انتا تسال/انا اجيب على اعطال سكودا موديل 1997:1994(ففوريت - فورمان - فلشيا - كومبى)

الاول
السلام عليكم
احبائى واخوانى واصدقائى فى المنتدى
حبيت اعمل الموضوع لكل مالكى
سكودا
(ففوريت - فورمان - فلشيا - كومبى)
لانى هذا الموديلات اعرفة عن ظهر قلب و الحمد لله انا مش هقول انى اعرفة اعطالها اوعيوبة بنسبة 100% يكفى انى خبرتى فيها كويسة جدا و حبيت اخدم اخوانى هنا فى القسم لانى حبب كل واحد يعرض مشكلته هنا و الحمد لله كثير من اخوانى قدمة للهم المساعده للحل مشكلهم و الحمد لله و بفضل ربنا تم حل المشكلة
و هذا هيكون موضوع اقدمة فى هذا القسم و يكون مجدد باستمرار وهتكون المتابعة هنا باستمرر و ذلك للانجاز فى الوقت بدل التصفح فى مشاركات وممكن مشاركة اقراءها وممكن مشاركة لا اراها فا هنا هتكون المتابعة باستمرار و اهتمام و فى اى وقت انا فى خدمة رجال سكودا
اخوكم
م / احمد سيد
و الله المستعان
نبداء على بركة الله

السلام عليكم
بالتوفيق وربنا يكرمك وأكون سعيد للمشاركة وعرض التجارب والتساؤلات لزيادة النفع وتبادل الخبرات لجميع السادة الأعضاء

خد اول مشكله امبير الحراره بيعملي لما بهدي علي مطب ولما بعدي المطب وبتدي ازود بنزين الاميبر بينزل تاني للنص
انا عارف ان ده بسبب ان حركة طرمبة الميه بتزيد عند ضعط البنزين بس مش عايز الامبير يزيد عن النص

حللي المشكلة دي الله يكرمك عربتيتي فليشيا 97 مكيفة تكييف اصلي بتسخن لي 110 مع التكييف فقط مع ان
1-ردياتير المونيوم جديد فيكا
2-مروحة سربنتينة ومروحة سرعتين 6 ريشة تعمل علي السرعة العاليىة علي طول وشغاله بكفائة
3-ترموستات 82/68128
4-وش سليندر سليم ولا ينتج اي مشكله معه سواء علي السرعات او خلط زيت بالماء
دورة التبريد تعمل بكفائة حيث درجة الحرارة لاتزيد عن 80 في عز الزحمة والحر بدون تكييف
العربية بتسخن مع التكييف اكن في حاجة غلط مع ان اخصائي التكييف اكدلي كفائة الكمبروسور والتكييف ولكن هل نوع الفريون وجودته ممكن يسخنوا العربية يعني لو حطيت 14 بدل ده 134ممكن يسخن حيث اانيي لا اعلم نوع الفريون المشحون اخر مره وعلي اي ضغط بيكون وايه الحلول الي ممكن اعملها عشان انا دخت والنك اهو وربنا يسهل ورمضان كريم واسف علي الاطالة
http://www.nilemotors.net/Nile/234563-a.html

بارك الله فيك وكل عام وانت بخير وجعلة الله في ميزان حسناتك

عربيتى جابت جوان وش سلندر

اقتباس:

---

المشاركة الأصلية كتبت بواسطة benmatar

السلام عليكم
بالتوفيق وربنا يكرمك وأكون سعيد للمشاركة وعرض التجارب والتساؤلات لزيادة النفع وتبادل الخبرات لجميع السادة الأعضاء

---

وعلى السلام ورحمة الله و بركاتة
الف شكر على رد حضرتك و انا معاك ياصديقى فى تجارب لوادة النفع و تبادل الخبرات
و انا منتظرك

السلام عليكم
كيف حالك مهندس احمد ربنا يبارك فيك
على فكره انا مش ناسى المقابله بس انت عارف رمضان بقى

مع التحية والشكر والتقدير
وبالنسبة للأستاذ زيكو صاحب مشكلة السخونة أنصح بالكشف عن وجود هواء بنظام التبريد كإجراء سريع

