انا كمان يومين هاستلم عربيتي الجديدة النترا اتوماتيك ,,,, و ما عنديش فكرة عن السواقة الاوتوماتيك ماعرفش غير المانيوال:120146b فممكن بس اي حد يقولي الخطوات الاساسية ,,,, عشان سمعت حكايات و كلام كتيييييييير جدا مفهمتش حاجة ,,
عرض للطباعة
انا كمان يومين هاستلم عربيتي الجديدة النترا اتوماتيك ,,,, و ما عنديش فكرة عن السواقة الاوتوماتيك ماعرفش غير المانيوال:120146b فممكن بس اي حد يقولي الخطوات الاساسية ,,,, عشان سمعت حكايات و كلام كتيييييييير جدا مفهمتش حاجة ,,
+1 +1
متاااااااابع
يتم وضع عصا الفتيس علي d و بندوس بنزين واحده واحده و ملوش لازمه نجيب الدواسه الارض و لما العربيه تقف في اشاره مثلا يتم وضع عصا الفتيس علي n و مينفعش التبديل بين d و n في حاله حركه العربيه حتي لا يتم قصف عمر الفتيس و في حاله الركن يتم وضع عصا الفتيس علي p و اخراج المفاتيح من الكونتاكت بعد ذلك
دور العربية
هاتها على ال d امشى عادى بنزين و فرامل
و لما تقف هاتها على ال n
شد فرامل اليد
هاتها على ال p
بس كده لحد متبص فى الكاتالوج
ومبروك عالعربية
شكرا جدا ,,,, والله يبارك فيكم
لا شكر علي واجب يا فندم و 1000 مبروك و ان شاء الله تستلمي علي خير
قعدت اكتب موضوع طويل عريض وفي الاخر اتمسح ههههههه
بس يالا مش خسارة اني اعيدهولك
اولا مبروك على العربية
ثانيا الاوتو سهلة سهلة جدا انا اتعلمت في مدرسة قيادة مينوال بعدين اخدت 4 حصص اوتو وفيهم روحت لحد البيت بعربية المدرسة ههههههههه
يعني سهلة جدا
حاجة مهمة انك تعرفيها برضو الاوتو عربية بتفهم وبتتجاوب اسرع من منيوال لانها احدث طبعا اما المنيوال الى حد ما خشنه شوية وقاسية مقايسة مع الاوتو
طبعا هتسمي الله
اول فرق بين ال 2 هو الدواسات معاكي بنزين و فرامل بس وحركة الرجل بتكون رجلك اليمين بس الشمال هترتاح خالص ومش هنستخدمها ودي ملحوظة مهمة اوي عشان الارتباك وتركيز المخ بيكون في رجل واخدة في الاوتو وطبعا دواساتك واحدة واحدة
ثانيا الفتيس بتاعك فيه d,r دول بسميهم حروف الحركة d الحركة للامام driving
r reverse motion يعني حركة عكسية مارشدير
حروف السكون بقا
p parking هتركني خالص وتسحبي مفتاح الكونتاكت
n normal يعني هتقفي في اشارة طويلة شوية هتقفي مؤقت تجيبي حاجة تبصي على كاوتش تفتحي شنطة الخ الخ الخ استخدام طول اليوم يعني لو مش ركنه نهائية ودي مهمة اوي
ثالثا الدريكسيون بتاعك غالبا باور ستيرنج
يعني السايكل كاملة بتاعته 3 لفات ونص السايكل لفة ونص
لما بتحبي تحودي سنه بسيطة يدوب حركة براحة يدك العربية هتستجيب معاكي طب لو هتلفي عجلك اقصي حاجة هيبقو 3 لفات ومش بقساوة لا بمنتهى الليونة والبساطة وعدي في الدركسيون غالبا في حتة في المركز بارزة على شكل رأس مثلث دي لما تكون لتحت بيبقا العجل مستقيم بتعدي 3 لفات لحد ما تخلي رأس المثلث تحت تاني وبعد ما العجل اتلف لفة كاملة هتحتاجي ترجعي تظبطي عربيتك بسرعة فتلفي لفة ونص في العكس وبعدين تعدلي كله عللا طول ويرجع العجل مستقيم زي ما قولنا بنخليه مستقيم ازاي
