شركات تكنولوجيا المعلومات .. كل المليارات دي ليه ؟!!

**BomBom** · 07-05-2008 09:51 PM

بنسمع دلوقتي مثلا ان مايكروسوفت كانت عارضة مليارات لشراء ياهو ، و كتير من شركات تكنولوجيا المعلومات اتباعت او اتقيمت بمليارات الدولارات ، المحير هو المليارات دي بتدفع ليه ، هل هي اصول الشركات دي و لا التكنولوجيا للي بتملكها ، ياريت لو حد خبرة يفيدنا في الموضوع المحير ده؟

**AhmedGen2** · 07-05-2008 10:40 PM

بتسأل ليه ولا ازاى؟ ، عارف القيمة السوقية لياهو تعمل حوالى 40 مليار وجوجل 160 مليار ، اما بقى البرنس الكبير ميكروسوفت فحوالى 280 مليار ، والواقع إن ياهو فى آخر كام سنة دول صافى ارباحهم سنويا كان بيقل ودة أدى لخسارة كبيرة للشركة خصوصا إنها من أحد أكبر الشركات العالمية وبيستثمر فيها بنوك ومعاملات تجارية بالملايين ، فى حين جوجل زادت ارباحها وبقت منافس قوى جدا لميكروسوفت ، ومحرك البحث الخارق بتاعها يكتسح ، لذلك قررت ميكروسوفت عرض 44 مليار على ياهو فى لحظة ضعف ، وآخر الأخبار اللى سمعتها إن ياهو رفضت بأدب وفى الغالب جوجل ساعدتها عشان تقف على رجليها تانى ، وطبعا الحوار مش مجرد محرك بحث وبرامج وبس ، لا يا باشا دة اقتصاد عالمى وناس بتتاجر بالملايين ، دة ميكروسوفت لوحدها دى لو حصل واقتصادها انهار هتسبب فى ركود الاقتصاد الأمريكى ككل.

**khalid_adel** · 07-05-2008 11:21 PM

بص ياباشا في الشركات دي بتبقى فكريه غير ملموسه اكتر من انها اصول ثابته وملموسه
يعني مثلا من اهم الاصول الغير ملموسه دي ال goodwill او الشهره ودي ليها تمن ساعات بيبقي عالي اوي وطبعا ال BRAND معروفه كلمة انت بتشتري اسم وغير طبعا براءات الاختراع (سر المهنه ) كل ده وغيره بيتعمله تقييم وتقدير وتقارير ودراسات (حاجات كتير من كذا مصدر) عشان يتقيم بتمن والمشتري طبعا ييقبل او يرفض هو حر (بين البايع والشاري... )

**outosend** · 08-05-2008 12:05 AM

هو فى اسباب كتير للمليارات دى لايتسع المجال لذكرها بس خلينا فى اقل بند واللى الناس كلها عارفاه حصيله الاعلانات اكتر من تخيلك بكتير وكل مره بتعمل بحث عن حاجه علشان تطلع فى الصفحه الاولى الشركه اللى طلعت دى بتدفع فلوس ولو انت دخلت على موقع من خلالهم بياخدو فلوس برده من الشركه اللى انت دخلت عليها وحاجات تانيه كتيييييييييييييير

**ams** · 08-05-2008 12:07 AM

المشاركة الأصلية كتبت بواسطة BomBom

برضه مش واضح المبالغ دي كلها بتتدفع مقابل ايه بالظبط.

على ما اعتقد الاسم والشعبيه والاعلانات و الرعاة

**TaoTao** · 08-05-2008 12:28 AM

المشاركة الأصلية كتبت بواسطة BomBom

يعني مثلا انا مش فاهم لما مايكروسوفت تدفع 44 مليار دولار لياهو .. هي بتدفعهم علشان تاخد ايه في المقابل .. لو محرك بحث او تيكنولوجي اكيد مايكروسوفت مش هتغلب تعملهم ... يعني في حالة مايكروسوفت مقنع ان يبقى ليها قيمة سوقية عالية ، دي شركة بتبيع سوفت وير و مش اي سوفت وير ، دي انظمة تشغيل و حزم مكتبية و غيره ، اما في حالة ياهو و جوجل دي مواقع بتقدم معظم خدماتها بالمجان ، برضه مش واضح المبالغ دي كلها بتتدفع مقابل ايه بالظبط.