كان عندي سخونة في الفليشيا 96 لما امشي على طريق سريع بدون ماأشغ التكيف, الحمد لله ظبط الكهرباء و التاكيهات دلوقتي درجة الحرارة تقريبا 90 و بتزيد عند المطالع(الحتت اللي محتاجة عزم) أو لما اجيب الخامس!!!! ,
هل دي مشكلة ايه بالظبط صبابات؟ لو طالع على مطلع مثلا بسرعة 100 و انا على الخامس السرعة بتنزل لحد 90 و اضطر انزل الغيار على الرابع!!! و بتسخن تبقى بتاع 95 و كل ده من غير التكيف ما يشتغل.
لما بشغل التكيف مع السرعة برده العربية تجيب 100, التكيف عندي تركيب و عندي مروحة واحدة سرعتين,أفيدوني

اقتباس:

---

المشاركة الأصلية كتبت بواسطة asaid

كان عندي سخونة في الفليشيا 96 لما امشي على طريق سريع بدون ماأشغ التكيف, الحمد لله ظبط الكهرباء و التاكيهات دلوقتي درجة الحرارة تقريبا 90 و بتزيد عند المطالع(الحتت اللي محتاجة عزم) أو لما اجيب الخامس!!!! ,
هل دي مشكلة ايه بالظبط صبابات؟ لو طالع على مطلع مثلا بسرعة 100 و انا على الخامس السرعة بتنزل لحد 90 و اضطر انزل الغيار على الرابع!!! و بتسخن تبقى بتاع 95 و كل ده من غير التكيف ما يشتغل.
لما بشغل التكيف مع السرعة برده العربية تجيب 100, التكيف عندي تركيب و عندي مروحة واحدة سرعتين,أفيدوني

---

انا عندى نفس المشكلة مع فيفورت 1994!!!!!!!!!!!!!!!!!

اقتباس:

---

المشاركة الأصلية كتبت بواسطة xmanx51

خد اول مشكله امبير الحراره بيعملي لما بهدي علي مطب ولما بعدي المطب وبتدي ازود بنزين الاميبر بينزل تاني للنص
انا عارف ان ده بسبب ان حركة طرمبة الميه بتزيد عند ضعط البنزين بس مش عايز الامبير يزيد عن النص

---

اولها كدة ضرب ضرب مافيش شتيمة مفيش حتى دعوة للموضوعى قلى انا عامله على العموم ما علينا يا صديقى
حضرتك عاوزين نتاكد من كام حاجة الاول علشان نعرف المشكلة منين يا ترومستات يا مؤشر حرارة
لانى هما الاثننين مربوطين ببعض عاوزين نتاكد الاول
مع بداية تشغيل المروحة شوف مؤشر الحرارة على 90 درجة وله حاجة تانية لو على 90 درجة يبقى تمام لو مش على 90 درجة يبقى المؤشر بايظ
وممكن يكون فى احتمال انى سلك المؤشر مهزوز وعاوزيتثبت كويس راجع علية واتاكد من تثبيته لانى مع حركةالعربية ممكن يكون بيتهز من السوكت بتاعه

اقتباس:

---

المشاركة الأصلية كتبت بواسطة zico2009

حللي المشكلة دي الله يكرمك عربتيتي فليشيا 97 مكيفة تكييف اصلي بتسخن لي 110 مع التكييف فقط مع ان
1-ردياتير المونيوم جديد فيكا
2-مروحة سربنتينة ومروحة سرعتين 6 ريشة تعمل علي السرعة العاليىة علي طول وشغاله بكفائة
3-ترموستات 82/68128
4-وش سليندر سليم ولا ينتج اي مشكله معه سواء علي السرعات او خلط زيت بالماء
دورة التبريد تعمل بكفائة حيث درجة الحرارة لاتزيد عن 80 في عز الزحمة والحر بدون تكييف
العربية بتسخن مع التكييف اكن في حاجة غلط مع ان اخصائي التكييف اكدلي كفائة الكمبروسور والتكييف ولكن هل نوع الفريون وجودته ممكن يسخنوا العربية يعني لو حطيت 14 بدل ده 134ممكن يسخن حيث اانيي لا اعلم نوع الفريون المشحون اخر مره وعلي اي ضغط بيكون وايه الحلول الي ممكن اعملها عشان انا دخت والنك اهو وربنا يسهل ورمضان كريم واسف علي الاطالة
http://www.nilemotors.net/nile/234563-a.html