نتوكل على الله وحطيتي المفتاح في الكونتاكت بتجيبي الفتيس على d و انتي بتنقليه بتدوسي على زرار موجود في الفتيس ده بيعمل كانه دبرياج هتلاقي الزارار جنب ايديك في مقدمة الفتيس
بتدوسي سنة بنزين صغيرة والكعب ثابت في الارض ووجه القدم هو الي بيتحرك علشان لو في عربية معدية وانتي طالعة تعرفي تفرملي بسرعة
اتحركتي طبعا بتسخدمي الدركسيون عادي جدا
وانتي ماشية في الشارع قابلتك اشارة او عربيات وزحمة رجلك بالتبادل بين الفرامل وبنزين عشان تلحقي نفسك وكله بالراحة جدا مش زي منيوال خااااااالص لالا بالترديج جدا لانها عربية حساسة ومستجيبة سريعاً
لما تركني هتنقلي من ال d لل n العربية هتقف بس مش ركنه وبعد n بتجيبي p وبتسحبي مفتاحك من الكونتاكت طبعا
يارب مكونش نسيت حاجة
ودايما رحلاتك بيها امان ان شاء الله
ممنوع السرحان نهائى مع الاوتو
والله أنا شخصيا متشكر على شرحك يا أخت Nanona مع إن عربيتي مانيوال بس أنا استفدت برضه
فيه معلومة كمان صغيرة لكن لازم تعرفيها انك لما بتجيبى d العربية هاتبدا فى الحركة حتى قبل ماتدوسى بنزين
والف مبروك على العربية
وتقريبا في عربيات لازم الدوس علي الفرامل عند تحريك الفتيس وعند تدوير العربيه
مش عارف الكلام ده صح ولا غلط
عند وضع عصا الفتيس علي d العربيه بتبدي تتحرك تلقائي فلازم فرامل معاها منعا للتخييش لا قدر الله
معلومة كويسة برضو
اول ما بتجيبي ال d في للاوتو ده زي كأنك في المنيوال بدأتي تسيبي رجلك من الدبرياج بس لسة مش مدية بنزين
يعني بالظبط الي بيحصل ان التروس بتبدأ تلف مع بعضها وتحرك العجل لقدام
بتدوسي بنزين بقا عشان تديها عزم تطلع بيه وتحرك وزن الهيكل بتاعها
:car_part2:
فى بعض العربيات:
1- العربية مش هتدور الا لو كان الفتيس على n (المور) او p
2- لازم دوسة فرامل لتحريك عصا الفتيس اذا كانت فى الوضع p
3- انا عن نفسى بجيب n ساعات وانا ماشى على d العكس من غير مدوس فرامل ومش مكتوب انو غلط فى المانوال بتاعى وعمرى مقريتها
فى اى موقع او موضوع بالرغم من كدة فى ناس كتير بتقول انة غلط ... فبلاش منة.
مش فاكر اية تانى :)
اها
كلام حضرتك مظبوط بس مش عارفة دي النيسان ولا التيريوس المهم انا مش عارفة الالينترا اي نظامها بالنسبة للاخت الي بتسال بس هتجربي وهتعرفي عربيتك هي انهي نوع ولو الموتور مدارش على ال d بسيطة هاتي n او p بس لو هي بتدور على ال d بلاش تدوريها على بي او ان علشان تحافظي على الفتيس:,::,::B4_556:
لأ مش بتقف
انا كنت بعملها كتير الحركه دي قبل كده
الفكره ان العربيه بتبقي ماشيه علي ال "دي" عادي و انت مثلا داخل علي اشاره وهتقف فيها وعارف انك كده كده هتجيب ال " إن" لما تقف - اللي بيحصل كالاتي
ماشي علي ال دي و داخل عالاشاره بتجيب علي ال إن - من غير فرامل - العربيه هتفضل ماشيه بالقصور الذاتي - من غير بنزين - وبعد شويه ضغيرين هتقف لوحدها من غير ما تبطل - يا ام انت بتفرمل عادي لو هي موقفتش
مثال اكثر بساطه:
لو راكب عجله وبتبدل هتفضل ماشي - ولو عملت فرامل العجله هتقف
طيب لو بتبدل و بطلت تبدل من غير ما تعمل فرمل
