اختبار السواقة بتاع الرخصة

**maro1515** · 10-08-2011 04:10 AM

لو سمحتو انا كنت سوقت من سنة كده و ادربت لمدة 14 ساعة على مدار اسبوعين و ده كان رمضان اللى فات و من ساعتها مركبتش عربية لحد دلوقتى مده تدريبة يعنى مجموع ساعات السواقة خلال المدة دى متجيبش نص ساعة و انا بقى عاوز اعرف اعمل ايه عشان ابقى كويس فى السواقة قبل امتحان المرور اللى هوا بعد رمضان ان شاء الله و مش عارف اعمل ايه و لو العربية فصلت منى هسقط فا حد يقولى حاجات تساعدنى على ان انى اسوق من غير ما العربية نفصل منى و انجح فى امتحان المرور ان شاء الله و اسف على التطويل معلش انا لسه مبتدىء

**Amr Axel** · 10-08-2011 04:32 AM

انا مش بعترف بموضوع المدارس ده و الحصص اللي بيعملوه و كل همهم المصلحة اللي هتطلع من ورا الزبون
انا عن نفسي اول ما اتعلمت الطلعة كنت لسه 13 سنة خلوني في البيت انزل ع الشارع عالطول هههه عايزين يخلصوا مني بقي هههههه

فشوف حد عنده عربية و اتدرب في اي باركينج فاضي انك تمشي حرف s
او حرف u تروح بوشك و ترجع بضهرك و تستخدم كل المرايات و انت راجع

و تدرب انك تقف و تمشي كل شوية لأن احيانا ساعة الامتحان ممكن تلاقي عشرات داخلين معاك نفس الامتحان و هتمشي نص متر و تقف
و اتدرب من دلوقتي عشان رجلك تاخد ع السواقة و يفضل تدرب ع العربية اللي هتدخل بيها الامتحان و يفضل انها تكون صغيرة في الحجم زي الماروتي مثلا عشان تبقي خفيفة في اللفات

و لما تيجي تدخل الامتحان ان شاء الله
لازم العربية تكون سخنة قبل ما تدخل
و خليك هادي و البس حزام الامان
و سمي و توكل ع الله و ادخل
لو هتحود يمين او شمال ادي اشارة
رجلك تكون خفيفة ع الفرامل يعني متضربش فرامل فجاة عشان كده بقولك تدرب
و خليك قاعد واثق من نفسك و اقعد كده مرتاح في كرسيك
كل ده بيتم مراعاته اثناء الاختبار

بالنسبة بقي ان العربية متفصلش لازم تكون ظابط رجلك ع الدبرياج و انت واقف
لو حسيت ان العربية هتنط و تبطل دوس ع الدبرياج بسرعة و شيل رجلك من ع البنزين عشان متطفيش و بعدين ادي الغيار و كمل

و متنساش تحفظ العلامات المرورية عشان الظابط المسئول هيمتحنك فيهم هيوريك علامات سواء ع ورقة او كومبيوتر و يقولك ديه بتاعت ايه يعني مثلا الدوران لليسار او منطقة عمل ...الخ...ألخ فاحفظ العلامات كلها

و اي استفسار احنا موجودين يا ريس

و بالتوفيق ان شاء الله

**mohammedabdallh** · 14-08-2011 03:22 PM

المشاركة الأصلية كتبت بواسطة axel

انا مش بعترف بموضوع المدارس ده و الحصص اللي بيعملوه و كل همهم المصلحة اللي هتطلع من ورا الزبون
انا عن نفسي اول ما اتعلمت الطلعة كنت لسه 13 سنة خلوني في البيت انزل ع الشارع عالطول هههه عايزين يخلصوا مني بقي هههههه

فشوف حد عنده عربية و اتدرب في اي باركينج فاضي انك تمشي حرف s
او حرف u تروح بوشك و ترجع بضهرك و تستخدم كل المرايات و انت راجع

و تدرب انك تقف و تمشي كل شوية لأن احيانا ساعة الامتحان ممكن تلاقي عشرات داخلين معاك نفس الامتحان و هتمشي نص متر و تقف
و اتدرب من دلوقتي عشان رجلك تاخد ع السواقة و يفضل تدرب ع العربية اللي هتدخل بيها الامتحان و يفضل انها تكون صغيرة في الحجم زي الماروتي مثلا عشان تبقي خفيفة في اللفات

و لما تيجي تدخل الامتحان ان شاء الله
لازم العربية تكون سخنة قبل ما تدخل
و خليك هادي و البس حزام الامان
و سمي و توكل ع الله و ادخل
لو هتحود يمين او شمال ادي اشارة
رجلك تكون خفيفة ع الفرامل يعني متضربش فرامل فجاة عشان كده بقولك تدرب
و خليك قاعد واثق من نفسك و اقعد كده مرتاح في كرسيك
كل ده بيتم مراعاته اثناء الاختبار

بالنسبة بقي ان العربية متفصلش لازم تكون ظابط رجلك ع الدبرياج و انت واقف
لو حسيت ان العربية هتنط و تبطل دوس ع الدبرياج بسرعة و شيل رجلك من ع البنزين عشان متطفيش و بعدين ادي الغيار و كمل

و متنساش تحفظ العلامات المرورية عشان الظابط المسئول هيمتحنك فيهم هيوريك علامات سواء ع ورقة او كومبيوتر و يقولك ديه بتاعت ايه يعني مثلا الدوران لليسار او منطقة عمل ...الخ...ألخ فاحفظ العلامات كلها

و اي استفسار احنا موجودين يا ريس

و بالتوفيق ان شاء الله

كلام مظبوط
اهم حاجه تتدرب كويس على العربية الى هتدخل بيها الامتحان وسيبك من عربية المرور بتبقى اى كلام خالص ومليانه اعطال ومش هتعرف تسوقها