشان افكر في اعاده البيع الي عايز يستثمر يروح يجيب حتتين دهب يحطهم في الدولاب بس خلي بالكوا الدهب برضوا طالع نازل هههههههه ارجو ان يكون كلامي الكتير الاقليل افادك
والله هى نفس نظريتى لما كنت بفكر فى شراء عربية والناس تقول اعادة البيع وكدة انا كنت بقول لا مفقدش متعتى بسواقة نضيفة عشان 10000 ولا 15000بعد 5 و6 او 7 سنيين ...............اخيرا ياباشا موضوع البنزين عندك عالى لما تروح التوكيل لازم تقولهم لان قليل جدا جدا من الاعضاء هنا شكا من دة
السلام عليكم انا عارف يافندم ان المساحات ممكن تترفع عن طريق الزراع ولكن انا بتكلم عن المساحات والعربيه مش شغاله الطبيعي يعني زي بقيه العربيات عدا الجيتا علي حد علمي هو يعني كل محب امسح تحتها اشغل العربيه علشان ارفع الدراع بالمناسبه فيه حد بيشتكي زي من موضوع البنزين وكمان الجديد قبل مطلع من الجراج وانا بحرك الدركسيون او بشيل رجلي من علي الفرامل اسمع تزيق جامد من تحت العربيه ده كله قبل مااتحرك بيها حد عنده تفسير
هي الناس فين