مش لما يمسكو حراميه العربيات المعروفين الاول يبقو يعملو النظام ده
يارجاله انتو مش من مصر ولا ايه
انت انهارده تروح للشرطه تقولهم عربيتى اتسرقت واللى سرقها اتصل بيا وعاوز فلوس يقولك واحنا مالنا روح ادفع الفلوس وهات عربيتك
عرض للطباعة
مش لما يمسكو حراميه العربيات المعروفين الاول يبقو يعملو النظام ده
يارجاله انتو مش من مصر ولا ايه
انت انهارده تروح للشرطه تقولهم عربيتى اتسرقت واللى سرقها اتصل بيا وعاوز فلوس يقولك واحنا مالنا روح ادفع الفلوس وهات عربيتك
في نظام في السعوديه اسمه ساهر
اكتبوه علي يوتيوب
كاميرا بفلاش بتجيب رقم اللوحه واسم صاحبها
وبتفع في المخالفات والسرقات
يا ريت يطبق في مصر
يا شيخ ما تجبش اسم البتاع دة تاني دة الحكومة عملاه علشان يشفطو فلوس الشعب المسكين
دة ابوي والله دافع اكتر من خمس الاف ريال في السعودية بسبب ساهر انا اخد صورتين واخويا صورتين وابوي نفس الكلام وبعدين عندنا في السعودية الشباب بيغطو اللوحة بتعت العربية ويسرعو برحتهم يعني مبيقعش فية الا الغلبان الي مش عارف حاجة
هوا فيه حرامى سرق عربيه حيمشى بلوحتها ... نمره 2 ... ماهوا الحرامى مش حيعدى على الكارته اصلا ... حيلف حواليها جبلاوى ويرحع على الطريق تانى ... والى مش مصدق يمشى وراميكروباز بيزوغ من الكارته حيفهم الفوله ....
الفكره دى ممتازه طبعا وفعاله جدا برا مصر
بس عشان تمشى فى مصر صعب جدااااا
غير انها محتاجه ان البلد تكون متقدمه ( يا راجل امين الشرطه بيقرا ويكتب بالعافيه)
الاسباب
1 اولا مش كل اللى بيسرق عربيات بيطلع على طرق سريعه و ان طلع مش لازم يعدى فى كارته ( او هيخاف يعدى فى كارته )
2 ثانيا الجهاز دا بيبلغ عن ارقام اللوح المسروقه مش العربيات (لازم يكون حد ماسك الجهاز و هوا بيعدى العربيات عشان يشوف مواصفات العربيه تنطبق على اللوحه )
3 تكلفه بناء قاعدء بيانات هتكون كبيره جدا عشان تغطى الكارتات كلها بالاضافه عايز سرفرات عملاقه و حواسيب عملاقه عشان تديها معلومه على اللوحه من كارته و توصل لقاعده البيانات ويتم البحث و يعاد ارسال النتيجه اللى الضابط ( يعنى برا بتاخد وقت اصلا ) فعشان قاعده بيانات تعمل كده ههتكلف مبالغ طائله غير تكلفه الاجهزه
وخبراء الصيانه
4 نفتقد التعليم تماما مين امين الشرطه اللى هتمسكو جهاز دا ؟ وبعد كده ياخدلو الف جنيه فى ايدو مقابل انو ميصورش العربيه (كان هيستفيد ايه بال 300 جنيه الراتب بتاعو ) (بالظبط زى اى مخالفه قبل ما يكتبك يشوف هتديلو شاى ولا لأ ودى حاجه شايها كبير)
5 خلال ايام سيتم تلف جميع الاجهزه من سوء الاستعمال والجهل والتلف المتعمد
6 الجهاز دا بيكون وظايفو انو يعرف العربيات اللى منتهيت الترخيص ( فحلنى بقا اما حد يرضى يتصور بيه اصلا دا اللى مش سارق هيخاف يعدى لا يكون عليه مخالفات وعز الطلب انك تدفع رشوه عشان الرخصه منتهيه )
7 محدوده جدا يعنى كام كارته فى مصر ؟ ف الافاده مش هتكون زى التكلفه
