انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

اقتباس:

---

المشاركة الأصلية كتبت بواسطة engahmedsayed

النهاردة باليل بأذن الله تعالى
هرد على جميع استفساركم
و ان شاء الله تعالى
الردود هتيبقى مرفقة بالصور للتسهيل على الاخوة
للمعرفة اجزاء و قطع الغيار و دى هتيبقى حاجة جديدة تضاف
للموضوع و الباقية تأتى و هيكون ان شأء الله فى تطور جديد
يبقى كدة الموضوع متكامل

وربك المستعان

---

باشمهندس انا فى انتظارك كما وعدنى وحمدلله ع السلامه

ممكن لو سمحتو حد يبقى يصحينى لما يرجع الباش مهندس بالاسلامة؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة ali207

بسم الله الرحمن الرحيم
بشمهندس أحمد ازى حضرتك

مشكلتى بأختصار معايا فلشيا 95 شاريها من سنه ونص ومن سعتها اى مشكله قابلتنى فيها
حلتها بأ\ن الله الا المشكله دى من اول مشترتها...

ريحة عادم محرمنى افتح اى شباك بتبان معايا من سرعة 80 الى 140مش بتبان الا مع السرعه
بتروح و تيجى مع اتجاه الريح مع العربيه وخد بالك العربيه
لابتاكل زيت ولا بنزين مفيش دخان ابيض السرعه بتوصل معايا الى 140 بحط بنزين 92 المطالع مفيش مشكله افتح الشباك بس الريحه بتهب من ورا( الريحه) مش زيت محروق ولا بنزين نى الريحه عامله زى بابور مهبب مخنوق ناره مش سالكه كده يعنى ....رحت لكذا ميكانيكى
1-الهواعايز يتظبط والكهربا ظبط ياعم ...
الموضوع لسه
فتره وروح لواحد تانى احكيله المشكله
2-اويل سيل صباب ماشى ياعم غير
لسسسسسسسسسسسه
3-ظبط تاكيهات ظبط
لسسسه
منهم الى قلى شنبر ومنهم الى استبعد الشنبر عن كشف وتجربه
ولا خمسه ميكانيكى كل واحد برأى ويشتغل ويقبض ومفيش حل:majd(4):اعمل ايه
ومش عايز اجازف واعمل شنبر ويطلع مش هو المشكله ومصروف ع الفاضى

ارجوا مساعدتك وجزاك الله خير.

---

موضوع انى انتا تشم ريحةعادم داخل صالون العربية دة بيبقى راجع لكذا احتمال و انا هقول لحضرتك الاحتمالات و نتابع مع بعض وحضرتك تشيك كدة

الاحتمال الاول:-

دة بخصوص الفرن و دة هام جدااااااا لانى انتا مذكرتش انى انتا عاملت فى حاجة معا لعلم ممكن يكون 70 % هو اساس المشكلة

1- ممكن ان يكون شرخ فى فرن الشكمان
2- ممكن يكون الفرن عاوز جوان
3- ممكن يكون فى خلوص فى فرن العادم فا بيهرب العادم من خلوص الفرن و دى بتبان مع السرعه العالية

فا سياتك هتروح لميكانيكى وانتا قلى تقوله مش هو قلى يقترح هتقولو عيد رباط على فرن قلى ورا وش السليندر على طول وخلية يبص محتاج تغيير جوان و لة مش محتاج تغيير

الاحتمال الثانى:-
احتمال يكون زيت على الشكمان بيتحرق مع سخونة الشكمان
وممكن يكون الزيت بينزل على الشكمان مع تغيير الزيت او تغير فلتر الزيت

الاحتمال الثالث :-
ممكن يكون فى انسداد فى الشكمان ودة ممكن يعمل راجع لدخنة عليك
ممكن يكون فى كيس بلاستيك لازق على الشكمان وكل ما الشكمان بيسخن كل ماالبلاستيك يطلع ريحة

الاحتمال الرابع
عاوزك تراجع على اى تسريب من علبة دركسيون لكوبلن داخلى لبارات تسريب زيت مش شرط زيت الموتور ممكن يكون زيت الباكم وبص على كرتيرة الزيت