---

حضرتك بخصوص الكلام قلى انا مؤشر علية بالون الازرق الكلام هنا عكس بعض منين حضرتك بتقول وش السليندر سليم ومنين بتقول ينتج عنه خلط الماء مع الزيت على السرعات العالية

طيب ممكن نقسم الموضوع الى قسمين
اولا موتور بدون تكييف
ثانيا موتور بتكييف شغال

الاول موتور بدون تكييف
اية اخبار درجة الحرارة على السرعة المنخفضة و السرعة العالية عاوز توضيح منحضرتك
اية اخبار المروحة شغالة بانتظام و الشفط بتاعها قووى و له بدور بضعف
متاكد انومفيشتسريب فى دورة التبريد
طلمبةالمياة بتعمل بكفاءة
الموضوع ككل درجة حرارة الموتور مظبوطة و له مش مظبوطة يعنى المفروضفى اقصى اوقات درجات الحرارة لا تتعدى 90 درجة

ثانيا موتور بتكييف شغال
متاكد انى المروحة بتشتغل على السرعة التانية و له بتفضل على نفس السرعة العادية دى حاجة
الحاجة التانية بتيبقى درجة الحرارة على 110 بتثبت و له بترتفع شوية و تنخفض شوية و له اية بظبط
لو بتثبت يبقى فى تقصير فى دورة التبريد ناتج عن عدم تنظيف و خلافة انا هقولك على حاجات تعملها

1- نظف الرداتير بضغط مياه عالى فى البنزينة يعنى اضرب المسدس فى من برة ومنجوةالموتور
2- اتأكد انى دورة التبريد مفيهاش هوا هتعرف ازاى سياتك هتعمل اية والعربية دايرة و هى سخنة افتحغطاء القربة بحرص سنة سنة سنة سنة اولا ما تبداء عملية التنفيس سيبه للحد ما يبطل تنفيس وسنة سنة خالى بالك هوممننوع بس مطريين و بص على قربة المياة و شوف المياة بتتقلب و له ثباته خلى حد يزودلك بنزين وبصعلى المياه شوف معالدوس المياه بتزيد فى التقليب و له ضعيفة و له ثباتة لوثباتة يبقى كده الموتور ده واخد هوااااا
وبيسخن العربية جامد حاول تسحبة عند اى ميكانيكى او فى البنزينة و تابع درجة حرارة العربية

[QUOTE=hamahomo;3873712063]بارك الله فيك وكل عام وانت بخير وجعلة الله في ميزان حسناتك[/QUOTE

شكرا على ردك الجميل و بالتوفيق لحضرتك و الجميع يارب
وربك المستعان

اقتباس:

---

المشاركة الأصلية كتبت بواسطة dado_256

عربيتى جابت جوان وش سلندر

---

يا ساتر يارب
وحضرتك لحد الان عارفة السبب و له معرفتيش لانى لوحضرتك معرفتيش السبب يبقى كدة هتغيرو يرجع تجيب وش سليندر تانى لازم تعرف السبب و لازم تصلحه قبل ماتغيير وش السليندر
وقبل ماتركب الوش الجديد نظف دورة التبريد كويس ودورة التزييت كويس علشان اختلاط المياه مع الزييت وبعدين ركب وحط زيت غسيل بتاع 1000 كيلو وغيرو وحط مياة عادية و بعدين غيرها بمياةخضرامع تغييرالزييت الجديد علشان لو فى اى شوائب نسحبها فى الغيار القديم

اقتباس:

---

المشاركة الأصلية كتبت بواسطة rasim

السلام عليكم
كيف حالك مهندس احمد ربنا يبارك فيك
على فكره انا مش ناسى المقابله بس انت عارف رمضان بقى

---

و له انا ناسيها و على العموم هنستنى لما رمضان و العيد كمان يخلصوعلشان ميبقاش ليك حجة صح
رمضان كريم
كل سنة و انتا طيب