العجله هتفضل ماشيه لحد ما تقف لوحدها او انت اللي توقفها :rolleyes:
و خلي بالك ان ايدك اليمين هاتكون متعودة على نقل الفتيس فخلي بالك انك لما تبقي خلاص على الd و سايقة تشيلي ايدك من على الفتيس عشان ماتنسيش و تنقلي نقلة غلط لا قدر الله
و دا في الاول بس لحد ما تتعودي و كمان عودي نفسك تشوفي انت نقلتي على ايه من الشاشة الديجيتال اللي قدامك في التابلوه بين العدادات يعني لما تيجي تنقلي الفتيس مش لازم تعدي تبصي عليه و انتي بتنقلي و خلي دايما عينك لقدام لحد ما تحفظي ترتيب النقلات و هاتلاقي نفسك بعد كدا بتنقلي تلقائي من غير ما تبصي في اي حاجة اصلا
مبروك العربية و ربنا يديكي خيرها و يكفيكي شرها ان شاء الله
نصيحه برضه محدش يغير ال d الي ال n و العربيه ماشيه نهائي لان كده بيبهدل في الفتيس
جميع انواع السيارت لو اوتوماتك مش بتدور وهى على ال d الا لو مشط فيشه الفتيس بايظ والكهربائى لغاه خالص بكده هدور على اى حرف حتى لو r
الوضع الصحيح لتشغيل المحرك هو ال p ومفيش مانع لو دورتى على ال n
بعض العربيات اصلا مش بتديكى فرصه تشيلى المفتاح الا لو بطلتى العربيه وجبتى الفتيس على ال p وده لاسباب عديده من اهمها
1- العربيه ما تتحركش وهى راكنه
2- لو معاكى ريموت بيدور العربيه مادورش الا لو هى على وضع الوقوف (تخيلى كده لو دارت وهى على ال d هيحصل ايه؟ :) )
هذا والله أعلى وأعلم
اهم حاجه رجلى على الفرامل وبعد الدواره برضوه رجلى على الفرامل وامسك عصا الفتيس وانقل من البى الى الدى لما اكون عايز اتحرك الى الامام ورجلى لازم تكون على الفرامل علشان العربيه متتحركش وانا لسه مش مستعد وبعد ما استعد تماما للحركه اسيب فرامل حبه حبه والعربيه هتبتدى تتحرك ولما الاقى السكه سالكه وانا مستعد ابتدى ادوس على البنزين وطول منا ماشى مش بغير تانى وأتاكد ان رجلى الشمال بعيده وبيبقى معمول حساب مسند على الشمال خالص فى الدواسه نريح عليها الرجل الشمال علشان منستعملهاش خالص
انا بس حبيت اأكد على انه اثناء نقل الفتيس وانا واقف لازم أكون دايس على الفرامل
والف مبروك ربنا يديكى خيرها ويكفيكى شرها
فيه نصيحة واحدة
اول مرة سقت فيها اوتوماتيك كنت داخل علي مطب و لاني انا متعود علي المانيوال ، رجلي الشمال اتحركت تلقائيا عشان تضغط علي الدبرياش ( اللي مش وجود اصلا ) فضغطت علي دواسة الفرامل ( العريضة جدا في الاوتوماتيك )
طبعا اتفاجئت بصوت الفرامل و العربية كلبشت في الارض
و لولا ستر ربنا :praying: و الطريق ما كانش فيه حد ، كان اي حد ورايا لبس في شنطة العربية :_Alshmokh11:
علشان كده حاولي تركزي في عدم استخدام الرجل الشمال خالص حتي لو اضطريتي في الاول ترجعيها لورا او تتنيها تحت الرجل اليمين
انا مش عارف الحكاية دي ممكن تحصل مع حد تاني و لا لأ بس الاحتياط واجب
و ربنا يباركلك فيها و يكفيكي شرها
ماشاء الله انا شايف ان السيدات موسوعة فى عالم الاوتوماتيك :)
مبروك العربية وربنا يرزقك خيرها ويكفيكى شرها وكل عام والجميع بخير
هههههههههههههههههههههه لان هو ده الفتيس المفضل عندهماقتباس:
