الموضوع: فيرنا ولا بريليانس frv ولا استرا او كورسا ؟؟

معلش سؤال اخر هى البولو السيدان العيون موديل 2005 ايه اخبارها؟؟كويسة ولا لا؟؟

اشكرك استاذى العزيز للرد والافاده جدااا
ومستنى رد حد على البريليانس

السلام عليكم
بالنسبه لمزايا الاسترا
1- زى ما حضرتك قولت علشان 1200 سى سى فهى موفره فى البنزين وانا عن نفسى بأكدلك هذه المعلومه فهى ما شاء الله عليها فعلا بنسى شكل البنزينه وحتى مع التكيف برضه استهلاكها ممتاز انا بحطلها 92 ومعتقدش ان ال 90 فيه مشكله.
2- ثباتها ممتاز 3- وتكيفها زى الفل مع اعتبار انها 1200 انا مشغله باستمرار فى الحر ما شاء الله ثلاجه والمروحه سرعتها ممتازه امبارح عملت مشوار من المطار الى المعادى وكنا مليين العربيه اربعه غيرى والكل قالولى وطى التكييف علشان بردنا وكان على اتنين بس وعملت على واحد وكان زى الفل انا بخلى بالى مش بقرص عليها والتكيف شغال.4- صالونها محترم ومش صغيرومعقول جداًوعلى فكره اكبر من الكورسا.
بالنسبه للعيوب بأمانه
1-لازم الميكانيكى يكون حريف أوبل وكان شغال فى التوكيل يعنى مش اى ميكانيكى والكلام ده خصوصا للأسترا بوجه عام و1200 خصوصاً.
2- قطع الغيار غاليه شويه بس بتعمر .

اشكرك استاذى جدا لانك جاوبت على كل اللى فى دماغى من اسئلة بخصوص الاسترا
ولكن هل ياترى كل اللى حضرتك قلته ينطبق كمان على الاسترا 2005 اللى هى 1600 سى سى؟؟؟

اعمل موضوع عن البريليانس فى القسم عندهم احسن

اشكرك استاذى وانا فعلا بتابع القسم عندهم وبتابع مواضيع الاعضاء الجدد عن العربية

خليك في الاوبل استرا او كورسا
بس انا ميال اكثر للكورسا

عندك حق استاذى وانا بدات اميل للكورسا فعلا..بس انا كنت عايز اعرف هى موديلات 2004 و5 و6 مفيش اختلاف بينهم فى اى حاجة فى مكونات داخلية للعربية من موتور وعفشة وغيره؟؟