الموضوع: تجديد الترخيص للسيارة

المشاركة الأصلية كتبت بواسطة emadhero

مبروك يا باشا

يا باشا الله يبارك فيك

أنا لسه مجدد من أسبوعين فى مرور مدينة نصر وبسم الله ماشاء الله على التغيير نظام ايه ومفيش زحمة خالص ولا روتين وتعقيد ولا رشاوى ولا عمولات ولا أى حاجة خارجة كله فى السليم
طبعا الكلام اللى فات ده كله فى الحلم ولا أى حاجة اتغيرت كله زى ماهو المهندس بتاع الفحص لازم ياخد فلوس وإلا يعقدلك العملية واللى بياخد البصمة بياخد فلوس واللى يفكلك النمر ياخد فلوس واللى يركب النمر ياخد فلوس وختم الطفاية بفلوس وكللللللله كده
المهم الترخيص:
1-أصل وصورة الرخصة وصورة البطاقة
2-شهادة بيانات لو الرخصة منتهية
3- براءة الذمة(شهادة المخالفات)
4-نماذج التجديد والفحص 25 جنيه
5-التأمين الاجبارى للسنة 130جنيه
6-الضريبة للسنة 230 جنيه
7-ختم نموذج الطفاية من شباك مخصص لكده
8- عمل الفحص الفنى من قبل مهندس الفحص وطبعا لو مفتحتش مخك يبقى ياويلك
9- ملف ورق يوضع به كل الأوراق + طابع شرطة ثمنه جنيه واحد ويسلم لموظف التجديد
10-انتظر وصول الرخصة الجديدة بسلامة الله لشباك تسليم الرخص
11- عن طريق الرخصة يتم استلام النمر الجديدة اللى تمنها 155جنيه بس

وربنا يعينك

المشاركة الأصلية كتبت بواسطة tananybasha

تصدق انى شكيت فى ان المرور عندنا اتغير من البق الأولانى ده
هو التأمين الأجبارى بيتغير من مكان لمكان
يعنى ناس دافعه 97
و ناس دافعه زيى 117
و انت دافع 130
اشمعنى بقى
حد يفهمى
و ال 155 جنيه دول عشان يعوضوا عمولات السيد وزير الداخلية و المالية فى قضية اللوحات و يلموا فلوس المحامى

يمكن بتفرق من شركة تأمين لأخرى انا عمل الوثيقه فى مصر للتأمين وطبعاً كل واحد حر الشركات قدامك وتعملها فى الشركه اللى على مزاجك انا بجد دفعت اللى مكتوب فى الوثيقه 92 جند ولا حسب السى السى ولا ايه ولا يمكن زى مبتقول بيلموا للمحامين هههه

كنت فى مشوار للمرور اليوم وعرفت معلومه مهمه عن التامين وان المبلوغ المدفوع يتعلق بالسعه السلندريه يعنى اللى اقل من 1100 بيدفع 83 ج ومن 100 الى 1300 93 ج والى 1600 113 ج وهكذا والموضوع بتعلق بقانون التأمين الاجبارى رقم 72 لسنة 2007