السلام عليكم
معلش بقى ظروف الشغل وانت عارف الواحد لما بيصدق يروح

فلاى مشكله السحب قل بتاع العربية يعنى 100 بالعافية وكمان الماتور صوته عالى جدا ايه بقى المشكله

اقتباس:

---

المشاركة الأصلية كتبت بواسطة rasim

السلام عليكم
معلش بقى ظروف الشغل وانت عارف الواحد لما بيصدق يروح

فلاى مشكله السحب قل بتاع العربية يعنى 100 بالعافية وكمان الماتور صوته عالى جدا ايه بقى المشكله

---

موضوع انو الموتور يبقى صوته عالى وبتجيب 100 بالعافية هنا فى احتمالين
الاحتمال الاول يا العربية مخنوقة وهقولك تعمل اية وبنفسك وبشخصك وحاجات سهلة ومش هتاخد فى ايدك نص ساعة بظبط

الاحتمال الثانى يا سطوانة دبرياج بعدالشررررررررررررررر

الاحتمال الاول
العربية متلتة
سياتك تفتح الكبوت وهوالموتور شغال هتشد كبلات البوجية بوجية يعنى هتفصل البوجية الاول صوت الموتور اتغير وبقى يرتل ويتهز يبقى البوجية دة كدة تمام التانى والتالت شرحة الرابع مثلا شيلت الكبل بتاع البوجية مفيش تتغير فى الصوت او رعشة الموتور يبقى البوجية ده مات وواجب التغيير

فلتر البنزين اخبارة اية نظيف و له فى طحالب من المياة المخلوطة على البنزين وسخ غيرة مش محتاجة ميكانيكى فك القفايز بتاعته وركبة انتا
فلتر الهوا اخبارة اية عاوز يتنظف وله عاوز يتتغير بردك مش محتاجة ميكانيكى سياتك هتفك العمة هتفك الكليبس و يكون معاك مفتاح بيبة والباقى شارح نفسة

هنعمل بقى حاجة لذيذة مع بعض وهى اية هنعطس العربية علشان نفوقة من الغيبوبة
سياتك هتبدل البوجهيين قلى فى النص مكان بعض يعنى التانى مكان التالت والتالت مكان التانى و دور هتلاقى صوت الموتور متغيير متقلقش عادى يمعلم النصاحة بقى فى اية مش دورت وتفضل دايس بنزين لا حضرتك هدوس بنزين و سيب الدواسة واول ما العربية هتحس انى هى هتبطل اكبس على الدواسة مرة واحدة وسيب هتللاقى العربية بتعمل صوت فرقعةوالشكمان هتلاقية مخرج كل ما لاز وطاب و عيد مرة واتنين و تلاثة للحد ما الشكمان ميخرجش حاجة طبعا هتكون موقف حد يبصلك على الشكمان
جرب وا نا معاك او ابقى اتصل بية على موبيلى انا حططهم فى اول الموضوع بتاعى وكل ده بنفسك
ياله قوم اشتغل و بطل كسل و اوفر فلوسك على حاجات خفيفة الموضيع دى بتفرق فى العربية جامد
جرب وقولى
وربك المستعان

اقتباس:

---

المشاركة الأصلية كتبت بواسطة engahmedsayed

موضوع انو الموتور يبقى صوته عالى وبتجيب 100 بالعافية هنا فى احتمالين
الاحتمال الاول يا العربية مخنوقة وهقولك تعمل اية وبنفسك وبشخصك وحاجات سهلة ومش هتاخد فى ايدك نص ساعة بظبط

الاحتمال الثانى يا سطوانة دبرياج بعدالشررررررررررررررر

الاحتمال الاول
العربية متلتة
سياتك تفتح الكبوت وهوالموتور شغال هتشد كبلات البوجية بوجية يعنى هتفصل البوجية الاول صوت الموتور اتغير وبقى يرتل ويتهز يبقى البوجية دة كدة تمام التانى والتالت شرحة الرابع مثلا شيلت الكبل بتاع البوجية مفيش تتغير فى الصوت او رعشة الموتور يبقى البوجية ده مات وواجب التغيير

