ركبت الاشعال الالكترونى فى البيتل ....

**ahit** · 14-08-2011 10:49 PM

ألف مبروك
بفضل الله أنا مركبه من سنين ( الصينى ) و شغال تمام و الحمد لله
و كمان شغال تمام عند ناس كتير زى محمد سالم و صبرى و حسام سيف و غيرهم كتيير
و زى ما قال محمد سالم إنه لازم يركب على الموبينة العادية 12 فولت و ليست الموبينه الإلكترونى
و فايدة المعجون إنه بيتحط قليل جدا منه بداخل الكاوتشة السوداء ( المغناطيس ) قبل ما تركب على عمود الإسبراتير لتسهيل الحركة و الدوران و ممكن تحط قليل جدا من الشحم بدل المعجون ده.

نصيحة تانية : لازم تتأكد إنه الأسطى محمد على نضف قاعدة الإشعال فى الإسبراتير قبل تركيبة سواء ببنزين أو أسيتون لضمان أفضل آداء بأمر الله

و رمضان كريم

**beetleMOSH** · 14-08-2011 11:22 PM

استاذنا الكبير احمد :)
الله يبارك فى حضرتك
هو فعلا شغال تمام الحمد لله
و اداء مختلف
كمان و انا بغير البوجيهات و لاول مره ملاقيش التهبيب الاسود اللى كنت دايما بلاقيه

و الزيت لما غيرت برضه كان اسود
بس مش اسود زى كل مره
يعنى برضه مفهوش رواسب كتير
و الحمد لله الموضوع ده ريحنى نفسيا

موضوع المعجون
هو مفيش معجون اتحط خالص ولا شحم حتى
بس الحج محمد على غسل الاسبراتير كله كويس
بالبنزين و راح مركبه الاسبراتير تانى و الحمد لله

بس انا فى حاجه بقى كده مش عاجبانى
العربيه فى السلانسيه بحس انها متلته
غير البوجيهات برضه حاسس الاحساس ده
بس فى الجرى العادى شغاله 4 مفيش مشاكل

ده ممكن يكون من ايه ؟

**arc_adham** · 24-09-2011 05:35 PM

مساء الخير

انا عايز افهم موضوع الاشعال ده علشان الابلاتين و الكوندسر تعبونى جدااااااااااااااااااااااا ااااااااااا

بس سالت ميكانيكى قالى بلاش لانه بايظ و ان الاشعال الموجود فى السوق كله مضروب

يا ريت تفيدونى بالتفاصيل و شكرا

**MASERATI** · 24-09-2011 07:36 PM

السلام عليكم و رحمة الله و بركاته

أنا سمعت عن الأبلاتين الالكترونى ده هنا فى المنتدى و كان فيه أخ فاضل معاه بيجو 504 مركبه و فعلا, أنا فى شهر فبراير اللى فات ركبته فى عربيتنا البيجو ال505 مو 1980و هى كانت أصلا نازلة باسبراتير عادى فيه أبلاتين و كوندنسر عاديين جدا و كانوا قارفينى آآآآآآآآآآآآآخر قرف لدرجة كرهتنى فى العربية من كتر الرجة و التقطيع بالذات فى السلانسية, و كنت شاريه من الشركة المحمدية اللى فى جسر السويس برضه و ركبته عند ميكانيكى كده ورا الشركة و أهوه -الحمد لله و ما شاء الله- بقاله معايا 8 شهور و ممتاز و 100 100 و لا غبار عليه و أنا لما ركبته حسيت بفرق فى العربية فى تجميع السرعة زى الفرق بين ال سيات 133 و ال Aston Martin DB7.

أنا أنصح أى حد معاه بيجو قديم اسبراتير عادى أو بيتلز أنه يركبه و بلا تردد.

**MASERATI** · 24-09-2011 07:57 PM

السلام عليكم و رحمة الله و بركاته

كان فيه كذا موضوع اتعمل هنا فى المنتدى عن الاشعال الالكترونى.

اللينكات أهيه:

http://www.nilemotors.net/Nile/245618-a.html

http://www.nilemotors.net/Nile/196992-504.html

http://www.nilemotors.net/Nile/92011-a.html

الموضوع: ركبت الاشعال الالكترونى فى البيتل ....

LinkBack

أدوات الموضوع

عرض

-

-

-

-

المواضيع المتشابهه

الاشعال الالكترونى للبيتل

ضبط توقيت الاشعال

شرح نظام الاشعال التقليدى

ممكن شرح تفصيلى عن نظام الاشعال الالكترونى

نظام الاشعال الالكتروني

الكلمات الدلالية لهذا الموضوع

المفضلات

المفضلات

ضوابط المشاركة