مليت الأستمارة و عايز أشتري العربية فضلاً ساعدوني

**Ahmed Samy** · 10-05-2008 05:27 AM

المشاركة الأصلية كتبت بواسطة wildeagle

بالنسبة للسيارة نيسان صني ، الشكل الموجود في مصر مش هو اللي بينزل دلوقتي ، ده الشكل القديم ، و الشكل الجديد أشيك بمراحلو بقالة أكتر من سنة نازل الخليج لكن مش عارف حينزل مصر امتى و ده اللي خلاني مفكرش فيها دلوقتي

أسف على الإطالة

انا ملاحظ انك بتقارن بالخليج
شيله من دماغك علشان تعرف تفكر
انت في المحروسة
ِشكل قديم في الخليج = جديد في المحروسة
سعر اغلى من الخليج = سعر مناسب في المحروسة

الصني و السيراتو و الياريس هما دلوقتي خياراتك الأفضل
و لو هاترتب
اعتقد
ياريس : بلا عيوب جوهرية - حجم مناسب - ارتفاع مناسب - استهلاك وقود ممتاز
سيراتو : كانت مشكلتها التوكيل و أهو اتغير و عربية زي الفل و فيها صالون جميل و ذكي
صني : بص الأيد المصري لمستها و ضربت مشرط في سمعتها :) اقرا كدا في نيسان هاتشوف العجب
توكيل غير محترم كفاية و في عيوب في الجسم ......طب وليه ؟؟؟؟؟؟

**bassam nagy** · 10-05-2008 11:15 AM

لو تقارن بين الاوبترا والماتريكس
الاوبترا عربية سيدان واسعة شنطة كبيرة تقفيل كورى
الماتريكس عربية mbv واسعة من جوة تقفيل تركى شنطتها معقولة موتورها 1600 نفس موتور الفيرنا والانترا والكوبية والجيتز
حضرتك ممكن تركب الاتنين والية يعجب حضرتك اتكل على الله واشترية

**Ahmad Allawy** · 10-05-2008 02:15 PM

زكده بي عندك في الاختار عربيتين ياباني المنشأ..
واحدة ياباني تقفيل جنوب افريقي علي ما اعتقد. (الياريس.. نمش عارف اللي بتتباع هنا لسة ياباني تماما ولا لأ..)
و ياباني تقفيل مصري وهي الصني..
و بعد كده في كوري بقي..
السيراتو تقفيل كوري 100%
و الماتريكس كوري تقفيل تركي
الاوبترا تقفيل كوري 100%

انا في رأيي الترتيب اللي بارشحه هو اللي كاتب بيه العربيات..
بس اتأكد الاول ان السيراتو فقيها اير باجز و ايه بس اس.
ووعشان كده باقولك الاوبترا و الماتريكس مش فيهم الاوبشنز دي.. شياهم من حساباتك..
انت مش هتدفع المبلغ الكبير ده كله في عربية مفيهاش عوامل الامان المهمة جدا دي..
خلي النقطة دي في اعتبارك..

**wildeagle** · 10-05-2008 05:57 PM

انا متشكر جداً لأهتمامكم وردودكم عليا بصراحة تجاوبكم اكثر من رائع بس انا كده تهت منكم أكتر يعني بأختصار المرشحون هم :
1. كيا سيراتو
2. ياريس
3. اوبترا
4. ماتريكس

طب معلش سؤال أخير أنهي توكيل بيسلم العربية على طول بدون فترة انتظار شهرين و ثلاثة

ملحوظة للأستاذ أحمد سامي / أخي العزيز أنا بقارن بالخليج لأن هنا هو سوق السيارات الفعلي و السيارة سمعتها او تقيمها هنا بيكون أحسن لأنهم بيبهدلوا العربيات (تفحيط وشد) و العربية اللي بتستحمل سواقتهم بتكون منتشرة و على فكرة هنا برضة في جمارك لكن نسبتها 7 % من قيمة السيارة يعني تخيل السيارة بيضاف عليها 7% جمارك و غير نسبة ربح التاجر (10 - 12 % ) و مع ذلك سعر السيارة أرخص من نصف سعرها في المحروسة يبقى سعرها من المصنع كام ، ده غير ان السيارات الخليجي بيكون ليها مواصفات أخرى و انت أدري بذلك ،،،
على فكرة انا كنت نزلت سيارة ألنترا عام 2006 من هناك لكن تعنت التوكيل في عدم صيانتها خلاني مفكرش أعملها تاني و بعتها مع أنها كانت أكثر من ممتازة (قدر الله وما شاء فعل) راحت لنصيبها .......