هو الصراحة مايكروسوفت غلبت وغلب حمارها في موضوع محركات البحث Search Engine، دايما لما احب ابحث عن مقالة داخل موقع مايكروسوفت باستخدام محرك البحث الخاص بهم، مالاقيش أي مقالة من اللي انا عاوزها!!
ادخل على google واكتب نفس كلمات البحث keywords اللي كتبتها في مايكروسوفت -بدون تحديد الموقع كمان- يجيبلي في اول او تاني نتيجة بحث المقالة اللي بادور عليها !!!

google عندهم المعرفة know how وبراءات الاختراع والتكنولوجيا اللي جعلتهم رواد مجال محركات البحث.
الاقتصاد أفكار، فكرة جديدة = فلوس كتيرة

**ams** · 08-05-2008 12:34 AM

المشاركة الأصلية كتبت بواسطة TaoTao

الاقتصاد أفكار، فكرة جديدة = فلوس كتيرة

صح جدا
بس تنفيذ الفكره اهم من ايجاد الفكره لان عند التنفيذ قد تطرأ الكثير من المشكلات التى لم يراعيها صاحب الفكره الاساسية
و الشركات الكبيره بتاخد افكار تم تنفيذها واثبتت نجاحها

**AhmedGen2** · 08-05-2008 12:36 AM

المشاركة الأصلية كتبت بواسطة BomBom

يعني مثلا انا مش فاهم لما مايكروسوفت تدفع 44 مليار دولار لياهو .. هي بتدفعهم علشان تاخد ايه في المقابل .. لو محرك بحث او تيكنولوجي اكيد مايكروسوفت مش هتغلب تعملهم ... يعني في حالة مايكروسوفت مقنع ان يبقى ليها قيمة سوقية عالية ، دي شركة بتبيع سوفت وير و مش اي سوفت وير ، دي انظمة تشغيل و حزم مكتبية و غيره ، اما في حالة ياهو و جوجل دي مواقع بتقدم معظم خدماتها بالمجان ، برضه مش واضح المبالغ دي كلها بتتدفع مقابل ايه بالظبط.

زى مقلتلك ، جوجل وياهو مش مجرد محركات بحث مجانية ، النتائج اللى بتظهر فى محركات البحث ترتيبها مهم جدا ، يعنى لما تيجى تدور على منتج ليه شركات متعددة ، ترتيب ظهور الشركات دة مهم جدا ، وهنا دور الاعلانات بيلعب شغله ودة لوحده حوار بملايييييين ، خد عندك بقى حسابات الإيميل وحزم البرامج الجاهزة اللى بتقدمها جوجل وميكروسوفت وياهو كل دة بالمجان ليك انت ، زى بالظبط الاعلانات اللى بتشوفها فى التلفزين مانت بتشوفها ببلاش بس عشان يطلعلك الاعلان دة الشركة دفعت قد كدة للقناة ...

دة بالنسبة للإعلانات ، فيه أغراض سياسية واقتصادية وشغل فى البورصة والاسهم انا صراحة معرفش عنه كتير ، لكن يقدر بمليارات ..

انت عارف صافى ارباح جوجل سنويا مش اقل من 4 مليار دولار ، ميكروسوفت بقى من 15 مليار وانت طالع ، ياهو كانت بتعدى حاجز المليار بس بعيد عنك الأزمة اللى هما فيها فارباحهم نزلت بين 500-1000 مليون دولار ...

موقع زى الفيس بوك دة سعره دلوقتى على حسب مانا فاكر 150 مليون دولار ، بس تقريبا زاد اوى لكن مش عارف كام ، انت بالنسبة لك فيس بوك مجانا وقشطة وبتاع ، لكن الشغل وراه بالملايين ..