لأهل الخبرة فى الرينو القديم

انا كان عندى رينو 9 وهى الأن مع والدى ومنذ أن أشتريتها من سنتين وفيها شىء غريب جدا أنها مابتدورش إلا بعد 4 أو 5 مرة الكلام ده بيحص الصبح بس ومرت الأيام وغيرت الموتور بالكامل ولكن مافيش فايدة برضه نفس العيب . غيرت الرداخ بتاع البنزين برضه ما فيش فايدة عاوز أعرف إيه السبب يا أهل
الخبرة.

إيه يا جماعة ....انا مستنى الرد ...أرجو الرد والإفادة

بصراحة لاافقه فى الموضوع ذرة لكن عندى فكرة يمكن تنفعك اسال الراجل الى اشتريت منه العربية لو تعرف عنوانه او رقم تليفونه هي ليه بتعمل معاك كده يمكن يكون عارف السبب والله اعلم ربنا معاك

مفروض في 3 خراطيم في رداخ البنزين واحد للكربراتير وواحد راجع وواحد للطرمبة اعتقد ان الراجع عندك مسدود ولو مش كده يبقي مشكلتك في الطرمبة اللي في التنك وعلشان تجرب في الدوارة حط شوية بنزين في الكربراتير وشوف ايه اللي هايحصل

ممكن تتعب شوية تفصل الخرطوم اللي جاي من عند التنك من عند الماتور وتركب خرطوم صغير وليكن متر وتضعة في جركن بنزين مع توخي الحذر وتشوف العربية هاتدور في اد ايه وعرفني

انا كان معايا نفس العربية لمدة اربع سنين و نفس المشكلة كانت عندى ... وعلى حسب ما افتكر الموضوع ده كان بيظبط مع ضبط الكابراتير .... بس الكاربتير عندى كان بيحتاج تنضيف من وقت للتانى وعلى فترات مش بعيده وبالتالى تعايشت مع المشكله ده

بص يا سيدي،، أنا كان معايا r9 برضه وكان فيها نفس المشكلة،، وكان الموضوع ده مضايقني جداً،
السبب الأساسي الكربيراتير، وأنا عملت تجارب كتيرة وموصلتيش لحاجة لحد مابعتها..

المشكلة إن العربية لما تبات من غير دوارة لحد الصبح،، البنزين إللي في حوض الكربيراتر بيتبخر والكربيراتير بيبقى فاضي،،

إنتا لازم تحاول تعود نقسك على اسلوب معين بيختلف من عربية لعربية علي طريقة دوارة معينة وتفضل تكارك لحد ما الموتور يدور..

في تعديل كنت ناوي أعمله وهو إني ألغي دورة الرداخ،، وأركب طلمبة بنزين كهربا، بس لقيت الموضوع مش حيبقى آمن، لأن الطلمبة الكهربا حتفضل تضخ بنزين طول ما واصلها كهربا،، وده غير العربيات الحديثة لأن الكونترول يونيت بيفصل الكهربا لو العربية ماداريتش لمدة 30 ثانية وأيضا في حالة الحوادث،،

بس علي فكرة إنتا معاك عربية جميلة جدا ومازالت حبي الأول (اكتر من كليو 2008)

اقتباس:

---

المشاركة الأصلية كتبت بواسطة ossamaaly

بص يا سيدي،، أنا كان معايا r9 برضه وكان فيها نفس المشكلة،، وكان الموضوع ده مضايقني جداً،
السبب الأساسي الكربيراتير، وأنا عملت تجارب كتيرة وموصلتيش لحاجة لحد مابعتها..

المشكلة إن العربية لما تبات من غير دوارة لحد الصبح،، البنزين إللي في حوض الكربيراتر بيتبخر والكربيراتير بيبقى فاضي،،

إنتا لازم تحاول تعود نقسك على اسلوب معين بيختلف من عربية لعربية علي طريقة دوارة معينة وتفضل تكارك لحد ما الموتور يدور..