8 ولما تتكلم انها اما توسع دى يعنى فكل اللجان ( ودا اصلا اللجان مبيعرفوش يمسكو فيها سواقين الميكروباصات ) يعنى هيخرمو من شوارع جانبيه
9 الحاله الوحيده هتكون فعاله جدا فى حاله ان دوريات شرطه تكون بتلف فل الشارغ و معاها الجهاز زى برا ( و اى سياره تشتبه بيها توقفها ) بس دى محتاجه ظباط عندها ضمير و دا مفتقدينو ( يعنى الظابط بزمتك لو جه يمسك واحد لو معندهوش ضمير هياخد الفين جنيه ويسيبو )
بالاضافه الى الكلفه الطاءله انك تعلم رجاله الشرطه بتاعتنا انها تعرف تسوق العربيات( واصلا تنزلهم من مكاتبهم ) وتناور عشان توقف اى مشتبه بيه
( يعم انا اعرف ناس) بيكون معاهم حشيش و عربيه الشرطه مبتعرفش تجيبهم فى اقل من 10دقايق فص ملح و بيدوبو ( مبالك بالى سارق عربيه )
10 واام الناس تعرف ان فى كارته محدش هيعدى مفيش حرامى هيروح للشرطه برجليه
الحل لازم يكون مربوط اولا بظبط النفس
والعقوبات الشديده والقبض على الحراميه المشهورين ومسجلين الخطر
و بعدين نتكلم فى تطوير نظامنا الامنى
ولازم الظباط تكون قلبه جرىء (قله منهم دلوقتى كده) يعنى اكبر اسباب الانفلات الامنى (الظباط قلبهم ضعيف ) كان الاول بيفرض الامن و ضامن ان مفيش حد يقدر يمد ايدو عليه (دلوقتى تقول انا عارف مكان العربيه وتعال نجيبها بيخاف على نفسو )
لان تقريبا من زمان يمكن قبل التسعينات كان كل اللى بيدخل الشرطه مكنش بيدخل يخدم البلد
كان داخل عشان يستفيد من الوسطه
فاما تطلب منو يضحى بنفسو صعب ( الإ من رحم ربى )
احنا حلنا الوحيد محتاجين حاجه من الاتنين
يا شعب جديد ( وليكن استيراد من الصين )
يا يد من حديد (او فايبر جلاس ) تمسك البلد و تكون الاحكام عادله و قاسيه جدا و مساوه تامه
وان استقامت البلد كل حاجه هتستقيم
اشكر صاحب الموضوع جدا ويكفى انه حاول ايجاد حل للسرقه بإسلوب علمى لقد قرأت اليوم موضوع وادى الملاك الموجود فى اليوم السابع وبما اننى من اهل سيناء واتضرر جدا من ذكر هذه البلد بالسوء لكنى اعترف ان سيناء ملاذ امن لتسويق السيارات المسروقة ويتم دخول السيارات الى سيناء عن طريق كوبرى السلام او نفق الشهيد احمد حمدى او المعديات المنتشرة على طول خط القناة ويكون ذلك اما عن طريق رشوة لاحد الامناء الموجودين عند العبور من الغرب الى الشرق او القيام بإستبدال النمر الخاصة بالسيارة المسروقة بإخرى سليمة وتكون من نفس نوع وموديل السيارة ونفس اللون ويتم العبور بها الى سيناء واعادة النمر الى السيارة الاصلية وهذه الطريقة الاخيرة لايتم اكتشافها الا صدفة والفيصل هنا هو رقم الشاسيه فكنت افكر فى الاتى لماذا لايوجد جهاز لقراءة رقم الشاسيه فى مناطق عبور السيارات ويكون متصل بإجهزة الكمبيوتر الخاصة بالمرور والتى مسجل عليها بيانات السيارات فى مصر مثال اجهزة البحث الجنائى المسجل عليها بيانات المتهمين فى القضايا ويتم البحث عنهم بالكمبيوتر