لو سمحتم عايز معلومات عن سيات ليون 2000:2002

**yankee_zulu** · 10-08-2011 05:23 AM

أريد شراء سيارة سيات ليون 2000:2002 ،و أريد أن يفيدني أحد بخصوص تلك السيارة من حيث متوسط سعرها في السوق ، مميزاتها و عيوبها ،توافر قطع غيارها ،هل السيارة تستحق الشراء أم لا ،و أرجو الافادة أين أجدها لأن كل اعلانات الانترنت الخاصة بها في مصر شبه معدومة ،فهل هذا يدعو للقلق و صرف النظر عنها ؟؟

**fadynabil** · 24-08-2011 02:09 PM

العربيه تقريبا مش موجودة .. بس هيا نفس السيات توليدو بالظبط ماعدا الشنطه .. زي الجيتا والجولف كده ،، فلو لقيتها ممكن تموت في سعرها براحتك عشان ملهاش سوق خاص ،، بس هيه كعربيه فهي ممتازه

**yankee_zulu** · 25-08-2011 05:49 AM

ألف شكر علي الاهتمام ،و كنت اريد ان اعرف متوسط سعرها في السوق كام ؟ ،معروض عليا كذا واحدة مانيوال راششين خوارج موتور 1600 و الحالة العامة جيدة ، بسمع اسعار من 40000:45000 ،و عايز اعرف اخلص بسعر لقطة علي كام

**fadynabil** · 25-08-2011 01:16 PM

بصراحه السعر كويس ،، بس المهم تكون حالتها حلوه ومفيهاش حاجة بايظه بالذات أن الشنطه والجزء الخلفي مش هتلاقيه بسهوله ( زي الفوانيس والأكصدام والشنطه ) مفتكرش إنك ممكن تلاقيه غير في الوكيل.

وبرده أرجع وأقوللك موت في السعر براحتك عشان ملهاش زبون

**ehab_mansour** · 25-08-2011 03:56 PM

شفت العربية دي في الشارع مرة واحدة فقط و هي عربية جميلة و محترمة جدا ولكن عيوبها كما ذكرها الأستاذ فادي انها غير منتشرة تماما و نادر وجودها
السعر اللي بتتكلم فيه كويس ليها جدا هي لو منتشرة هتسوي اكتر من كده ولكن هي متفطسة بسبب قلتها
قطع غيارها الميكانيكية للمحرك و العفشة و هكذا هتلاقيها كتير لأنها بتشترك في العفشة و المحرك و مشتملاتهم مع مجموعة فولكس عموما فمافيش قلق منهم
القلق كله في أجزاء الصاج الخارجية و خاصة الجزء الخلفي لأنك هتلاقيه نادر جدا لكن الجزء الأمامي أعتقد انها زي التوليدو بالضبط من قدام
لكن عموما لو ملقيتش حاجه بره هتلاقيها اكيد في التوكيل او بورسعيد

انا كان نفسي ألاقي منها كام عربية أختار بينهم وانا بشتري وانا كنت اشتريتها فورا لي ولكن الحمد لله علي الكوردوبا اللي معايا حاليا