الموضوع: مساعده فيرنا ولا لوجان ولا byd

سبحان الله !!!
وكأنك بتتكلم عليا
انا كنت داخل اعمل نفس الموضوع بالضبط
لوجان الأقرب إلى قلبى
فيرنا الأقرب إلى عقلى
byd الأكثر اغراءً
انا كنت خلاص هحجز لوجان ( ولحد دلوقتى هى الإحتمال الأكبر )
لكن ....
ناس كتير خوفونى جدا من الصيانة وقطع الغيار بالذات ....
سيبك من اعادة البيع ده الناس بتبالغ فيه شوية
وقطع الغيار برده بدأت تنزل لكن الاستهلاكية فقط وبرده مش زى الفيرنا والعربيات التانية يعنى لا قدر الله لو خبطة جامدة شوية !!!!!!!مبلغ وقدره
قريب جدا واحد زميلى فى الشغل ( وهو من الناس اللى حببونى فيها ) مش عارف اتخبط من مطب جامد فى العفشة ولا ايه ( مع ان العربية عالية )
لكن اللى حصل ان الزوايا معاه لقاها بايظة تماما مش عارف يتحكم فى العربية تماما فراح التوكيل
قالوا عاوزة ( مقصات - شمعدان - مساعدين - حاجة تانية نستها ) حسابهم تقريبا 6500 جم وهى لسة فى الضمان على فكرة وعاملة 20000 كم المهم الفنى اللى فى التوكيل قالوا عملهملك برة بنفس قطع الغيار بتاعة التوكيل ب 4700 تقريبا روحت انا جبت له ارقام الناس اللى بره التوكيل لقطع الغيار وفعلا كان فيه توفير جامد لكن مش كل حاجة لقاها الشمعدان مثلا ملقاهوش خالص فى النهاية قال اريح دماغى واضمن الجودة وعملهم عند الفنى بتاع التوكيل وكان عنده صيانه دورية دفع تانى حوالى 800 يعنى عدوا انتوا بقى وقبلها كان مغير مرايا كهربا 830 وقبلها فانوس 450 فى التوكيل ( مكنتش لسه قلتلوا على الناس اللى بره ) المهم يعنى فى 1.5 سنة صارف حوالى 10000 على العربية وهى زيرو وفى الضمان !!!!
ومع ذلك هو قاللى ده كله عيب سواق مش العربية وبيشجعنى جدا انى اجبها !!!!
بس انا طبعا دخلى مش زيوا هوا اكبر منى بكتير فممكن يكون هوا مش فارقه معاه لكن انا هتفرق معايا جدا
مش عارف انا محتار جدا جدا

المشاركة الأصلية كتبت بواسطة mahamedaraby

محتاج مساعده منكم فى شراء عربيه محتار بين

الفيرنا فى قوه الموتور ورخص قطع الغيار و سعر اعاده البيع
بس مخوفنى الشكل القديم و الثبات والفرامل و وسع العربيه من جوه

اللوجان عربيه واسعه من جوه وكويسه
تجربتى معاها سفرنا بيها اسكندريه يومين عملنا اكتر من 800 كيلو فى 48 ساعه العربيه بسم الله ماشاء الله تستحمل
بس مش عاجبنى فيها الموتور ضعيف نسبيا و الاوبشن واماكن الزراير و سعر قطع الغيار و اعاده البيع مش حاببها بمعنى اصح
ولا ال byd انا شايف ان العربيه دى فيها مميزات الفيرنا اللوجان وهى الموتور الكويس والعفشه برضوا تكنولوجيا يابانى قطع الغيار رخصيه ومتوفره العربيه عليها طل كبير فى السوق تشتريها بالحجز بس المشكله صينى كله يقولى صينى بغض النظر عن صينى انتوا لو مكانى تشتروا ايه

ياريت تشركونى ارئكم والتفاصيل

لوجان عشان أير باج و abs