هام جدا : جولف 4 1600cc

**egmedo2101** · 08-05-2008 02:01 AM

لدى قريب يعمل بايطاليا وقام بشحن سيارة جولف4 1600CC وهى 2 باب وبها الجنوط الاصلية والعربية عاملة 31500 كيلومتر وموديل 2001 مانيول فارجوا من خبراء الجولف معرفة الاتى :
1 - ماهو سعر السيارة فى مصر
2 - هل بسبب ان الموتور 1600 سى سى فعند القيام بعمل اى اصلاح فى الموتور لن تجد قطع الغيار
ماهو سعر بعض قطع الغيار الكثيرة الاستهلاك فى مصر
اخير شكرا لكم مقدما وهذة صورة لنفس الموديل

**Xpert** · 08-05-2008 07:42 PM

اولا احب اوضح ان خبرتي في الجولف مش قد كده ... انما العمليه كالاتي :
اولاً العربيات في بريطانيا السواق يمين مش شمال ...
ثانيا نصيحه دخل العربيه بنظام المعاقين
ثالثاً بالنسبه للموتور ماتشغلش دماغك كل حاجه موجوده, و مواتير الفولكس عامه فيها اجزاء كتيره متبادله ده غير ان العربيه عامله 31 الف كيلو ... يعني ليه بدري علي الموتور ..... انما في ظل الاسعر بتاعه الضريبه و الرسوم انصك تركب موتور اصغر لو الموتور جراله حاجه ...
بالنسبه لسعر العربيه ممكن تقلب علي www.car100100.com و تشوف

**mshamy** · 08-05-2008 07:53 PM

انا كان معايا واحده 1400 عمي كان جايبهالي من المانيا "نظام منطقة حره" و كنت باعمل الصيانه عند محمد سمير اللي ورا حديقة بدر..و شفت عربيات جولف كتير هناك منها ناس بتعرض للبيع و متوسط سعر العربيه بتاعتك لو نضيفه ممكن يوصل ل 75000 و زي ما قالك اكسبرت قطع الغيار بتاعتها أكتر من الهم على القلب
العربيه دي جايه من ايطاليا يعني يا اما حتخش معاقين إلا اذا كان قريبك هو المالك الأول لها و لازم يجيب ما يفيد التملك خلال 2001

**egmedo2101** · 08-05-2008 08:41 PM

الحقيقة انا متشكر جدا لاهتمامكم بس فى حاجة انا عرفتها النهاردة منة وعايز اسالكم عليها والظاهر كدة هو دة سبب انوا قالى انى اسال هل قطع الغيار متوفرة ولا لا لانى قلت لة انى عايز اشتريها وهو صارحنى بشيىء قالى فعلا انة دخل العربية معاقين من بورسعيد بس مش هية دية المشكلة المشكلة انة قالى ان العربية بسبب انها ركنت كتير فى الميناء لانها كانت غير معرفة جمركيا وهو كان زهق ومستعجل فبمجرد استلامة للعربية رجع بيها للقاهرة بدون ان يكشف عليها ويبدوا انة ليس لدىة ادنى فكرة عن طبيعة القيادة حيث كان مروحة الردياتير معطلة وهو مشى بالعربية 250كيلو مما ادى لتكسير البساتم ولذلك قام بتصليحها فى مدينة الحرافيين ولكن الميكانيكى قالة ان البستم 1600 دة غير موجود وقام هو بالبحث بنفسة ولم يعثر علية مما ادى بة الى ان استوردة هو الاخر من ايطاليا و تم تصليح السيارة واليوم كنت اول مرة اركب معة السيارة فالسيارة فعلا نظيفة جدا وتبدوا ظاهريا انها جديدة ولكن هناك اشياء غريبة حيث ان صوت الموتور يشعرك ان العربية جديدة ولكن هناك صوت كركرة غريب يظهر اثناء سير العربية وهو لا يعرف مصدرة وان ان شاء الله سوف اعرض السيارة على ميكانيكى ليحدد وان كنت محتاج لمشورتكم لمعرفة مصدر هذا الصوت بس بصراحة انا معجب جدا بالسيارة شكلا ولكن لا اعرف ما مدى تاثير كل ما قلت علي اداء السيارة وعلى سعرها كما انى قلق بشأن اسعار قطع الغيار فارجوا من خبراء الجولف فى المنتدى المشورة وشكرا

