الموضوع: عايز رائيكو في 316 موديل 90

المشاركة الأصلية كتبت بواسطة eldmrane

سلام عليكم انا معايا دايو جوليت موديل 99 كويسة وزي الفل بس بصراحة نفسي في 316 موديل 90 اية رئيكم في العربية دية واية عيبوها وياريت اعرف لو نضيفة تسوي كام عشان سمعت اسعار كتير اوي وشكر

اولا يشرفني اني ارد عليك اول واحد واهلا بيك معانا في المنتدي
اولا راي الشخصي في العربيه انها جميله جدا وكويسه جدا
ثانيا مفيهاش عيوب غير ان 316 يعني 1600 ودا ضعيف شويه نسبيا ممكن تخليها 318
ثالثا قطع الغيار جديد واستيراد مغرقه الدنيا وباسعار يمكن اقل من اسعار الجوليت
في مواضيع كتير هنا عن قطع الغيار بس جوز مرايات ب 150 كهربا
مقصين بالجلب 250
فانوس خلفي 150
امامي الاربعه 550
وكده
السعر تبتدي من 45 الف
لحد55 الف ويمكن اكتر
واتمني ليك التوفيق وربنا معاك

بجد الف شكر ليكو ولردكو بجد انا فعلا حابب العربية دية بس لللاسف او يمكن نصيب ضيعت واحدة كانت قدمي مرفوعة بقالها زمن لدرجة انها عاملة 65 الف كيلو ومش رشة برة كمان كانت زيرو ب 42 الف بس باذن الله بعد العيد هبيع عربيتي وهدور علي واحدة بس هية قليلة شوية وانا مش خايف من قطع الغيار زي ما الناس بتقول لاني عامل تعديلات في عربيتي عشان تبقي ثابتة جايب جوز مساعدين ب 450 اكيد بسعر البي ام ياعني وميرسي جدا لردودكم وباذن الله ابقي معاكو في المنتدي لما اجيب باذن الله
وشكرا جدا لردودكم

ربنا يوفقك وتلاقي إللي نفسك فيه

طيب ياريت لو حد يا جماعة يعرف حد معاة واحدة بس تكون نضيفة يقولي عشان اللي شوفتهم كلهم محتاجين مصاريف وانا بحب مثل شراء العبد ولا تربيتة وشكر وكل سنة وانتو طيبين

المشاركة الأصلية كتبت بواسطة eldmrane

طيب ياريت لو حد يا جماعة يعرف حد معاة واحدة بس تكون نضيفة يقولي عشان اللي شوفتهم كلهم محتاجين مصاريف وانا بحب مثل شراء العبد ولا تربيتة وشكر وكل سنة وانتو طيبين

في واحد اتعرفت عليه في الحرفيين هو بيقولي ان قريب الحاج عصام العمده معاه عربيه ظريفه ومسقط فيها الموتور ال 1800 ال بيطلع 138 حصان
هو مظبطها
كان طالب 45 الف
اسمو طلال تيتو ممكن اديلك رقمو لو مكنش باعها
هو مغير لونها لاسود من بره بس طبعا
011299037
0121032403
وربنا يوفقك

شكرا يا استاذ هاني علي زوقك بس انا حبب اركب العربية تكون علي ابوها ماتور ولون وكدة وميرسي جد علي مساعدتك