نفسي افهم
ايه المشكلة عندنا في مصر
احنا عندنا مجموعة من اكثر القوانين صرامة في العالم
سواء قانون العقوبات
او قانون البلطجة او قانون المرور
وغيرهم ...
طيب اييييييييييييه المشكلة
ليه ده مش بيطبق
ليه دايما في حاجة ناقصة
وعلي فكرة ده مش مرتبط بالثورة
ولا بالوضع الامني
ابداااااااااااااااااااا
ده وضع اتعود عليه كتيييييير من الناس ومن المسئولين كمان
تلاقي الواحد يغلط ويجي الظابط او المسئول في اي حته في حالات كتير يقول :
" معلش . . . كل سنة وانت طيب "
وان مقالهاش هو يقولها اللي غلطان والتاني يسامحه

يا جماااااااااااااعة
ليه اللي بيغلط مش بيتحاسب

وليه لما المصري بيسافر بره بيلتزم ويحترم نظام البلد الاجنبي وقانونها غصب عنه
ليه القانون مش بيطبق

ليه يبقي قانون زي المرور بيمنع المواكب الخاصة (الزفة في الافراح) وكل يوم الاقي زفة تحت البيت
بيمنع احتجاز جزء من نهر الطريق باي شكل - وضع حواجز او بيردورات او حتي طوب وتلاقي عربية المرور رايحة جاية من ادام المخالفة ولا هي هنا
ليه قانون زي العقوبات بيجرم النصب والاحتيال وسايبين القنوات الفضائية تنصب علينا عيني عينك في اعلانات مزيفة لو اتعمل الواحد فيها بره مصر الشركة تتتقفل ويتوقع عليها غرامة تدبح صاحبها
ليه قانون زي العقوبات بيجرم السب والقذف ونلاقي صحفيين بينهشوا في اعراض الناس
ليه .... ليه ... ليه ...

انا زهقت من كلمة معلش

يعني ايه معلش
هو انتو مش بتقولو احترموا القانون
خاااااااااااااصة بعد الثورة
طب ايه لازمة كلمة معلش
يعني ايه معلش
انا زهقت من الكلمة دي ومش طايقها

طب انا هحكيلكو حكاية
انا اعرف واحد سافر منحة دراسية امريكا
الراجل ده مصري اصييييييييل
شرب من نيلها وكل الحاجات بتاعة شيرين عبدالوهاب دي
هو مقيم في ولاية سياتل
كان ماشي في الشارع وكل اللي عمله انه نزل من علي الرصيف شوية وبعدين طلع تاني
والقانون هناك بيمنع النزل من علي الرصيف او عبور الشارع من غير اماكن عبور المشاه ولما تفتح الاشارة بس

المهم مش شوية لقي عربية شرطة جاية وراحت واقفة ادامه ونزل الشرطي وطلب منه اوراقه
سأله انا عملت ايه قاله ارتكبت مخالفة سير
طبعا كعادة المصريين معلش ومش معلش الحوار ده
والتاني ابدا
وفي النهااااااااااااااية دفع المخالفة وكان ممكن يتحبس
عشان مخالفة سير
رغم ان الشارع فاضي
ودي حياتي اللي بعرضها للخطر
لكن احنا مالنا
الفكرة مش فكرة حياتك
الفكرة فكرة قانون ونظام لااااااااااازم يطبق مفيش فيه وجود لكلمة معلش

معلش طولت عليكو