محتاج رايكم ومساعدتكم

**hamaza81** · 09-08-2011 09:32 AM

العربية بسم الله ماشاء الله تروح بيها اي مشوار وتسافر بيها أي حتة مش هاتقولك لا
بس انت تتابع صيانتها كويس وهي عمرها ما هتكسفك

بس عشان متقولش ماحدش قالك
العربية خفيفة ومش بتاعة جري
يعني 100 أو 110 آخرك عشان تعرف تتحكم في العربية كويس وتحافظ على الموتور

**becatcho** · 09-08-2011 09:35 AM

كدا كدا حضرتك عارف مفيش اصلا طرق في مصر تقدر تجري عليها اكتر من كدا انا محتاجها عشان شغلي وكمان لو عوزت انزل انا ومراتي وابني نشتري اي حاجة لاني بتبهدل عشان اشتري اي حاجة ده غير ذل التاكسيات والقرف الي حضرتك اكيد عارفه انا والله فكرت كتير فيها لان هي مناسبه لامكانياتي وكمان لقيت ناس هنا كاتبه انهم ركبوا ليها تكييف كدا تبقى 100 100 ومش ناقصها حاجة مع اني شفت موضوع التكييف ده بيفكوا العربيه كلها مش عارف ده يخرجها بره ضمانها ولا ايه؟

**hamaza81** · 09-08-2011 11:49 AM

المشاركة الأصلية كتبت بواسطة becatcho

كدا كدا حضرتك عارف مفيش اصلا طرق في مصر تقدر تجري عليها اكتر من كدا انا محتاجها عشان شغلي وكمان لو عوزت انزل انا ومراتي وابني نشتري اي حاجة لاني بتبهدل عشان اشتري اي حاجة ده غير ذل التاكسيات والقرف الي حضرتك اكيد عارفه انا والله فكرت كتير فيها لان هي مناسبه لامكانياتي وكمان لقيت ناس هنا كاتبه انهم ركبوا ليها تكييف كدا تبقى 100 100 ومش ناقصها حاجة مع اني شفت موضوع التكييف ده بيفكوا العربيه كلها مش عارف ده يخرجها بره ضمانها ولا ايه؟

أنا بفضل الله لسة مركب تكييف من كام يوم في توكيل ساندن المعادي
بس مافكيتش التابلوه بالكامل زي ما الزملاء عملوا

أما بالنسبة لموضوع الضمان
أعتقد بنسبة كبيرة إن تركيب التكييف يخرج العربية من الضمان
لكن انت لو هاتشتريها زيرو وبتفكر تركب تكييف
يبقى إمشي بيها الأول 10000 كم وتابع صيانتهم في التوكيل
عشان لاقدر الله لو في عيب صناعة أو أي حاجة تستفيد بالضمان

وربنا يوفقك للي فيه الخير