سخونة على المطالع او لو شغلت التكيف

**asaid** · 10-08-2011 05:02 PM

كان عندي سخونة في الفليشيا 96 لما امشي على طريق سريع الحمد لله ظبط الكهرباء و التاكيهات دلوقتي درجة الحرارة تقريبا 90 و بتزيد عند المطالع(الحتت اللي محتاجة عزم) أو لما اجيب الخامس ,
هل دي مشكلة ايه بالظبط صبابات؟ لو طالع على مطلع مثلا بسرعة 100 و انا على الخامس السرعة بتنزل لحد 90 و اضطر انزل الغيار على الرابع!!! و بتسخن تبقى بتاع 95 و كل ده من غير التكيف ما يشتغل.
لما بشغل التكيف مع السرعة برده العربية تجيب 100, التكيف عندي تركيب و عندي مروحة واحدة سرعتين,أفيدوني

**AhMeD MeTwAlY** · 10-08-2011 06:40 PM

العربيه دي عيزه طريق سريع تجري فيه بدون مطبات ولي الكلام الفاضي ده انا عندي كده لما بهدي علي مطب ممكن درجة الحراره توصل 100 ولما بمشي بتنزل لحد النص بس بكون قبلها ماشي 140
لو غير كده سخن الولاعه وانز احطها في التنك واريح دماغي

**Subtotal** · 10-08-2011 09:45 PM

انا كمان عندى نفس المشكلة ومش لاقى اى حل لدرجة انى فكرت ابيع العربية النهاردة مع انى بحب العربية دى انا بعانى من سخونة العربية من اول الصيف انا عندى تكيف متركب بردة بس عندى مروحتين مروحة سرعتين على الردياتير ومروحة رفيعة على السربنتينة من قدام ممكن تركب واحدة امامية وتشوف الحرارة اخبارها ايه انا لسه امبارح مغير الثرموستات بتاع الردياتير وطلعت جربت العربية لقيت الحرارة مظبوطة ماشية 90 وبتنزل شرطتين بس روحت النهاردة شغلى كانت ماشية كويس لكن وانا طالع كوبرى سخنت اعلى من 90 بشرطتين وفضلت على كدة وانا راجع كان الحرارة حتوصل ل 110 بس...... ممكن تشوف ثرموستات كوعة الميه ممكن متكو نش متشالة ياريت اكون عرفت اوصلك اى معلومة وممكن تشوف طرومبة الميه لان عرفت من التوكيل ان فية طرمبة ميه للعربية المكيفة وواحدة للعادية ....

**asaid** · 11-08-2011 05:37 PM

المشاركة الأصلية كتبت بواسطة subtotal

انا كمان عندى نفس المشكلة ومش لاقى اى حل لدرجة انى فكرت ابيع العربية النهاردة مع انى بحب العربية دى انا بعانى من سخونة العربية من اول الصيف انا عندى تكيف متركب بردة بس عندى مروحتين مروحة سرعتين على الردياتير ومروحة رفيعة على السربنتينة من قدام ممكن تركب واحدة امامية وتشوف الحرارة اخبارها ايه انا لسه امبارح مغير الثرموستات بتاع الردياتير وطلعت جربت العربية لقيت الحرارة مظبوطة ماشية 90 وبتنزل شرطتين بس روحت النهاردة شغلى كانت ماشية كويس لكن وانا طالع كوبرى سخنت اعلى من 90 بشرطتين وفضلت على كدة وانا راجع كان الحرارة حتوصل ل 110 بس...... ممكن تشوف ثرموستات كوعة الميه ممكن متكو نش متشالة ياريت اكون عرفت اوصلك اى معلومة وممكن تشوف طرومبة الميه لان عرفت من التوكيل ان فية طرمبة ميه للعربية المكيفة وواحدة للعادية ....

طب انا ممكن اجرب موضوع المروجة التانية المروحة قد ايه و اجبها منين؟ ياريت الافاده, انا ساكن في العبور فالو حاجة في مصر الجديدة, مدينة نصر,جسر السويس تبه لوز.
و موضوع الترمبه فعلا و انا بغيرها المحل بص على العربية عشان يعرف هي على كام سير, (انا عندي سيرين عشان التكيف تركيب مش من المصنع)

**asaid** · 11-08-2011 05:40 PM

المشاركة الأصلية كتبت بواسطة xmanx51

العربيه دي عيزه طريق سريع تجري فيه بدون مطبات ولي الكلام الفاضي ده انا عندي كده لما بهدي علي مطب ممكن درجة الحراره توصل 100 ولما بمشي بتنزل لحد النص بس بكون قبلها ماشي 140
لو غير كده سخن الولاعه وانز احطها في التنك واريح دماغي

مش للدرجة ديه انا كان عندي مشكلة في الكهربه و التاكيهات فكانت على الطرق السريعه, بس لما ظبط بقى تسخن في الحتت اللي عايزه عزم (مش في كل الاحوال) و مع التكيف

**zico2009** · 13-08-2011 04:12 AM

بصو يا جماعة من الاخر لو العربية ميكانيكا مزبوطة يعني
1-وش سليم
2-ردياتير المونيوم فيكا او اصلي
3-طرمبة كويسة
لو كل ده مزبوط و ركبت ترموستات اصلية 95/84 هتتزبط معاك علي فوق النص بملي
لو ترموستات 128 82/68 هتبقي في النص بين 70 والعلامة الي في النص
غير كده انا شاكك بنسبة كبيرة في صباع الحرارة حتي لو جديد
وده تكتشفة بمجرد ما تشتريه ان المفروض المروحة تشتغل علي درجة 95 مثلا وتفصل علي 84 والمفروض امبير الحرارة يقرا نفس القرايات ولو مش كد يبقي لا الصباع بايظ يا الترموستات مش مزبوطة
وانصح اي حد يعمل الاختبار ده عشان ميلفش ويدور كتير ويطلع ترموستاته مخرفة او صباع الحرارة مش مزبوط

تمن الترموستات حولي 45-90 جنية
ترموستات 128 بي 16 جنية
صباع الحارة حولي 40-50 جنية

**wael_ghreez** · 14-08-2011 02:34 PM

السلام عليكم و رحمة الله و بركاته
العربية دي شكلها هي كدة اصلا و دة الطبيعي بتاعها , لان اعتقد ان العربية دي ماكانتش مصنوعة للبلاد الحارة زينا , اعتقد ان اللي صنعها كان قاصد انها تبقى كدة لتناسب بلادهم التلج , اظن العربية دي في التشيك تحفة لانها بتسخن بسرعة فهتناسب الجو هناك و في معظم البلاد الشيوعية و الشرق اوروبية و الشمال اوروبية , فمنقعدش نهري و ننكت في نفسنا و نشغل دماغنا بموضوع السخونية لانها سخونية فبريكة هههههههه , انا عندي الطبيعي بتاعتها في الصيف 90 او اقل بدون تكييف و مع التكييف 100 برضه بس انا بمور كتير و مش بقرص اوي عليها عشان تعيش معايا , و للعلم يعني خلاصة القول فيما يلي :
1 - العربية مع تكييفها الاصلي افضل
2 - العربية مع مروحة 6 ريشة بقميص + مروحة خارجية خلف الشبكة او الهواية افضل
3- العربية مع ترموستات واطي افضل
4- العربية مع القرص قد يزيد في السخونية , بلاش تزيد عن100 و لاحظ الفرق
5- العربية مع المياة الخضراء افضل خصوصا مع التنضيف المستمر لدورة المياة