مشكلة فظيعة مدوخانى

**mazikagamda** · 09-08-2011 10:34 PM

السلام عليكم كل عام وانتم بخير ورمضان كريم عليكم انا عندى مشكلة فى كهربة العربية كل اما اجيب بطارية اتقعد 6شهور ومتشتغلش اية المشكلة اجبت اول مرة بطارية وفصلت منى اجى اشغل العربية مش بتشتغل الا لما واحد واتنين يزق العربية ورحت للكهربائى قلى فى ربع فى البطارية ضارب والبطارية كان فيها ضمان غيرتها وركبتها 6 شهور بردة وحصلت نفس المشكلة البطارية فصلت فاية المشكلة من عندى رحت غيرتها من عند بتاع البطاريات قلى العيب من الكهربة بتاع العربية وغيرهالى امبارح فخايف تبوظ تانى مع العلم العربية دايو لانوس فاية المشكلة دى منتظر عظماء المنتدى يردوا عليا

**AHMEDCAR** · 09-08-2011 10:58 PM

اكشف على الدينمو مبدئيا عند الكهربائى

**Amr Axel** · 09-08-2011 11:12 PM

اكشف ع الدينامو لأن من اسباب ان البطارية تبوظ في فترة قصيرة عدم انتظام الشحن و التفريغ
لو طلع مظبوط مفيش حاجة
يبقي غير الراجل بقي :)

**mohammedabdallh** · 14-08-2011 03:18 PM

اولا الدينموا
ثانيا تقريبا البطاريات الموجوده كلها فى السوق نصها بايظ
الراجل بياخد منك البطارية البيظه ويديها للمصنع يحطوها فى كفر جديد وير جع يدهالك تانى على انها جديده
اشترى بطاريه محترمه

**mbx4e** · 16-08-2011 02:45 AM

اكشف على الدينمو وغير او اكشف على كتاوت الدينمو ولو غيرتها هاتها الاصلي حتى لو غاليه وبما انك راكب لانوس يعني الكهربا او الاسبراتير عندك الكتروني او لو حتى مشط الانسب والافضل له البطاريه الجافه لانها بتطلع كهربا ثابته مش زي البطاريه الحمضيه السائله كهربتها بيختلف على حسب تركيز السائل ( ميه النار او حمض الكبريت المركز) ودا بيختلف على حسب درجة حرارة الجو والمياه اللي انت بتخففها بيها وموال خنيق جدا لو مركب بطاريه بمايه غيرها وهاتها جافه وزبط الدينمو والشربون والسير بتاعه كويس ومشدود صح ولا لا؟ والكتاوت بتاعه
كمان اعمل شيك لعلبة الفيوزات والكهربا
كمان لو القواطيش بتاعت البطاريه شيك عليهم