في تعديل كنت ناوي أعمله وهو إني ألغي دورة الرداخ،، وأركب طلمبة بنزين كهربا، بس لقيت الموضوع مش حيبقى آمن، لأن الطلمبة الكهربا حتفضل تضخ بنزين طول ما واصلها كهربا،، وده غير العربيات الحديثة لأن الكونترول يونيت بيفصل الكهربا لو العربية ماداريتش لمدة 30 ثانية وأيضا في حالة الحوادث،،

بس علي فكرة إنتا معاك عربية جميلة جدا ومازالت حبي الأول (اكتر من كليو 2008)

---

كل سنة وإنت طيب يا نجم . أنا عاوز أعرف حاجة يعنى هل ده نظام الكربراتير بتاع العربية ؟ ولا الكربرتير ممكن يكون فيه حاجة يعنى لو جيبت كربراتير جديد أو غيرته أو صلحته هلى هيفرفق فى حاجة ولا لأ؟ لأن المشكلة ده بصراحة هتجننى ومش معقول تكون هى متصنعة علشان ما تدورش من أول مرة وكمان هل ممكن يكون موضوع إن البنزين ما بيقعدش إنه ممكن يكون داخله هواء مثلا يعنى ممكن يكون فيه خرطوم مهوى أو حاجة ؟ ياريت تفيدنى لأنى فعلا أنا كمان بحب العربية ده جدا جد. وكل سنة وإنت طيب يا باشا

اقتباس:

---

المشاركة الأصلية كتبت بواسطة mada781

كل سنة وإنت طيب يا نجم . أنا عاوز أعرف حاجة يعنى هل ده نظام الكربراتير بتاع العربية ؟ ولا الكربرتير ممكن يكون فيه حاجة يعنى لو جيبت كربراتير جديد أو غيرته أو صلحته هلى هيفرفق فى حاجة ولا لأ؟ لأن المشكلة ده بصراحة هتجننى ومش معقول تكون هى متصنعة علشان ما تدورش من أول مرة وكمان هل ممكن يكون موضوع إن البنزين ما بيقعدش إنه ممكن يكون داخله هواء مثلا يعنى ممكن يكون فيه خرطوم مهوى أو حاجة ؟ ياريت تفيدنى لأنى فعلا أنا كمان بحب العربية ده جدا جد. وكل سنة وإنت طيب يا باشا

---

وحضرتك طيب،، بص الموضوع مش سهل.. انا لفيت علي الدكاترة إللي بيصلحلوا الكربيراترات في الإسكندرية ومفيش حد عرف يعمل حاجة..

إشتريت عدد 2 كربيراتير استعمال واحد ويبر إيطالي والتاني سوليكس فرنساوي وبرضه مفيش تحسن..

دورت علي كارب جديد وملقيتش وإتقالي حيبقى غالي جدا وصعب تلاقيه،، فكرت أشتري من علي النت (Ebay) بس خوفت آخد مقلب.. المهم الموضوع كان شاغل بالي جدا، وكنت بقعد بالساعات أفك كارب وأركب كارب، وفضلت أعدل في الرشاشات و البيكات ولقيت الموضوع شيق جدا،

وبعد ماإكتسبت خبرة كويسة عرفت إن مش الكارب بس هو إللي لازم يبقى مضبوط .. لأ ده كل قطعة ولو صغيرة في الموتور لازم تبقى موجودة وشغالة.. بالإضافة لحالة الموتور نفسه ودرجة كفاءته من الناحية الميكانيكية والكهربية.. ده حتى نوع زيت الموتور عليه عامل في الموضوع ده..

وللأسف الشديد العربيات في مصر بتتعرض لأقصى درجات الإهمال والإفتاءات في الإصلاح والصيانة،، وبتفضل العربية على مدار عمرها كل ما يحصل فيها عطل يا إما يتلغى منها جزء أو يتصلح غلط بدون فهم،، أو يفضل طول عمره مش شغال ..


آخر حاجة كنت ناوي أعملها،، إني أركب رشاش إنجكشن مع الكارب + طلمبة بنزين كهربا بس للأسف بعت العربية قبل ما أكمل البروجيكت ده..