ماشاء الله انا شايف ان السيدات موسوعة فى عالم الاوتوماتيك :)
مش فاهم حضرتك بصراحه .... انا عن نفسي ساعات كتيره بريح دماغي و اجيب ال n والعربيه مثلا على 80 لحد متهدا وادوس فرامل براحتي
ومش حاسس ان الفتيس بيعمل حاجه غلط وكل حاجه ماشيه طبيعي جدا....حتى كمان ام ادي العربيه N بلاقي ال rpm نزل مره واحده من 3000 لفه ل 1500 وسعات اقل وده في رأيى بيريح المتور ويهدي العربيه لوحدها وميخلنيش استهلك التيل على الفاضي
ده رأي الشخصي .... ياريت توضحلنا أكتر
هو ده تحليلي الشخصي لكلامي و بعدين انا بسوق الكورولا كتير يعني عارف بتكلم عن ايه بالظبطاقتباس:
لما تيجي تمور العربيه المانيوال بتعمل ايه ؟ بتدوس دبرياج طب هو فين الدبرياج ده في الاوتو ؟ مفيش و ده تفسيري الشخصي
Screenplays
mostafaismail
مع احترامى لكلامكا
ارجو فقط التناقش بهدؤ علشان الكل يستفاد
كلام حضرتك صحيح فعلا وانا مسوقتش كل العربيات واكيد خبرتي مش زيكم انا بس عقبت ع كلام الاستاذ
وقولت عشان نوصل لحل وسط بالنسبة لناس مبتدئة يجربو وكل شيء بيجي بالتجريب ومعانا فرامل لا قدر الله اي حاجة هنلحق نفسنا
انا قولت موضوع انها تدور ع الدي لاني سمعت وفي زميل هنا قال ان فعلا في عربيات مش بتدور غير ع الدي
:Y_hi_3[1]:
وعموما شكرا على التوضيح المهم اوي ده
الكلام ده صحيح نسبيا انطلاقا لنقطة معينه وهي انك حتى ف المنيوال مينفعش تكون على الرابع مثلا وتفرمل وتتوقع انها هتقف حالا او انك تنقفل من 4 ل 1 وميحصلش قلق في الفتيس!!
اختصارا التدريج كويس اوي لو هننقل من دي ل ان يستحسن نبطأ اوي على قد ما نقدر لحد منوصل لوضع السكون التام وبعدين نجيب ال n :babypubh:
انا عربيتى اتوماتيك و هتكلم عن موضوع النقل من ال D to N او العكس
انا اللى اعرفه انك ممكن تنقل بين الوضعين دول من غير ما تدوس على زرار النقل لكن باقى الاوضاع لاء الفتيس مش هيقبل ولا يمكن مثلا تجييب الفتيس على R من غير تدوس على زرار الفتيس وده طبعا عشان حماية الفتيس
سؤال بسيط : لو العربية عطلانة و هتضطر تقطرها مثلا هتعمل ايه أكيد هتحط العربية على ال N زى ما الكتالوج بيقول. يبقى برضه ممكن احط العربية على ال N وهى ماشية و مش هيحصل حاجة.
نفس الفكرة وانت نازل نفق الازهر و الطريق زحمة هتسيب العربية تنزل و الفتيس على ال N و تستخدم الفرامل بس.
لكن اللى ممكن يكون فيه كلام هو انك تجيب (N to D) و العربية ماشية ودى معرفش ان كانت غلط و لا صح بس عموما مش بيبقى فى اصوات من الفتيس و العربية بتقبل الغيار بسلاسة.
n فى الاوتو يعنى neutral اللى هوا المور فى الفتيس المانيوال
وافتكر مفيش ضرر انى امشى على المور عادى
وفعلا اللو ك بتاع الفتيس بيسمح بالنقل بين الd و ال n بدون الدوس على الزرار
وجهة نظر شخصية بحتة
مبدئيا
المشى على n ممكن تفاجيء بحاجة تخليك علشان تفاديها تحاول تقرص او تجرى سنة
مش هتعرف تعمل كدة
فى المنازل غلط انك تمشى بالمور
لان الحمل فى ايقاف العربية كدة على الفرامل وكدة هتسخن ومعناه انك هتحتاج مسافة فرامل اطول