دة كل احتمالات الدخانة بس فى الغالب يا شكمان يا فرن الشكمان اوفى تعريق زيت اوشحم اوكيس لازق على الشكمان
راجع و انا متابع مع سياتك

وربك المستعان

واى خدمة

اقتباس:

---

المشاركة الأصلية كتبت بواسطة ayman20100

بشمهندس احمد ازي حضرتك

الله يسلمك

ليا سؤال بسيط ان شاء الله

اتفضل يا صديقى

هو طقم الشنبر بيبقى عبارة عن ايه

طقم الشنبر دة عبارة عن حلقات معدنية بتركب على المكبس و بيكون محدد ليها على المكبس يعنى لكل حلقة ليها مجرى بيتركب عليها حلقة الشنبر
وبيكون مكون من ثلاث حلقات وترتيبهم من اعلى للاسفل

الحلقة الاولى شنبر الكبس الاساسى
الحلقة الثانية شنبر كبس اضافى
الحلقةالثالثة شنبر مسح زيت

ويكلفني كام

دى مش هقدر افيد حضرتك بيها لانى معنديش علم بيها

باختصار لو العربية عاوزه طقم شنبر هعمل ايه

هتعمل اية اولا الميكانيكى يفك وش السليندر و هيفك كرتيرة الزيت من تحت علشان يفك البساتم
فاحضرتك

يفضل مع طقم الشنبر
تغير جوان وش سليندر
تغير جوان كرتيرة الزيت
تغير فلتر زيت
تغير زيت قلى انتا بتستخدمة

السبب في كده ان البوجيهات عندي بتعرق زيت وتفصل وبتبوظ بسرعة وميكانيكي قالي محتاج تعمل طقم شنبر

كلام مظبوط بس بردك زيادة احتياط اتاكد من الشمايز بتاعة غرف الحريق يعنى هيركب طقم الشنبر و يتاكد انى مفيش خلوص وكدة كدة هو فاتح الموتور علشان ميرجعش يغير طقم الشنبر و يقفل الموتور وتطلع المشكلة من الشمايز اتاكد من دى علشان مترجعش تفك تانى وتكلف نفسك تانى
اوعى تنسى هااااااااااام جداااااااااااا

وجزاك الله خيراً

---

الف شكر على الدعوة الجميلة
وربك المستعان

متابع مع حضرتك وياريت تقولنا على التفصيل

اقتباس:

---

المشاركة الأصلية كتبت بواسطة mr_megahed

بشمهندس احمد ازيك انا شاكر لردودك اللى مبتبخلش بيها على حد

الله يسلمك
دةاقل واجب يا صديقى

العربية عملت معايا حركة مش ظريفة كنت فى ظروف والحمد لله على كل حال وكنت رايح اودى اخويا يعمل تحاليل لابنه

ربنا يشفية يارب ويبعد عنه اى ضرر

والعربية قامت بطلت منى ادور تدور وامشى شوية اقف تبطل عرفت ان الكربراتير الهوا مش مظبوط المهم رحت للميكانيكي الاسطى ايمن اللى فى بين السرايات قلتله عايز اظبط الكربراتير والتاكيهات قالى سيبها تبرد

مظبوط كدةالكلام

المهم استغليت بتاع درياتيرات وقلتله عايز انظف واظبط الردياتير لان المية عندى كلها صدا المهم فك القربة والردياتير واغسل وفتح الرادياتير وسلك سيبته

كويس منها صيانة لدورةالتبريد

ورحت عند ابو الحسن قلت اجيب فلتر هوا وبنزين المهم جابلى فلتر هوا بكام ده قالى 15 جنيه بصيت عليه لقيته مصرى معفن اسف فى التعبير المهم قلتله انا عايز حاجة نظيفة قالى الاصلى ب 50 جنيه قلتله هاته المهم جبت الحاجة (فلتر الهوا والبنزين )

فرصة كويسة تغيير الفلاتر بالمرة

ورجعت للراجل اللى بيسلك الردياتير لقيت خلص وركب قالى ادور العربية وزود ميه عادية وخرطوم الراجع مفكوك

