نيجى بقى لليوم العجيب اللى انا قضيته فى بورت سعيد اولا انا اول مره اروحها
قبل ما اقول اى حاجه الطريق بتاعها صلاح سالم التانى ايه اللى بيحصل عليه ده والله انا كنت بجرى بس علشان كنت متأخر بس انا عامة فى سواقتى مش باكل غرز مقفوله ... الاقى فى الحته اللى بعد العاشر بحوالى مثلا 10 كيلو كده بيجرى بعربيه بومه الاخ قافل المرايتين وبيجرى بطريقه والله والله انا قولت لاخويا الواد ده هيعمل حادثه غرززز بطريقه غشيمه جداا وهديت سرعتى ومفيش 3 دقائق بالظبط الطريق وقف والزبون ده لبس 3 عربيات فيه :( ولا الزراعى ولا معرفش اسمه ايه وانا راجع كله بيجرى بطريقه هستيريه وغشوميه وبالذات التريلات والنتيجه ترلتين مقولبين والله يا شباب اانا سوقت فى طرق كتيير واوقات كتيير قبل الفطار يعنى بس مشوفتش زى الطريق ده .... ربنا يسترها معانا
دخلت بورسعيد بقى وصلت منطقه بنك الاسكان ومفيش اى حركه فى الشارع ولا حركه بيع الكلام ده على الساعه 12 تقريبا
المهم اللى سألت عندهم
نور الاسلام
ظاظا
احمد الدالى
محسن الناغيه
اللى شوفت الابواب على الطبيعه عند احمد الدالى وبصراحه بسم الله ما شاء الله عنده كام طقم ابواب زيرووو بمعنى الكلمه وقالى لما تنوى هظبطلك طقم مفيهوش خربوش
الابواب كامله بمرايات ضم 1350 جندى نهاااائى
سقف نضيف جداا بس الفرش بتاعه فيه قطع خفيف 1400 جنيه
نور الاسلام على كلامه عنده نفس الاسعار بس السقف ب 1500 جنيه وبيقولى زيرووو برضه بس قالى لما تيجى تحمل
علشان كانوا فى المخزن والناس صايمه ومش طايقه حد يكلمها اصلا تشوفه فكستله طبعا
محسن الناغيه معندووش وظاظا الابواب اللى عنده مانيوال بس والاتو معجبتنيش
خلاصه الكلام بورسعيد مش زى الحرفيين كبييره ليه مفيش انصاص كتيير زى القاهره هنا ولا انا مروحتش المكان الصح ولا ايه هههههههههه بس حسيت انى فيه حالة ركووود خالص الدنيا نايمه
دى صور الجنوط اللى شوفتها
بصراحه بورسعيد خيبت ظنى فيها كنت متوقع هلاقى جنوط كويسه خصوصا ان الاسعار هناك 800 او 900 لل 15 وال 16
ورجعت قبل الفطار طيران على القاهره حبيبتى بعد يوم يعتبر مميت فى الجو والصيام ده وطبعا مجبتش حاجه علشان اعرف انا هعمل ايه وهسمكر وهرش فين علشان انقل الحاجه على طول على السمكرى
المفضلات