فلتر البنزين اخبارة اية نظيف و له فى طحالب من المياة المخلوطة على البنزين وسخ غيرة مش محتاجة ميكانيكى فك القفايز بتاعته وركبة انتا
فلتر الهوا اخبارة اية عاوز يتنظف وله عاوز يتتغير بردك مش محتاجة ميكانيكى سياتك هتفك العمة هتفك الكليبس و يكون معاك مفتاح بيبة والباقى شارح نفسة

هنعمل بقى حاجة لذيذة مع بعض وهى اية هنعطس العربية علشان نفوقة من الغيبوبة
سياتك هتبدل البوجهيين قلى فى النص مكان بعض يعنى التانى مكان التالت والتالت مكان التانى و دور هتلاقى صوت الموتور متغيير متقلقش عادى يمعلم النصاحة بقى فى اية مش دورت وتفضل دايس بنزين لا حضرتك هدوس بنزين و سيب الدواسة واول ما العربية هتحس انى هى هتبطل اكبس على الدواسة مرة واحدة وسيب هتللاقى العربية بتعمل صوت فرقعةوالشكمان هتلاقية مخرج كل ما لاز وطاب و عيد مرة واتنين و تلاثة للحد ما الشكمان ميخرجش حاجة طبعا هتكون موقف حد يبصلك على الشكمان
جرب وا نا معاك او ابقى اتصل بية على موبيلى انا حططهم فى اول الموضوع بتاعى وكل ده بنفسك
ياله قوم اشتغل و بطل كسل و اوفر فلوسك على حاجات خفيفة الموضيع دى بتفرق فى العربية جامد
جرب وقولى
وربك المستعان

---

شرحك جميل وسهل ربنا يكرمك ويوفقك
انا بقى بقيت فعلا بعمل كل الحاجات ديه في العربية خصوصاً اني اكتشفت ان الميكانيكي بيتشتغلني كل مرة وياخد مبلغ وقدره كل مرة في حاجات تافة زي كده بس بدأت اقرأ على النت واقف على ايد الميكانيكي والحمد لله بقيت اغير الفلاتر وكمان اظبط الكهربا بتاعت الماتور طبعا طلعت عيني يومين واكتشفت حاجات فيها بس الحمد لله ظبطها بشوية تعب وربنا كرمني وفي ظبطها واحسن بكتير من البيه الميكانيكي الى كان اسهل حاجة عنده يغير البوجيهات ويعملي شغلانه عشان ياخد مبلغ محترم ربنا يرحمنا من الصناعية معدومي الضمير
غير بقى اهم حاجة اني بحس اني هندي وانا بكلم الاسطى الميكانيكي لانه عمره ما بيحس بالعربيه زي ما بحس بيها واقوله على اي اختلاف في صوت الماتور او في السحب وما يفهمش ويقولي عادي وطبعا ابقى مقتنع مليون الميه باحساسي بالعربية الى بركبها كل يوم وبحس بابسط اختلاف فيها
على فكرة انا استفدت كتير من المنتدي هنا ربنا يوفقكم دايما وجزاكم الله خيرا على مساعدتكم لاخوانكم

بشمهندس احمد عامل ايه يا باشا بس انا سمعت ان موضوع تبديل سلوك البوجيهات غلط جدا على عمود الكرنك ودا من ناس خبره فى العربيات

السلام عليكم
جزاك الله يا احمد انا مغير فلتر النزين بس معاد تغير البوجيهات والفلتر الهواء فات بس ربنا يسهل بعد رمضان بقى علشان انت عارف اخر 10 ايام رمضان بقى
شكر يا حبى على المساعده

عندى مشكله كده ان مره رحت انضف الكربراتير والميكانيكى لما فكه شوفت ان فيه بوابتين واحده شغاله والتانيه مقفوله والاكس بتاعها متشال يعنى بمعنى اصح البوابه بتاعت الخامس ملغيه والعربيه طبعا معايا اخر سرعتها بتبقى 120 وجايباهم بالعافيه

ممكن اعرف ايه ابسط حل وبأقل التكاليف ياريت افاده فى الموضوع ده لانه بجد ممل وصوت الموتور بيبقى عالى جدا