مظبوط

وطلع المية اللى كانت متخزنة جوة الموتور المهم فضى تانى المية

لية فاضها تانى وله فاضها علشان تقولو حط مياة خضرا

خالص وقالى احطلك مية خضرا انا بصراحة المية العادية كانت بتنقص كتير ومش عارف لها سبب مع العلم ان مفيش اى تسريب خالص خالص قلتله ماشي يمكن الميه العادة درجة التبخير اعلى من المية الخضرا المهم جاب جركن مية خضرا مكتوب عليه تركيز 40 % المهم حط المية الخضرا دور وراقب مؤشر الحرارة 90 المروحة اشتغلت وفصلت على النص بين 70 و 90 بطلت كام ياعم قالى 60 جنيه (المية الخضرا 20 - مصنعية 40)

كويس درجة الحرارة حلوة بس فى حاجة غريبة العربية كلها خدة جركن واحد مياة خضراء الجركن 4 لتر
العربية دى بتاخد بتاع جركنين مياة خضرا و ممكن نص كمان علشان سحب الهوا والقصةدى
بس خلى عينك على عداد الحرارة

المهم يمين شمال قالى والله دا انا كده جاى من الاخر المهم دخلت للاسطى ايمن الميكانيكي قالى هات العربية من غير ماتسخن انا عايزها تكون باردة عشان اظبط التاكيهات المهم فتح التاكيهات لقى اتنين محملين ظبطهم وبعد كده فك عمة الهوا وطلع تقريبا الابرة ونظفها وظبط هوا الكربراتير وجاب مسدس مش عارف هو جاز ولا هوا

مسدس هوا بيستسهلو دلوقتى يعنى هو المفروض يفك الكربرتير وينظفة ضرب المسدس و نظف بك السلانسية وخلاص على كدة

المهم ظبط ودورت العربية لغاية ماظبطت وركب الفلتر الهوا الجديد وفلتر البنزين كمان كده تمام واخد مصنعية 20 جنيه مشيت من عنده العربية دايرة واكنها مش دايرة مش سامع لها اى صوت اكنى راكب عربية جديدة بس بعد كام يوم لاحظت ان المية بتنقص برده

اولا ماهوالمياة بتنقص علشان هو ضاف جركن واحدمن المياة الخضرا على مياة عادية
ثانيا لو انتا غيرت مياة الرداتير يعنى بمعنى اصح عاملة عمليةتفريغ للمياة و رجعت مياة تانى كدة كدة دورة التبريد بتظبط نفسها وطبيعى جداااا المياة بتنقص و هتنقص معاك لحد 4 او 5 ايام عقبال ماتظبط نفسها من هنا بقى تحكم على نقصان المياة بعدالفترة قلى انا ذكرتها
هنا بقى ممكن يكون فى اسباب تانية بس بعد الفترة قلى انا قولتها ابقى تابع معايا وانا هتابع معاكو قولى الاخبار اية

وكمان العربية الصبح بتغيب عقبال ماتسخن كده هل ممكن يكون البوجيهات عايزة تتغير

البوجيهات ملهاش علاقة بالتسخين
و البوجية عاوز يتغير قلى فى حالتين
يا يكون واجب تغيره لانتهاء عمرها لافتراضى على حسب توصيات الشركة المصنعة
ياما يكون قطع شرارة و بكدة تغيره فوووورا

انا عارف ان انا طولت بس اقلت اشرح بالتفصيل عشان لو حد حصل معاه نفس الموقف يبقى فاهم الموضوع ماشي ازاى ملحوظة العربية قبل كده كانت زى مايكون مكتومة بعد اللى اتعمل حسيت انها فاقت شوية بس برده مش اوى وكمان المروحة مش بتفصل الا نادرا

دى بتيبقى على حسب درجات الحرارة الجو يا ما يكون فى تقصير فى دورة التبريد

وبتفصل لما المؤشر يكون بعد 70 بشرطة او اتنين (الحساس الكوعة واطى 82-68):majd(4):مش عارف المية دى بتروح فين وكمان الترموستات مش مظبوطة مع مؤشر الحرارة اعمل ايه:_alshmokh08[1]:

---

ازاى الترومستات مش مظبوطة مع مؤشر درجات الحرارة ممكن توضحيلى ازاى
يارب اكون قدرت اوفق فى الشرح

