عايز رائيكوا فى هوندا 400 فاير ....

**sanseemoon** · 05-08-2011 02:41 PM

بص على الجوانات بتاعت الماتور والمسامير واضح فيها انها اتفكت قبل كده ولا لاء زى ماهى بحالة مصنعها واهم حاجة بص تحت الماتور على الكرتيرة بتاعت الزيت احسن تكون مخبوطة او مشروخة وبتسقط زيت وانا بقولك كده علشان فى ناسى كتير بتلبس من ده كتير اوى وبس على ان الماكنة 4 بستم بيحروقوا ودور المكنة واسمع صوتها ولو فى صوت مش طبيعى او خبط اور رزع ماتخدهاش لانها هتكون عايزة تحل واكتم الشكمان بالراحة علشان ماتفصلش واسمع الصوت كويس وهو الميكانيكى هيجى يعمل كل ده وبص على الشاسية فيه خبطة ولا لاء ولو فيه اوعى تخدها لانها كده اتزانها حصل فيه خلل وعمرها ماترجع زى الاول وبص على المساعدين الى قدام وشوف اذا كانوا جايبن زيت ولا لاء والكاوتش ممسوح ولا لاء والفيبر بتاعها الاصلى ولا صينى ولا مصبوب فيها مرمات ولا لاء راشة ولا لاء وبعد كل ده اطلع جربها وهات الست نقلات وحرق على كل نقلة وهات التوب سبيد بتاعها وامشى بالراحة وسيب ايدك وشوفها بترمى على جنب ولا ماشية ثابتة

**kisho55555** · 05-08-2011 03:02 PM

بص على الجوانات بتاعت الماتور والمسامير واضح فيها انها اتفكت قبل كده ولا لاء زى ماهى بحالة مصنعها واهم حاجة بص تحت الماتور على الكرتيرة بتاعت الزيت احسن تكون مخبوطة او مشروخة وبتسقط زيت

دول لازم افك الفيبر عشان اشوفهم ولا مش شرط .... عشان انا سفتها من بره وكانت كويس ومفيش حاجة .... لكن منزلتش تحت البايك ...

بس على ان الماكنة 4 بستم بيحروقوا ودور المكنة واسمع صوتها ولو فى صوت مش طبيعى او خبط اور رزع ماتخدهاش لانها هتكون عايزة تحل واكتم الشكمان بالراحة علشان ماتفصلش واسمع الصوت كويس

مش فاهم يعنى ايه الاربع بستم بيحرقوا ؟؟؟؟

انا دورت المكنة وكنت برزد بنزبن وانا دايس مارش .... وصوتها ناعم وبرود وتلاقيها بتعلى على طول .... ومكنش فيه رزع ولا خلط ...

وسديت الشكمان سمعت صوت المكنة لقيته ناعم .....

لكن وهى سخنة وكل حاجة .... وهى واقفة على السلانسية ... بيكون صوتها بيعلى ويوطى بسيط جدا .... مش عارف ده العادى بتاع البايك ولا فى حاج غلط ...

وبص على الشاسية فيه خبطة ولا لا

اللى فين ؟؟؟.... انا شفت الحته الرمادى اللى فى الجناب ومفيش اى خبطه فيه ,,,, ولا اى خيطة فى اليايك ...

وبص على المساعدين الى قدام وشوف اذا كانوا جايبن زيت ولا لا

لا مفيش زبت ..

والكاوتش ممسوح ولا لاء

لا مش ممسوح ...

الفيبر بتاعها الاصلى ولا صينى ولا مصبوب فيها مرمات ولا لاء راشة ولا لاء

اعرف منين ان ده الفيبر الاصلى بتاعها .... ولا صينى ولا مضروب ... لكن انا مش شابف فيه مرمات خالص ؟؟؟

وانا مش عارف اعرف ازاى ان الدهان اصلى ؟؟؟؟

وبعد كل ده اطلع جربها وهات الست نقلات وحرق على كل نقلة وهات التوب سبيد بتاعه

عملت كدا ... بس جبت تلات سرعات فقط ... لان الطرق مش مساعده خالص ...

امشى بالراحة وسيب ايدك وشوفها بترمى على جنب ولا ماشية ثابتة

ثابتة ...