اقتباس:

---

المشاركة الأصلية كتبت بواسطة ayman20100

شرحك جميل وسهل ربنا يكرمك ويوفقك
انا بقى بقيت فعلا بعمل كل الحاجات ديه في العربية خصوصاً اني اكتشفت ان الميكانيكي بيتشتغلني كل مرة وياخد مبلغ وقدره كل مرة في حاجات تافة زي كده بس بدأت اقرأ على النت واقف على ايد الميكانيكي والحمد لله بقيت اغير الفلاتر وكمان اظبط الكهربا بتاعت الماتور طبعا طلعت عيني يومين واكتشفت حاجات فيها بس الحمد لله ظبطها بشوية تعب وربنا كرمني وفي ظبطها واحسن بكتير من البيه الميكانيكي الى كان اسهل حاجة عنده يغير البوجيهات ويعملي شغلانه عشان ياخد مبلغ محترم ربنا يرحمنا من الصناعية معدومي الضمير
غير بقى اهم حاجة اني بحس اني هندي وانا بكلم الاسطى الميكانيكي لانه عمره ما بيحس بالعربيه زي ما بحس بيها واقوله على اي اختلاف في صوت الماتور او في السحب وما يفهمش ويقولي عادي وطبعا ابقى مقتنع مليون الميه باحساسي بالعربية الى بركبها كل يوم وبحس بابسط اختلاف فيها
على فكرة انا استفدت كتير من المنتدي هنا ربنا يوفقكم دايما وجزاكم الله خيرا على مساعدتكم لاخوانكم

---

شكرا على ردك الجميل و بالتوفيق
فى اصلاح عربيتك وربنا ما يحوجج لميكانيكية
و لو حضرتك احتاجة حاجة انا فى الخدمة فى اى وقت وارقام موبيلتى كلها فى الموضوع فى اول صفحة
وربك المستعان

اقتباس:

---

المشاركة الأصلية كتبت بواسطة mada3030

بشمهندس احمد عامل ايه يا باشا بس انا سمعت ان موضوع تبديل سلوك البوجيهات غلط جدا على عمود الكرنك ودا من ناس خبره فى العربيات

---

انتا قلى عامل اية فينك يا صديقى صحبك مسحوول فى الشغل و طالع عينى الحقنى
انا زعلان منك مبتسالش وله لازم يكون فى تليفون علشان خاطر.................. مش هقدر اقولها لانى انتا
من اصدقائى الغاليين عندى والله يعلم
موضوع تبديل سلوك البوجيهات انا عارف انو فى ضرر وضرر كبير كمان بس لو انتا استعملتها بطريقة غلط
و استعمال كتير لو انا بتكلم عن الموضوع كل فين و فين يعنى كل فترة كبيرة اما عمال على بطال و يومين ده غلط و شكرا انى انا انتبهاة للموضوع ده
هنتظر من اتصال
ربك المستعان

اقتباس:

---

المشاركة الأصلية كتبت بواسطة rasim

السلام عليكم
جزاك الله يا احمد انا مغير فلتر النزين بس معاد تغير البوجيهات والفلتر الهواء فات بس ربنا يسهل بعد رمضان بقى علشان انت عارف اخر 10 ايام رمضان بقى
شكر يا حبى على المساعده

---

ماشى ياعم
ورمضان كريم
ربك المستعان

اقتباس:

---

المشاركة الأصلية كتبت بواسطة dado_256

عندى مشكله كده ان مره رحت انضف الكربراتير والميكانيكى لما فكه شوفت ان فيه بوابتين واحده شغاله والتانيه مقفوله والاكس بتاعها متشال يعنى بمعنى اصح البوابه بتاعت الخامس ملغيه والعربيه طبعا معايا اخر سرعتها بتبقى 120 وجايباهم بالعافيه

ممكن اعرف ايه ابسط حل وبأقل التكاليف ياريت افاده فى الموضوع ده لانه بجد ممل وصوت الموتور بيبقى عالى جدا