**Ahmed Hassan** · 09-05-2008 03:21 PM

المشاركة الأصلية كتبت بواسطة egmedo2101

الحقيقة انا متشكر جدا لاهتمامكم بس فى حاجة انا عرفتها النهاردة منة وعايز اسالكم عليها والظاهر كدة هو دة سبب انوا قالى انى اسال هل قطع الغيار متوفرة ولا لا لانى قلت لة انى عايز اشتريها وهو صارحنى بشيىء قالى فعلا انة دخل العربية معاقين من بورسعيد بس مش هية دية المشكلة المشكلة انة قالى ان العربية بسبب انها ركنت كتير فى الميناء لانها كانت غير معرفة جمركيا وهو كان زهق ومستعجل فبمجرد استلامة للعربية رجع بيها للقاهرة بدون ان يكشف عليها ويبدوا انة ليس لدىة ادنى فكرة عن طبيعة القيادة حيث كان مروحة الردياتير معطلة وهو مشى بالعربية 250كيلو مما ادى لتكسير البساتم ولذلك قام بتصليحها فى مدينة الحرافيين ولكن الميكانيكى قالة ان البستم 1600 دة غير موجود وقام هو بالبحث بنفسة ولم يعثر علية مما ادى بة الى ان استوردة هو الاخر من ايطاليا و تم تصليح السيارة واليوم كنت اول مرة اركب معة السيارة فالسيارة فعلا نظيفة جدا وتبدوا ظاهريا انها جديدة ولكن هناك اشياء غريبة حيث ان صوت الموتور يشعرك ان العربية جديدة ولكن هناك صوت كركرة غريب يظهر اثناء سير العربية وهو لا يعرف مصدرة وان ان شاء الله سوف اعرض السيارة على ميكانيكى ليحدد وان كنت محتاج لمشورتكم لمعرفة مصدر هذا الصوت بس بصراحة انا معجب جدا بالسيارة شكلا ولكن لا اعرف ما مدى تاثير كل ما قلت علي اداء السيارة وعلى سعرها كما انى قلق بشأن اسعار قطع الغيار فارجوا من خبراء الجولف فى المنتدى المشورة وشكرا

قطع غيار العربيه موجوده بالمسمار.. و البساتم و الشنابر موجوده سواء للـ 1600 او الـ 1400

الكركره سببها ان العربيه دي مش بتمشي غير ببنزين 95.... اي بنزين تاني هتكركر حتى لو العربيه فاضيه و التكييف مش شغال. لو محتاج تكشف على العربيه او تعمل اي شغل فيها ليا صديق في بورسعيد عنده مركز صيانه و متخصص في الألماني خصوصا VW و انا تحت امرك لو تحب تروحله.

**elpasha009** · 08-05-2008 07:49 PM

بالتسبة لخبرتي المتواضعة حيث كنت أملك جولف3 أحب أقولك إن مافيش أي مشاكل في قطع الغيار لأي ماتور بداية من 1400 لحد ال2800 تقريبا على ما أذكر.والأسعار متفاوتة جداااااااا وبتبقى على حسب شطارتك مع التاجر (أنا طبعا بتكلم على الحرفيين)وقطع الغيار بجد مرمية على الرصيف في الحرفيين سواء جديد أو مستعمل.
أستاذ xpert هو قال إنها جايا من إيطاليا من بريطانيا:)يعني الدركسيون عادي مفيش مشاكل

**Xpert** · 08-05-2008 07:51 PM

اه تصدق ... العتب علي النظر :dانت عارف بقي العمي و الجهل:d:d

**Xpert** · 08-05-2008 08:44 PM

بص يا باشا قاعده عامه في الالماني : ماتعمرش و هات مكنه استيراد تكون مضمونه ... العمره في الالماني صعبه ولازم تكون دقيقه .. ان كان الصوت من الموتور غيره و اشتري دماغك ..