ايه رائيكم ؟؟؟؟

**alfath8** · 05-08-2011 03:20 PM

موضوع 4 بستم دى شغالين ممكن تعرفها منين انك تحس بالسخونة اللى طالعة من الاربع مواسير بتوع الشكمان اللى طالعين من الموتور ترش عليهم ميه خفيفة وتشوف نسبة تبخر المياه هل هى واحدة فى كل المواسير وانا معاك فى موضوع الفايبر لازم تفكه وتشوفه من جوه لو مصبوب او فيه مرمات هايبقى باين ولو تقدر تنزل بالبايك بورسعيد اوديك لكذا ميكانيكى تشوف حالة البايم وانا تحت أمرك لو احتجت حاجة

**kisho55555** · 05-08-2011 03:26 PM

موضوع 4 بستم دى شغالين ممكن تعرفها منين انك تحس بالسخونة اللى طالعة من الاربع مواسير بتوع الشكمان اللى طالعين من الموتور ترش عليهم ميه خفيفة وتشوف نسبة تبخر المياه هل هى واحدة فى كل المواسير

هجرب النقطه دى ...... وهشوفها .... وممكن اجسها بايدى؟؟؟؟؟

وانا معاك فى موضوع الفايبر لازم تفكه وتشوفه من جوه لو مصبوب او فيه مرمات هايبقى باين

ان شاء الله هفكه ... بس لما اروح للراجل الميكانيكى....
الن صاحب البايك خايف عليها وحتى لما سقتها ... هو اللى ساق اغلب الوقت ... وخايف جدا عليها !!!!!

وكمان الدهان مفهوش خربوشة ... وكمان حلووبيلمع ..مش عاف كدا يبقى راشش ولا لا ؟؟؟ ومش عارف اتاكد ازاى ؟؟؟

ولو تقدر تنزل بالبايك بورسعيد اوديك لكذا ميكانيكى تشوف حالة البايم وانا تحت أمرك لو احتجت حاجة

اهلا باهل بورسعيد... انا كمان من بورسعيد وجاى الاسبوع اللى جاى .... يس الاول موجود فى السويس حاليا ...

الامر لله وحده ..... بس انا مش عارف اعمل ايه وحاسس انى تايه ؟؟؟

**alfath8** · 05-08-2011 03:33 PM

سيبها لله الميكانيكى هو الفيصل فى الموضوع ده وطبعا ليه صاحب البايك عايز يبيعه أعرف سبب البيع على فكرةcbr 400 fire لو هيا حالتها حلوة استحالة يطلب الرقم ده الا لو مزنوق جدا فى الفلوس لأنها تساوى على الأقل لو حاجة نضيفة من 21 الى 23

**kisho55555** · 05-08-2011 03:41 PM

ان شاء الله هسيبها لله .... هو راكنها فى جراج ومتغطية ومش بيركلها غير مرة فى الاسبوع ,,,,

ممكن توصف لى صوت الموتوسيكل على السلانسية وهو واقف !!!!!!!!!!

**sanseemoon** · 05-08-2011 03:46 PM

لو الصوت بيوطى ويعلى وهى على السلانسية دى بتكون عايزة ظبطة فى الهواء بتاع الكربيراتير عادى مش مشكلة

**kisho55555** · 05-08-2011 03:49 PM

لو الصوت بيوطى ويعلى وهى على السلانسية دى بتكون عايزة ظبطة فى الهواء بتاع الكربيراتير عادى مش مشكل

هو بيعلى ويوطى قليل بسيط .... ولما سمعت واحد تانى ... لقيت انه قريب منه ... قولت بمكن التنين بايظين ....

فى حاجة تانية اخد بالى منها؟؟؟

**kisho55555** · 06-08-2011 01:03 AM

الراجل صاحب اليايك .... لسه حاككها فى الجراج .. وخلع الفيبر عشان برشها ,,, كدا فى عيب ولا عادى ؟؟؟

وحد يفيدنى اعمل ايه تانى عشان ابقى مطمن ؟؟؟

**alfath8** · 06-08-2011 05:19 PM

ان مش عارف مش مستريح للبايك ده ليه شغل حوارات يعنى

الموضوع: عايز رائيكوا فى هوندا 400 فاير ....

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للبيع 400 فاير هوندا 400 فاير للبيع . شكمان تعديل . ومشحمه تعديل , ورخصه سايرة , ماتو

عايز رائيكوا في وظيفة

عايز هوندا سي بي ار 400 فاير

عايز رائيكوا كلكو هيونداى اكسيل ولا كيا برايد

عايز رائيكوا كلكو هيونداى اكسيل ولا كيا برايد

الكلمات الدلالية لهذا الموضوع

المفضلات

المفضلات

ضوابط المشاركة