---

الموضوع بسيط و سهل باذن الله
انو انتا يفضل تروح متخصص كرابرتير و هو يظبطلك الكربرتير
علشان متقعدش تحرق على الموتور جامد
و مدام انتا عارفة المشكلة كدا يبقى تمام
دة راى
هنتظر ردك و تقولى انتا عاملة اية
ربك المستعان

السلام عليكم
امبارح للاسف وانا مروح لقيت لمبة الزيت نورت فجأة وكشفت على الزيت ولقيت نسبة الزيت عادية وشيكت على السلك بتاع مؤشر الزيت لقيته متوصل عادي ومافيهوش مشكلة ........ المشكلة ممكن تكون من ايه ؟ وهل الموضوع لازم يتعالج فوراً ...... والتكلفة ؟؟؟؟ وجزاك الله خيراً

ولا اى علامة :d :d :d انا اكتشفت ان لغبطة كبميوتر العدادات كده تظهر وتختفى مثلا بس لو ثاابتة يبقى فيه مشكلة واتوقع انك عايز تغير زييت بدل اللى عندك علشاان ممكن تكوون نسبته قلت بس

والله يا بش مهندس تلفونى باظ ومش عارف اجيب ارقام لسه شايف رقمك اهو وهسيفه ظبط وكلمنى نتقابل علشان انت واحشنى يا معلمى

اقتباس:

---

المشاركة الأصلية كتبت بواسطة ayman20100

السلام عليكم
امبارح للاسف وانا مروح لقيت لمبة الزيت نورت فجأة وكشفت على الزيت ولقيت نسبة الزيت عادية وشيكت على السلك بتاع مؤشر الزيت لقيته متوصل عادي ومافيهوش مشكلة ........ المشكلة ممكن تكون من ايه ؟ وهل الموضوع لازم يتعالج فوراً ...... والتكلفة ؟؟؟؟ وجزاك الله خيراً

---

مش شرط ياصديقى انو كون يكون العربية زيت مظبوط و موجود و انتا لسة مغيرة مش دى المشكلة
الموضوع ممكن يكون فى مشكلة فى طلمبة الزيت و دى لما بتقطع او بتبوظ ما مبتعمليش عملية التزيت
للموتور و دى خطررر جداا كأن الموتور مفيهوش زيت
يجب الكشف عليها فوررررا و متمشيش بالعربية الا لما تتاكد من حل المشكلة لانى عواقبها كبيرة بعد الشر
يجب الاسراع فى تحديد سبب المشكلة و حلها فورا
مهم جدا
ربك المستعان

اقتباس:

---

المشاركة الأصلية كتبت بواسطة mada3030

والله يا بش مهندس تلفونى باظ ومش عارف اجيب ارقام لسه شايف رقمك اهو وهسيفه ظبط وكلمنى نتقابل علشان انت واحشنى يا معلمى

---

اوك يا استاذ محمد
و ان شاء الله لما ارجع من السفر هكلمك و نتقابل
اهم حاجة انتا بخير و الحمد لله

اقتباس:

---

المشاركة الأصلية كتبت بواسطة bisoolover

ولا اى علامة :d :d :d انا اكتشفت ان لغبطة كبميوتر العدادات كده تظهر وتختفى مثلا بس لو ثاابتة يبقى فيه مشكلة واتوقع انك عايز تغير زييت بدل اللى عندك علشاان ممكن تكوون نسبته قلت بس

---

اقتباس:

---

المشاركة الأصلية كتبت بواسطة engahmedsayed

مش شرط ياصديقى انو كون يكون العربية زيت مظبوط و موجود و انتا لسة مغيرة مش دى المشكلة
الموضوع ممكن يكون فى مشكلة فى طلمبة الزيت و دى لما بتقطع او بتبوظ ما مبتعمليش عملية التزيت
للموتور و دى خطررر جداا كأن الموتور مفيهوش زيت
يجب الكشف عليها فوررررا و متمشيش بالعربية الا لما تتاكد من حل المشكلة لانى عواقبها كبيرة بعد الشر
يجب الاسراع فى تحديد سبب المشكلة و حلها فورا
مهم جدا
ربك المستعان

