الموضوع: حقيقة إعلان الأوبل استرا الجديدة وشركة منصور

كل سنة و انتم طيبين
أنا بقالى فترة بدور على عربية لحد ما فى ملحق السيارات بتاع الأهرام بتاريخ 5/8 /2011 و ملحق السيارات بتاع أخبار اليوم بتاريخ 6/8/2011 قريت إعلان عن الأوبل استرا وبصراحة دخلت دماغى شكلها جامد من بره و أوبشن عالى وعامة أنا كنت راكب فكترا قبل كده و بصراحة عربية طيارررررررررررة و ثبات رهيييييييب
المهم رحت النهارده أسأل فى توكيل منصور إللى فى سان استفانو بالاسكندرية عشان اتفرج على العربية
مبدئيا قالولى مش موجودة دلوقتى بعد كده سألتهم عن الاسترا المانيوال "زى ما مكتوب فى الإعلان و ياريت حد يقراه ويتأكد يمكن أنا مش واخد بالى" قالوا مفيش مانيوال قلتلهم إزاى يا جماعة و الإعلان بيقول أن فى طراز مانيوال ؟؟؟؟؟؟؟؟؟؟ قالولى إعلان إيه بالضبط؟؟ قلتلهم الإعلان إللى نازل فى ملحق السيارات بتاع الأهرام و ملحق السيارات بتاع أخبار اليوم لقتهم مش عارفين حاجة بالمرة عنه و قالولى أن الطراز الوحيد المتوافر هو الاسترا كوزمو إللى هو 1600 سى سى 115 حصان و ست سرعات أتوماتيك فقط حتى الطراز التيربو قالوا مش موجود برضه خالص و استني أول شهر أكتوبر الموديلات الجديدة ؟؟؟؟؟
بس أنا مسكتش وكلمت النمرة بتاعة منصور إللى موجود فى الإعلان 16424 وصلونى بقسم المبيعات و برضه نفس الكلام بالمللى و لا عندهم أى خلفية عن الإعلان لدرجة انهم قالولى مين إللى منزل الإعلان ده ؟؟؟؟
رديت وقلت هو حد بينزل إعلان لأوبل فى مصر غير منصور؟؟؟؟؟؟؟
قلت فى عقل بالى يااما أنا كلمت توكيل أوبل فى دولة غير مصر "يمكن " يا اما فى حاجة غلط عند شركة منصور و غياب واضح للتنسيق بين المسئول عن تنزيل ذلك الإعلان و قسم المبيعات و معرض سان استفانو


ياريت لو حد عنده معلومة يفدنى أو يكون راح سأل عن العربية يعرفنا إيه الأخبار

و شكرا....