بيكانتو ولا i 10 أيهما أفضل ؟

**romar** · 02-09-2011 10:07 AM

اللي أعرفه إن الـ آي تن هندي مش كوري، ودي نقطة تحسب للبيكانتو

**jow** · 03-09-2011 12:35 AM

تقريبا انت مش هتلاقي كيا بيكانتو 2011 زيرو , كل الموجود 2012 فيه منها 1000 سي سي 3 اسطوانات و فيه منها 1200 سي سي 4 اسطوانات , مشكلتها انها غاليه اوي سعر الاتوماتيك الهاف اوبشن الخليجي ب 82500 و سعر الاتوماتيك الكامله الخليجي 88000 و المانوال في السبعينات
المشكله ان شكلها من قدام قبيح جدا الشكل ده عايز عربيه كبيره اوي عايز يتفرد شويه و ده رايي الشخصي
دا اللي اعرفه عن البيكانتو
الهيونداي اي 10 شكلها جميل و التعديل اللي حصل في الفوانيس الاماميه جميل و شيك سعر الاتوماتيك gl 72500 و سعر الاتوماتيك 77500 gls ارخص من البيكانتو بس 1100 سي سي

**A.Saad** · 03-09-2011 01:51 AM

البيكانتو 2011 شفت واحدة عند المصرية او المعرض الى جنبها على كورنيش المعادى من اسبوعين
خليجى
الشكل الجديد ال 1000 سى سى بحوالى 66 الف جنيه
ال 1300 هيا اللى فى التمانيننات

**raedegypt** · 03-09-2011 09:31 AM

المشاركة الأصلية كتبت بواسطة momo_h

هل الكيا بيكانتو افضل من هيونداي اي 10 ؟ ام العكس

في بعض الناس بيقولوا أن اي 10 اوسع من البيكانتو وناس بتقول العكس

وكلام كتير عن ان توكيل هيونداي مش كويس

انا كنت عايز اعرف ايه الاحسن في العربيتين دول من حيث كل حاجة تكييف و وسع الصالون وقطع الغيار والعربية اللي تستحمل اكتر وخامات التابلوه وكل حاجه قد أكون نسيتها

من الاخر اللي عايز يشتري عربية هاتشباك يشتري اي واحدة من العربيتين دول ؟

مع العلم ان الشراء هيكون زيرو

هو سؤال عندك استعداد تدفع 80 وفوق فى عربيه بيكانتو . يعنى عندك بدائل لو تزود شويه وتركب ار بى افضل لك اكبر وصالون وشكل ممتاز اسود او برونزى او احمر فى منتهى الشياكه . او خليك فى اى 10 ارخص ومش فارقه كثير . لو الشكل فى حدود اختيارتك البيكانتو افضل شكلآ بس هاتدفع فرق مايستاهل علشان شكل وانت قرر . الجوده فى الهيونداى طبعآ عاليه وتقفيل ممتاز