هل طريقة الغيار هذه سليمة ؟؟؟؟

**aymanshebl** · 09-08-2011 10:13 PM

بسم الله الرحمن الرحيم

انا لما اكون ماشى مثلا على التالت و فى مطب بهدى خالص و قبل المطب بنقل على التانى و بعدين اعدى المطب و ادوس بنزين بلقى العربية زى ما تكون بتترجرج بسيط و بتكرر بسيط هل فى الحالة دى انقل على الاول مش التانى و انا اعرف ان الاول للطلوع فقط او التحرك من السكون فهل النقل و العجل متحرك صح ولا غلط و بعدين لما و انا سايق و انقل من التانى الى التالت لما بشيل رجلى من البنزين و ادوس دبرياش و انقل و اشيل رجلى بالتدريج من الدبرياج بلاقى زى فرملة خفيف من الموتور لانى بشيل رجلى ببط شوية و لكن لما بانقل بسرعة و اشيل رجلى عن الدبرياج اسرع بحس بسلاسة الغيار فانهى الصح فيهما و بعدين حاجة تانية مثلا لما اكون على الرابع على 70 كم و فى ملف و اهدى و اكون على 30 و انفل على التالت العربية بتمشى بسلاسة و لو نقلت فى الحالة دى على التانى بحس بفرملة الموتور فانهى طريقة صح النقل على التالت او التانى علما لو السرعة نزلت من 30 كم الى 20 كم اللى هى بداية سرعة التانى و انقل على التانى بلاقى العربية ماشية بسلاسة فارجو توضيح هذه النقاط من خبراء المنتدى و لكم جزيل الشكر و كل عام و انتم بخير

**Amr Axel** · 09-08-2011 11:06 PM

الرجة ممكن تكون من رجلك او ان العربية هديت تكاد تكون هتقف و بالتالي لما تطلع ع التاني هتعمل معاك كده
بص عامة بالنسبة المطب الموضوع بيعتمد ع الظروف الخارجية زي علو المطب و اذا كان فيه عربية قدامك مثلا و هكذا
و ده هتتعود عليه مع الوقت لو لسه جديد في السواقة
يعني مثلا لو المطب عالي اوي هتهدي اوي و هتنزل بالنقلة ع الأول
لو المطب متوسط هتهدي ع حسب العلو و ع الأول او التاني
لو المطب بسيط جداا ممكن بيتاخد التاني او التالت
و معلومة لما تيجي تاخد المطب حاول مدوسش فرامل عشان العفشة

بالنسبة للملفات النقلة ع حسب اللفة و السرعة
و الطبيعي لو مثلا انت ع سرعة 50 و جيبت تاني هتلاقي العربية كانها هتنط و هتفرمل انما مثلا لو جبت التالت ع 50 مش هيعمل معاك كده

و لو في اي استفسار قول يا ريس اوكازيون بقي هههههههههه

**love7amada** · 12-08-2011 01:01 AM

اكسل قام بالواجب انا هعيد الكلام بس
موضوع الرجرجه اعربيه بتكون بطئت اوي فانت الصح لا تجيب الاول و لا تطلع بنزين بس
لكن وازن رجلك بين البنزين و الدبرياج يعني سيب الدبرياج براحه مع سنه بنزين زياده

موضوع الفرمله ديه بتكون من المحرك
حلها يا اما تدي الغيار العالي لو مبتدأ
او الغيار الواطي بس و انت بتسيب دبرياج تدوس بنزين ازيد شويه عشان تعوض فرق لفات المحرك

**aymanshebl** · 12-08-2011 02:56 PM

الف شكرا ليكم و منكم نستفيد و كل عام و انتم بخير

**A.Saad** · 12-08-2011 03:25 PM

استعنا على الشقى بالله
ا لما اكون ماشى مثلا على التالت و فى مطب بهدى خالص و قبل المطب بنقل على التانى و بعدين اعدى المطب و ادوس بنزين بلقى العربية زى ما تكون بتترجرج بسيط و بتكرر بسيط هل فى الحالة دى انقل على الاول مش التانى و انا اعرف ان الاول للطلوع فقط او التحرك من السكون فهل النقل و العجل متحرك صح ولا غلط

جرب الاول كدة
وزى ما اكسل قال حسب المطب
فيه حاجة اسمها الصفع او التسقيف او الكركرة
ده حريق غير منتظم للموتور وغلط عليه
وبيحصل لو نقلت بدرى على الغيار
يعنى تجيب 20 على الثالث مثلا
او 10 على التانى مثلا
دى ارقام تقريبية بتختلف من عربية لاخرى
بس ساعتها وازن دبرياج وانزل غيار
موضوع الاول للحركة وغلط اجيبه ولا لا وانا ماشى
فيه مناقشات دارت حوله والبعض قال عادى والبعض قال لا غلط
بس انا شايف انه عادى مدمت مبتحرقش عليه

و بعدين لما و انا سايق و انقل من التانى الى التالت لما بشيل رجلى من البنزين و ادوس دبرياش و انقل و اشيل رجلى بالتدريج من الدبرياج بلاقى زى فرملة خفيف من الموتور لانى بشيل رجلى ببط شوية و لكن لما بانقل بسرعة و اشيل رجلى عن الدبرياج اسرع بحس بسلاسة الغيار فانهى الصح فيهما
الصح تشيل بسرعة مناسبة اسرع من سرعة شيل رجلك وانت بتطلع بالعربية من السكون
بس لازم تنزل بسنة بنزين زى ما الاعضاء قالوا
والموضوع ده لو من التانى للتالث يبقى انت بتكبس بنزين زيادة والعربية شبه بتفرك وهتلاقى صوت الاطارات على
لو من التالت للتانى يبقى مش بتدوس بنزين اصلا او بتدوس حاجة مالهاش تأثير

و بعدين حاجة تانية مثلا لما اكون على الرابع على 70 كم و فى ملف و اهدى و اكون على 30 و انفل على التالت العربية بتمشى بسلاسة و لو نقلت فى الحالة دى على التانى بحس بفرملة الموتور فانهى طريقة صح النقل على التالت او التانى علما لو السرعة نزلت من 30 كم الى 20 كم اللى هى بداية سرعة التانى و انقل على التانى بلاقى العربية ماشية بسلاسة فارجو توضيح هذه النقاط من خبراء المنتدى و لكم جزيل الشكر و كل عام و انتم بخير

زى ما قلنا فوق
انزل للغيار المناسب لسرعتك
دوس سنة بنزين وانت بتشيل دبرياج
لو عايز تفرمل ومش معاك فرامل
مش تدوس بنزين
بس خد بالك متكونش على ار بى ام عالى علشان ممكن تبوظ فتيس