حلوة المعلومة دي و منكم نستفيد
عرض للطباعة
انا سألت انهردة على موضوع ان في عربيات بتدور على ال d وعرفت ان كل العربيات بتدور على p وكلام الناس الي ردت هنا صحيح
ده تصحيح للاخ اللي سأل ان في نوعيات عربيات بتدور على d وانا قولت يمكن في عربيات بتدور كده!!!
بس علمت ان كل العربيات بتدور على p وبعد ما بتدور بنجيب ال d عشان نتحرك والكلام عاااااااااااااام
وحتى الصيني وكله الفتيس نفس الكلالالالالالالالام
طيب لو انا ماشي علي الـ d ودوست فرامل لحد ما العربية وقفت وبعدها شلت رجلي ع الفرامل والعربية بطلت في وسط الطريق.
طبعا هبقي محتاج أستعجل واشغل مفتاح الكونتاكت بسرعة وهنسي اني ع الـ d
هل في حد بيعمل كدة أحيانا؟ وهل ده غلط ؟
لاني الاربع الجاي باذن الله هشتري الجين 2 أوتوماتيك وفكرتي عن السواقة الأوتو بدائية شوية بناءا عن التوبيك ده
اها ونسيت اقول كمان انك لو وقفت بالفرامل وسحبت فرامل اليد حتى هي هتقف اوكي بس المحرك مش هيقف الا لو انت وقفته
وهنا تختلف عن المنيوال
بمعنى العربية هتكون دايرة بس ثابته مش بتتحرك
لو شيلت رجلك من على الفرامل مش هتقف إلا إذا كان في عطل لا قدر الله
اول ما جيبت العربيه كنت بنسى انها مش بتدور غير على الp وكذا مره الاقيها مش بتدور وافتكر في حاجه حصلت في الفتيس
واحياناً وانا مستعجله او مش مركزه بشد فرامل اليد واشيل مفتاح الكونتاكت وانا دايسه فرامل وهي على الD طبعا لو حبيت ادور تاني مش هتدور لأنها مش على الP وبالتالي انا حركت الفتيس لل P وهي واقفه ومبطله بس دوست فرامل احتياطي ودورت بعد كده وماحصلش حاجه