الموضوع: تنبيه اداري-انشاء قسم لاحوال الشارع المصري

المشاركة الأصلية كتبت بواسطة now2005

ا/ كريم ، كل عام و انتم بخير ، ارجوا التوضيح ان ظهور المواضيع السياسية بكثافة على الاجتماعي هو بسبب ضغط الواقع و الاحداث المتسارعة و الحساسة اللي مرت بها بلدنا ، ما كانش يعقل ان في الوقت اللي بلدنا بتتجاوز فيه منعطف خطير ان تكون الموضوعات في الاجتماعي على شاكلة .. هل السيامي و لا الشيرازي هو الاجمل بين القطط ، و لا ايه هو اجمد موبايل .. حتى ان الادارة الكريمة تفاعلا منها مع الاحداث غضت الطرف على مواضيع الاسلحة اللي كانت ممنوعة قبل كده ، انا عايز اقول ان موضوعات الاجتماعي اللي بيحددها هو الاهتمام العام للأعضاء ، انما بتر جزء من الاجتماعي و معاملته على انه شيء كريه لا اتفق معاه ، و انا متفق مع حضرتك انه حصل تجاوزات كثير في موضوعات زي كده ، بس انا رأيي ان حلها هو بتطبيق قواعد المنتدى بصرامة مع المخالف . و في النهاية تقبل تحياتي .

يا سيدى الفاضل لما ينقلب معظم المواضيع ذلت الطابع السياسى الى خناقات وتخوين البعض للبعض الآخر ووصول الأمر الى حد التجريح وعدم الالتزام بقواعد وأصول المناقشات الهادفة الهادئة فى هذه المواضيع .

وفى نفس الوقت يقل الاهتمام بالمواضيع الاجتماعية ذات الفوائد العامة للجميع (مش كلها أكيد عن القطط الشيراز) .

واللى بعضها كان الواحد بيحاول يخرج بيها من مود الحياة اليومية الصعبة بسبب روح الفكاهة اللى كانت بتتخلل المواضيع دى وبتكون المهرب اللى الواحد بيلاقيه لتغيير الحالة المزاجية طوال اليوم وفى الاخر ييجى يخش يلاقى ده ماسك فى خناق ده .. وده بيغلط فى ده .. وده بيخون ده .. وده متشدد فى رايه وعاوز يفرضه على الجميع وان كان أقليه .

وبسبب كدة الواحد مبقاش يخش الاجتماعى لان نفسة بتنسد من اللى بيحصل فيه من خناقات وتجاوزات .

ولما يقوم الاخ كريم بمحاولة فصل مواضيع السياسى عن الاجتماعى منتفقشى معاه ...!

طيب مهو كان ممكن يمنع هذه المواضيع أصلاً انها تتناقش فى المنتدى وخصوصاً لحدوث تجاوزات فيها كتير وبما ان أيضاً المنتدى خاص بالسيارات .

لاكنه مشكوراً مجرد انه فصل هذا الجزء فى مكان خاص بيه والللى عاوز يدخله يدخله ويشارك فيه واللى مش عاوز عنده باقى الاقسام الاخرى يشارك فيها .

معلشى ممكن ناس تقول طيب وانا ايه اللى يخلينى ارد على حاجة متخصنيش من اساسه ... ارجع اقول لانى من الناس اللى كانت بتلاقى ليها مهرب فى الاجتماعى لغسل فيه هموم ما نتعرض له فى الحياة اليومية .
ودمتم بود ،،،

المشاركة الأصلية كتبت بواسطة now2005

ا/ كريم ، كل عام و انتم بخير ، ارجوا التوضيح ان ظهور المواضيع السياسية بكثافة على الاجتماعي هو بسبب ضغط الواقع و الاحداث المتسارعة و الحساسة اللي مرت بها بلدنا ، ما كانش يعقل ان في الوقت اللي بلدنا بتتجاوز فيه منعطف خطير ان تكون الموضوعات في الاجتماعي على شاكلة .. هل السيامي و لا الشيرازي هو الاجمل بين القطط ، و لا ايه هو اجمد موبايل .. حتى ان الادارة الكريمة تفاعلا منها مع الاحداث غضت الطرف على مواضيع الاسلحة اللي كانت ممنوعة قبل كده ، انا عايز اقول ان موضوعات الاجتماعي اللي بيحددها هو الاهتمام العام للأعضاء ، انما بتر جزء من الاجتماعي و معاملته على انه شيء كريه لا اتفق معاه ، و انا متفق مع حضرتك انه حصل تجاوزات كثير في موضوعات زي كده ، بس انا رأيي ان حلها هو بتطبيق قواعد المنتدى بصرامة مع المخالف . و في النهاية تقبل تحياتي .

لذلك لم امنع النقاش ولكن نقلته لساحتة المناسبة
خاصة بعد تدني اسلوب الحوار كثيرا
ودخول اناس جدد لم نتعود اسلوبهم في النقاش في بيتنا الراقي
ولم يتم التهاون في تطبيق القواعد في اي قسم
لكن مشرفين القسم الاجتماعي كانو غير مؤهلين نفسيا للتعامل مع تلك المواضيع
وكان لا بد من فصلها لتعيين عدد من المشرفين على مقدرة من التعامل معها ودراستها جيدا

تحياتي