السيور

**eng_audi2002** · 04-08-2011 09:38 PM

السلام عليكم

طبعا كل الناس بتغير سيور
وانا من يوم مجبت العربية مغيرتش غير سير الكاتينة وبعدين دلوقتى الدركسيون تقيل اوى وصوت مكنة الباور عالية فى ناس قالتلى انى ممكن لو غيرت سير الباور الصوت يخف وكمان الدركسين يخف شوية
فكنت عاوز اغير كل السيور اللى فى العربية (ماعدا سير الكاتينة لانه لسه جديد )
فمعلش هتعبكم معايا وتقلولى اسعار السيور كلها بكام
ورمضان كريم..

**M.Al-Hefnawy** · 04-08-2011 11:08 PM

يبقى كده باقي سير التكييف وسير الدينامو والاثنين اعتقد في حدود 150 - 200 جنيه.

**mohammedabdallh** · 04-08-2011 11:16 PM

متخفشى يا باشا اسعارهم زى الفل
المانى سعرهم 75 ج سير باور + الدينموا

**mr_vampire** · 05-08-2011 06:06 PM

باشا اتعود بعد كدة انك تغير الطقم كله مع بعض افضل. لان نفس ظروف التشغيل من حرارة ودوران باستمرار ( حتي سير التكييف بيلف وبيتاكل لو التكييف مش شغال ).

**arshico** · 06-08-2011 10:09 PM

السلام عليكم و كل سنة وانتوا طبيبين ..
حابب اشارك بتجربتي في موضوع السيور النهاردة مع السعودي جروب اللي هما الموزع المعتمد لدايموند موتورز اللي هية الوكيل المعتمد حاليا لميتسوبيشي في مصر.:)

وصلت 10 صباحا عشان اعمل السيور و صيانة 140 الف بشكل عام اللي تشمل سيور و فلاتر و زيوت وبوجيهات ... خلصت 4 مساءا. تخيلوا ؟؟!!!!!!!!

ليه بقى ؟ عشان السيور .. كل حاجة يتحججوا بحجة ان السيور صعبة و محتاجة دقة و تركيز و بتاخد وقت .. صبرت لحد الآخر و اليكم تجربتي :

اسعار السيور :
سير دينمو 126 جنيه
سير كاتينة 250 جنيه
بلية كاتينة 352جنيه
سير موتور 203 جنيه

مصنعية تغيير السيور 540 جنيه !!!

شايفين الاسعار ؟ قلت ماشي .. ده توكيل برضه مش عيب .

انا عربيتي لانسر بومة موديل 2007 .. 1300 سي سي . مواصفات خليجي.

بعد صبر 6 ساعات .. استملت العربية و ظاهريا مكانش في حاجة وملاحظتش صوت غريب لإني استلمتها في الشارع على طريق مصر اسماعيلية الملئ بالضوضاء.

لانهم طبعا بيمنعوا دخولك لمنظقة الصيانة.

عند العودة الى منزلي حيث اسكن في منظقة هادئة ظهر الصوت ... تصفير يخرج من السيور عند الضغط على دواسة البنزين .. و يخفت قليلا عند زيادة الضغط و لكنه موجود . يظهر ايضا في بداية ادارة المحرك .

اتصلت بهم الساعة 5 مساءا .. و قام بالرد احد افراد الأمن .. فقد رحل الجميع قبل الافطار. سوف احاول الاتصال بهم غدا.

قرأت كثيرا على الانترنت في المواقع العربية و الانجليزية .. هناك من قالوا ان السيور جديدة و تحتاج الى وقت للتليين او يمكن تشحيمها. و آخرون قالوا ان هذا الصوت خطر جدا و قد ينقطع السير و يتلف المحرك.

هذه تجربتي مع التوكيل الجديد .. و بالمناسبة اليوم كان اول يوم لهم في عمل مركز الخدمة . هل يستطيع احد الاعضاء ان يساعدني بخبرته في هذا الموضوع ؟

**l0new0lf** · 06-08-2011 10:40 PM

اول مره اسمع عن سيور بتتشحم

**mr_vampire** · 06-08-2011 10:56 PM

المشاركة الأصلية كتبت بواسطة l0new0lf

اول مره اسمع عن سيور بتتشحم

وياريت ياباشا تنساها خالص لانها غلط جدااااااااااااااااااا. تشحيم السيور او تزييتها هيخليها تعمل slip او تتزحلق من علي الجسم الراكب عليه السير سواء كان طنبورة او ترس وبكدة وظيفة السير في نقل حركة معينة هتضيع لان السير هيلف عالفاضي.

وبجانب انه هيتنحل وممكن يتقطع فجأة وتتسبب في حاجة اكبر.

فياريت ياشباب ننسي خالص موضوع تشحيم او تزييت السيور.

بخصوص الصوت اللي خارج من السير ( لو قديم بنقول ان السير عليه تراب او اي حاجة او بدء يتشقق ) انما مادام جديد يبقي اعتقد ان اللي ركبه شد عليه بلية الشداد بزيادة شوية وده طبعا غلط غير الصوت لان ممكن يتقطع فجاة.

لصاحب التجربة: ارجعلهم ياباشا خليهم يشوفو الليلة ده مادام واخدين مصنعية بس 540 جنيه. ( افترا بجد ).

**arshico** · 07-08-2011 01:08 AM

المشاركة الأصلية كتبت بواسطة mr_vampire

لصاحب التجربة: ارجعلهم ياباشا خليهم يشوفو الليلة ده مادام واخدين مصنعية بس 540 جنيه. ( افترا بجد ).

اشكرك ياباشا و اشكر اي حد اهتم بالرد .

و ان شاء الله هارجعلهم مع اني اكدت عالبشوات اللي هناك مليون مرة اني عاوز كل حاجة مضبوطة عشان معنديش اي وقت اروح و أجي قاللي متقلقش هنكون عند حسن ظنك.. بس حضرتك عارف احنا شعب نحب نتكلم و بس.

ربنا يكرم ان شاء الله

اللهم لا اسألك رد القضاء و لكني أسألك اللطف فيه.

**arshico** · 07-08-2011 05:45 PM

السلام عليكم و يارب تكونوا بخير ...

ذهبت اليوم بعد الاتصال بهم .. و قاموا بحل المشكلة بعد المقاوحة بإن الصوت ده طبيعي و كدة .

الحمد لله على كل شئ . و اتمنى محدش يتحط في المواقف دي تاني و يبقى العامل المصري عنده ضمير. :)