---

جزاكم الله خيراً انا اكتشفت ان المشكلة في ساعة الزيت الى بيبقى فيها السلك واشتريتها وقولت اجرب وغيرتها بنفسي والحمد لله اللمبة مش بتنور دلوقتى وجربت العربية وماشية كويس الحمد لله
الغريبة انها كانت بتنور بعد دقيقتين او تلاته من تشغيل العربية وتقعد شوية ترعش وبعدين تنور على طول وده الى خلاني اشك اكتر في طلبة الزيت على العموم قولت نغير البسيط قبل ما نفتح وشوف الطرمبة والحمد لله جت سليمة

يعنى زاى مقوولت لغبطة كومبيووتر والكلام ده صح تبع السااعة يعنى ؟؟ جبتها بكام بقى ؟

جبت الصيني عشان ما كنتش متاكد انها هي الي بايظة وقولت ما ابقاش اتكلفت كتير لو مش هيه جبتها الصيني ب15 جنيه والاصلي كانت ب 40 جنيه من عند ابو الحسن في شارع المرور

مبروووووووووووووك ياريس عقباال تسقيييط ال 1800 :d d: D:انشااء الله

اقتباس:

---

المشاركة الأصلية كتبت بواسطة bisoolover

يعنى زاى مقوولت لغبطة كومبيووتر والكلام ده صح تبع السااعة يعنى ؟؟ جبتها بكام بقى ؟

---

ازيك يا بيسوووو عامل اية انتا اية اخبارك
الموضوع انو هنا شغالين على كلام صاحب المشكلة انو بيعرض المشكلة هنا و احنا بنرد علية بس بناخد اهم شىء فى الموضوع و اهم احتمال علشان لاقدر الله ممكن تكون مشكلته و اضرارها كبييرة
يعنى ممكن اقوله ده عيب ساعة الزيت و مقلتولوش انى طلمبة الزيت قطعة زيت يجى ياخد الكلام ثقة و يمشى بالعربية يلاقى فى مشكلة من الطلمبة دة قلى انا اخاف منه فا احنا هنا بنرد على حسب الكلام الموجود صح
و له انتا ليك راى تانى
بس برافو عليك يا بيسوووووووووووو
دة انتا حببى
ربك المستعان

اقتباس:

---

المشاركة الأصلية كتبت بواسطة ayman20100

جبت الصيني عشان ما كنتش متاكد انها هي الي بايظة وقولت ما ابقاش اتكلفت كتير لو مش هيه جبتها الصيني ب15 جنيه والاصلي كانت ب 40 جنيه من عند ابو الحسن في شارع المرور

---

الف مبروك على حل المشكلة و ان شاء الله تكون اخر المشاكل يارب
و انا بشكر جضرتك لانى انتا اتجوبة معانا و بعد ما انتهيت من المشكلة رديت و قولت انى انتا صلحتها
و اديتنا معلومة سعرها و انواعها
هو دة الصح مش زى بقيت الاعضاء هنا يعرضو مشكلتهم و يحلوها و احنا منعرفش عاملو اية و اشترو قطع الغيار بكام
بتيبقى حاجة تدايق
ياله
الف مبروك
وربك المستعان

مشهمندس احمد كل سنة وانت طيب ياكبيييييييييييييير وبعووودة الايااام :d :d d

باشمهندس احمد كل سنة وانت طيب
انا حصلي موقف غريب وهو اني كنت ماشي بالعربية في مشوار وانا راجع جنب البيت جيت انقل لقيت عصاية الفتيس سايبة ومبتنقلش وزي متكون واقعة المهم زقتها وزكنتها وجبت ميكانيكي طلع كان في مسمار واقع تقريبا مقاس 13 عل ما تذكر فانا عايز اعرف في موقف زي دة الواحد يتصرف ازاي لان دة حصل جنب البيت وربنا ستر وهل في طريقة لتفادي عدم تكرار هذة المشكلة

هترووح لواحد متمكن بتاع فتييس بس مش ميكانيكى اولا تشترى الضفدعة دى هى اسمها كده وعاملة 80 جنيه وجررب هيربطلك الفتييس وهتحس اكنك رااااكب فيرنا وتجييب كونصولة بعديها وتعيشييش بقى بس كده