ربك المستعان

اقتباس:

---

المشاركة الأصلية كتبت بواسطة ironhead

بشمهندسنا الكبير
فيليشيا 97, الثالث بعض الاوقات بيعلق ومش راضى ييجى, بحس انى لو اتعافيت عليه هكسره,
مش عارف ده زيت فتيس عايز يتغير ولا مشكلة فى الفبرة بتاعة عصاية الفتيس (معنديش ضفدعه)

---

انتا حضرتك سالت ورديت على نفسك بالاجابة الصح
وخلى الديسك دة اخر حاجة لانى انتا بتقولى الغيار التالت فقط يعنى بقيت الغيارات سلسةمعاك
بس الاول شيك على فبرة عصاية الفتيس وايوا معندكش ضفدعة بس عندك عقربة و سياتك هتشيك على العقربة
اخبار العصاية اية فيها بوش فى خبط جوة الفتيس فى رزع اية الاصوت قلى انتا بتسمعها خروشةصريخ نحرة
ممكن ترد عليا
متابع مع حضرتك باهتمام
ربك المستعان

اقتباس:

---

المشاركة الأصلية كتبت بواسطة ali207

باشمهندس انا فى انتظارك كما وعدنى وحمدلله ع السلامه

---

واوفيت بوعدى يا صديقى
وربك المستعان

اقتباس:

---

المشاركة الأصلية كتبت بواسطة sakr1964

ممكن لو سمحتو حد يبقى يصحينى لما يرجع الباش مهندس بالاسلامة؟؟؟؟؟؟؟؟؟؟؟

---

انا بقى قلى هصحيك يالة قوم اصحى ورانا شغل هواحنا جايين ننام هنا
هنا مكان اكل عيش
حاجة غريبة
انا و الله غصب عنى اصلى انا بظبط لوزة هتقولولى مين لوزة دى هقولكم فلشيتى الكومبى اسمها لوزة
النهاردة فكيت كراسى الصالون وفكيت فرش 4 ابوباب وفكيت الموكيت وطلعت غسلت الكراسى والفرش والموكيت و بعدين روحت غسلتها فى المغسلة وهى كدة علشان هطلع على السمكرى بكرة
ادعولى يا شباب ربنا يقومها بالسلامة
من عملية التجميل دى

ربنا معاك يابش مهندس احمد احنا والله بندعيلك من كل قلوبنا ان ربنا يكرمك ويعزك ويارب يارب تحج وربنا يبارك لك فى صحتك وذريتك ........

انا الحمد الله بعد ماغيرت حساس الحرارة المؤشر بقى ما بيوصلش للنصالسؤال....

هو من الممكن ان يكون حساس الحرارة بيغش يعنى بيحسب على العالى او بيحسب على الواطى اصلى انا خايف للحساس يكون بيغش وما اشعر الا بالعربية مولعة والعداد موصلش النص؟؟

انا روحت بنفسى للمخرطة زودت وش السلندر كان فية برومة وبعدين قشطة والميكانيكة ركبة طبعا المية لسة مخلوطة على الزيت مشيت بيها قد عشرة ايام وبعد ما رجعت من الشغل بعت العربية للميكانيكى علشان يحرق على وش السلندر وبعد المغرب روحت قالى ربط على الوش وجاب رباط ومن ساعتها المية انقطعت والزيت نظف تمام تمام ....

انا بقول الكلام ده ليه لأن قبل كده روحت لدكاترة كتير غيرو جوان وش السلندر ولم يطلب منى احد العودة للتحريق على الوش ودى مهمة جدا لأن التحريق دة بيقطع المية تمام....

اما نقصان الميه فى القربة طبعا انا اكتشفت بالكيس غطاء القربة عاوز يتغيير ومش مهم نزود كل يوم قد كوباية مية وخلاص علشان انا سمعت ان غطاء القربة الموجود فى الأسواق غير جيد....

اقتباس:

---

المشاركة الأصلية كتبت بواسطة engahmedsayed

واوفيت بوعدى يا صديقى


وربك المستعان

---

كتر خيرك ربنا يجزيك خير :b4_388: