الموضوع: الرجاء المساعدة

السلام عليكم ورحمة الله وبركاتة
ارجوكم ساعدونى العربية حتجننى خلاص مش عارف اعمل فيها ايه
العربية كنت سايقها عادى وفجأه وقفتها واجى اشغلها مش راضية تشتغل نهائى بسمع صوت دوران الموتور بيحاول انه يشتغل بس مفيش فايده
بضطر انى استنى لما العربيه تبرد وبعديها اجى اشغلها العربيه تدور معايا عادى جدا
الموضوع دة بيحصل يوميا معايا
وديت العربيه ل كذا ميكانيكى محدش عارف العيب فين نهائى ووديتها لكهربائى قالى ان ممكن العيب يكون فى الدليكو " الدينامو " غيرته وبردو مفيش فايده
فية واحد قالى انه ممكن يكون جوان وش السلندر يكون هو اللى باظ وبيعمل كده بس قالى انى حلاقى بقع زيت فى قربة المية ولما جربت ملقيتش اى زيت فى المية ومش عارف العيب فين
العربيه واقفه بقالها 3 اسابيع دلوقت
الموضوع تطور دلوقت ان العربية بقت بتقطع منى لما بمشى ومش عارف اعمل ايه ناس قالت انها ممكن تكون طلمبة البنزين بس كشفت عليها لقيتها سليمة
ارجوكم ساعدونى انا تعبت من العربية دى

الموضوع ده ممكن بيبقى له أسباب كتيره

بس الشائع منها واللى على طول العربيات بتعانى منه هى الموبينة

الموبينة لما تسخن العربية تفضل تقطع كتير ولو بطلت العربية ماتدورش تانى

الميكانيكية بيجيبوا قماشة ويبلوها مياه ويحطوها على جسم الموبينة الخارجى (بعيدا عن السلوك طبعا) علشان تبرد وبعديها العربية تدور حلاوة

جرب كده تعملها ولو طلعت هى ودى العربية لكهربائى وخليه يصلح الموبينة أو يغيرها