الموضوع: عايزني معاكم ولا مش عايزني يا بايكرز :)

يا نور خليك فى البجاج وهى بتدور مارش وكويسة بس اللى يفيدك فى مكوضوع اسكندرية هو العمدة وسعرها فى رنج 10000 جنيه

المشاركة الأصلية كتبت بواسطة alfath8

يا نور خليك فى البجاج وهى بتدور مارش وكويسة بس اللى يفيدك فى مكوضوع اسكندرية هو العمدة وسعرها فى رنج 10000 جنيه

مستر محمد شكرا علي تعاونك :) و موضوع المارش ده احسن من البرافا في النقطة ديه
هل فعلا غبور هو وكيلها ؟ و 10,000 ده سعر ال 200 ولا ال 220 ؟ و اقصي سرعة ليها كام ؟
و العميد كان قايلي توكل علي الله في البرافا هل رأيه هيكون برضه البجاج احسن !!!؟ و للاسف مبشوفش في اسكندرية حد بتاع متوسيكلات غير واحد في شارع فؤاد و شكله بتاع حاجات واقعة :)

المشاركة الأصلية كتبت بواسطة nktis

متفق مع ا.محمد الفاتح...
خليك في البجاج...

شكرا علي مشاركتك :)
ربنا يسهل لو الكل اتفق معاكم في موضوع الباجاج ده يبقي نتوكل علي الله و نخلص فيه ان شاء الله بس عاوز اشوفه علي الطبيعة

بعد التفحيص والتمحيص .... سعر الباجاج الــ 220 = سعر 250 عادة افراج او اقل حوالى 500 يعنى من 13 الى 13500

يبقى لو معاك سعر الباجاج 220 يبقى افضلك تجيب يابانى وكمان ريس و4 سلندر او انك تجيب cb4 مكنة جميلة جدا ويابانى وممكن تجيبها بـــ 14000 حالة كويسة

طبعا ده غير فرق السرعة والتسارع

الباجاج ال 200 اعلى من 10500

المشاركة الأصلية كتبت بواسطة m3_dolphen

بعد التفحيص والتمحيص .... سعر الباجاج الــ 220 = سعر 250 عادة افراج او اقل حوالى 500 يعنى من 13 الى 13500

يبقى لو معاك سعر الباجاج 220 يبقى افضلك تجيب يابانى وكمان ريس و4 سلندر او انك تجيب cb4 مكنة جميلة جدا ويابانى وممكن تجيبها بـــ 14000 حالة كويسة

طبعا ده غير فرق السرعة والتسارع

الباجاج ال 200 اعلى من 10500

بجد شكرا علي تعبك معايا :)
بس انا اللي هيكون جاهز معايا كمان يومين ان شاء الله هما 10,500 علشان عامل حسابي علي 500 خوذة ان شاء الله و بابا مش راضي يدفعلي اكتر من كده و الا هيبعلي العربية و اجيب اللي انا عايزه بقي بس بصراحة مش عايز ابيعها علشان لو معجبنيش الريس :)

المشاركة الأصلية كتبت بواسطة nouranwar

بجد شكرا علي تعبك معايا :)
بس انا اللي هيكون جاهز معايا كمان يومين ان شاء الله هما 10,500 علشان عامل حسابي علي 500 خوذة ان شاء الله و بابا مش راضي يدفعلي اكتر من كده و الا هيبعلي العربية و اجيب اللي انا عايزه بقي بس بصراحة مش عايز ابيعها علشان لو معجبنيش الريس :)

الشكر لله وربنا يبارك فيك ...

طبعا انا مش اقدر اقولك بيع العربية لكن لو ادمنت الريس هتفضله على اى عربية وخصوصا فى الزحمة وانه مش محتاج مكان تركن فيه ده غير ان مصاريفه اقل من العربية فى الوضع الطبيعى ( بدون حوادث لا قدر الله )

لكن لو عايز الصح استنى شوية لما تجهز بقيت الفلوس لأن بصراحة انا مش مع انك تدفع 10000 فى موتوسيكل سلندر واحد و200 سى سى وهندى فى حين انك بفرق مش كبير(3500) تجيب 4 سلندر و250 سى سى وممكن كمان 400 سى سى ( فى حالة الــ سى بى4 ) ويابانى وحاجة ليها وزنها وشيك جدا وممتعة فى سواقتها وصوت لا يقاوم !

المشاركة الأصلية كتبت بواسطة m3_dolphen

الشكر لله وربنا يبارك فيك ...

طبعا انا مش اقدر اقولك بيع العربية لكن لو ادمنت الريس هتفضله على اى عربية وخصوصا فى الزحمة وانه مش محتاج مكان تركن فيه ده غير ان مصاريفه اقل من العربية فى الوضع الطبيعى ( بدون حوادث لا قدر الله )

لكن لو عايز الصح استنى شوية لما تجهز بقيت الفلوس لأن بصراحة انا مش مع انك تدفع 10000 فى موتوسيكل سلندر واحد و200 سى سى وهندى فى حين انك بفرق مش كبير(3500) تجيب 4 سلندر و250 سى سى وممكن كمان 400 سى سى ( فى حالة الــ سى بى4 ) ويابانى وحاجة ليها وزنها وشيك جدا وممتعة فى سواقتها وصوت لا يقاوم !

الله يخليك
الريس هيبقي تجربة بالنسبة لي و خصوصا و اني مستني النتيجة علشان اشوف الجيش هيبقي السنة ديه ولا اللي بعديها فبصراحة عايز اجرب حاجة جديدة و كنت متعلق بيها من زمان و العمدة و الرجالة هنا ياما استحملوني :)
و موضوع اني استني صعب علشان متحمس ليه جدا
و موضوع اني اجيب مو 89 يعني 22 سنة و اسيب موديل السنة حاجة مش جاية معايا هو اه طبعا مع فارق الاستحمال و الامكانيات علي حسب كلامكم بس مش عارف
و في الاول و الاخر ده توفيق من عند ربنا و حضراتكم لأني سايبهلكم لغاية ما تقرروا ايه الانسب ليا و تختارهولي بس من الواضح ان مفيش مشاركة في الموضوع ده ليه مش عارف :(
الظاهر البايكرز زهقوا مني

مش زهقوا منك بس احنا فى رمضان ومحدش بيخش كتير