أخوك
د/ محمد

**SEATLOVER** · 10-05-2008 06:49 PM

معلش يا wildeagle بس انت اللى توهت نفسك
اولاً الاستمارة دى للاستهلاك المحلى فقط ...ولا تصلح للخليج مطلقاً
-لو كنت عايز تعرف مناسبة العربيات دى هناك معاهم اية ..فادة انت ادرى بية مننا
واظن ان مفيش ولا واحدة تسد معاهم
- لو كنت عايز تعرف مناسبة العربيات دى هنا اية
فا ذى ما قولتلك حل الاستمارة بتاعتك ينطبق على (الكيا سيراتو )
واى عربية تانية من اللى اتذكروا فيها نقطة ضعف تتعارض مع بنود الاستمارة اللى انت قولتها

معلش انا بقولك كدة بس من منطلق حرصنا على مصلحتك

**Yarisawy** · 11-05-2008 11:26 AM

انا متشكر جداً لأهتمامكم وردودكم عليا بصراحة تجاوبكم اكثر من رائع بس انا كده تهت منكم أكتر يعني بأختصار المرشحون هم :
1. كيا سيراتو
2. ياريس
3. اوبترا
4. ماتريكس

دا انت شكلك مش طايق الصنى خالص ....

لو كده يا لو عايز عربية 1600 وموتور قوى يبقى سيراتو
لو عايز عربية 1300 اقل استهلاك للبنزين وعربية محترمة يبقى ياريس

بس كده

**wildeagle** · 11-05-2008 03:59 PM

المشاركة الأصلية كتبت بواسطة SEATLOVER

معلش يا wildeagle بس انت اللى توهت نفسك
اولاً الاستمارة دى للاستهلاك المحلى فقط ...ولا تصلح للخليج مطلقاً
-لو كنت عايز تعرف مناسبة العربيات دى هناك معاهم اية ..فادة انت ادرى بية مننا
واظن ان مفيش ولا واحدة تسد معاهم
- لو كنت عايز تعرف مناسبة العربيات دى هنا اية
فا ذى ما قولتلك حل الاستمارة بتاعتك ينطبق على (الكيا سيراتو )
واى عربية تانية من اللى اتذكروا فيها نقطة ضعف تتعارض مع بنود الاستمارة اللى انت قولتها

معلش انا بقولك كدة بس من منطلق حرصنا على مصلحتك

الف شكر ليك SEATLOVER حنزل أتفرج عليها و لو تم أختيارها حبلغكم إن شاء الله

**wildeagle** · 11-05-2008 04:04 PM

المشاركة الأصلية كتبت بواسطة Freekiko

دا انت شكلك مش طايق الصنى خالص ....

لو كده يا لو عايز عربية 1600 وموتور قوى يبقى سيراتو
لو عايز عربية 1300 اقل استهلاك للبنزين وعربية محترمة يبقى ياريس

بس كده

لا أبداُ و الله يا أستاذ فري كيكو مع أن ال BYD عجباني جداً و غير انها تشمل كل وسائل الأمان و معايا صديق عندة شغال بيها زي الطحونة و مبسوط بيها لكن مفيش حد في المنتدى شكر لي في الصيني و كله بيحذرني منه
فقلت خليني مع صوت الجماعة و بلاش الأنفراد و شكراً لأهتمامك

**Ahmad Allawy** · 11-05-2008 04:08 PM

هو بيقولك الصني.. نيسان صني يعني
مش العربيات الصيني..
العربيات دي تنساها نوهائي.. :)

**Yarisawy** · 11-05-2008 04:36 PM

صينى مين حرام عليك ... انا جبت سيرة صينى خالص

على رأى احمد العربيات دى تنساها نوهائى

الموضوع: مليت الأستمارة و عايز أشتري العربية فضلاً ساعدوني

LinkBack

أدوات الموضوع

عرض

-

-

-

المواضيع المتشابهه

أرجوكم ساعدوني ؟ محتار أشتري أي سيارة ؟؟؟

كالينا 2006 ساعدوني مليت

ساعدوني يا شباب عاوز أقرر أشتري كيا بيكانتو 2011 ولا هيواندي آي 10

ساعدوني بسرعة عايز اكشف بكرة علي العربية قبل ماشتريها

أشتري السوبر صالون؟؟؟ ساعدوني!!!

الكلمات الدلالية لهذا الموضوع

المفضلات

المفضلات

ضوابط المشاركة