عرض للطباعة
أخويا في اعدادي هندسة عين شمس
مالوش ميول محددة ( زي معظم الطلبة )
هو الحقيقة محتار يختار اي تخصص ... قلت ناخد رأيكم لأن في في نايل موتورز مهندسين وناس محترمة ومثقفة
اتمنى كل اللي عنده وجهة نظر في الموضوع ده مايبخلش علينا بيها وخاصة المهندسين يعني اكيد كل واحد بعد ماخرج لسوق العمل
عرف مميزات وعيوب معظم التخصصات سواء من تجربته او تجربة زمايله .
طبعا هنحط في الاعتبار لكل تخصص ( سهولة دراسته - مجال العمل متاح وبراتب كويس - الجيش - العمل خارج مصر - الخ )
وشكرا جزيلا لكل من سينفعنا برأيه .
يحول قناة السويس و يدخل بترول، اللتر ب 185 قرش
بص يا باشا انا اختى فى تانيه هندسه
هو بيبقى حسب المجموع بتاعه فى اعدادى
بس احسن حاجه هندسة اجهزه طبيه ومش عارف دى موجوده فى عين شمس ولا لأ
واتصالات
بس دول بيبقو عايزين مجموع معين فى اعدادى
بعديهم عندك عماره وعلى فكره مستقبلها جميل بس خلى بالك عايزه شغل جاااامد جدا
ومصاريف زى ما يكون فى جامعة مصر :d
ومهم جدا مجموعه لان كل قسم وليه تنسيق
وغالبا الاقسام اللى هقولك عليها دى بتبقى فى المراكز الاولى
-اجهزه طبيه (وده مش عارف موجود فى عين شمس ولا لأ )
-هندسة اتصالات
-باور
-عماره
-مدنى
وهتلاقى فى الاخر
-انتاج
-ميكانيكا
طبعا انا مش ملم بكل الاقسام بس انا حبيت اوصلك اللى اعرفه
وعلى فكره لازم يكون ليه ميول حاول تسأله مثلا بيحب ماده معينه بيعرف يزاكرها اكتر من المواد التانيه او بيرسم كويس كده علشان يقدر يمشى كويس فى القسم اللى هيدخله وميكرهش دراسته لان هندسه دى ثانويه عامه تانى بس بشكل مختلف :d
ويارب اكون افدتك
الف شكر يا باشا على ردك ربنا يكرمك
ايوة انا مهندس كهرباء قوي جامعة عين شمس
طبعا قسم ممتاز
هبقي اتديك فكرة اكتر بس اما افضي شوية ان شاء الله
بس مبدئيا زي ما بقولك كدة كهربا
في انتظار التفاصيل يا بشمهندس
شكرا جزيلا
انا فى بكالوريوس كهربا باور جامعه الاسكندريه
انا حنصحك بكهربا باور ده لو عايز شغل انما لو عايز سهوله كهربا اتصالات مفيش اسهل منها
الكلام ده اعتمادا على هندسه اسكندريه هيه ديه الاقسام اللى بتلاقى شغل بسهوله وممكن تضم معاهم ميكانيا غير كده كله زى بعضه بس لو باظت معاه اوى يخش مدنى شغلهم كتير بس رواتبهم بتبقى اقل شويه من مهندسين الكهربا انا بتكلم على الحاله العامه
انا فى تانيه ميكانيكا عين شمساقتباس:
المشاركة الأصلية كتبت بواسطة Dr_Smart
أولا : ربنا يعديه من اعدادى على خير
ثانيا : هكلمك على الاقسام من ناحية الدراسة و بترتيب تنسيقهم
كهرباء عاوزه واحد بيعرف او بيحب يذاكر كتير و خياله يبقى عالى
عماره عاوزه واحد فنان و مبدع "المفروض ده يبقى قسم فى فنون جميله" و بيشتغلو كتييييييييييير اوى
ميكانيكا عاوزه واحد بيفهم و يحب يشتغل بايده ودايما فى حاجه لازم تتسلم
مدنى قسم فى اللذيذ اسهل قسم و ده مش معناه انه سهل
يا راجل ! انت بتتكلم جد !اقتباس:
المشاركة الأصلية كتبت بواسطة yahyanaabil
ده عكسنا تماما اتصالات عاوزه واحد جامد جدا جدا
أنا طبيب ....مدرس في كلية الطب !!!!
و أنا صغير كان نفسي أطلع مهندس كهربا أو إلكترونيات لأن المستقبل كله ليهم و مجال العمل خارج مصر متاح .....ربنا يوفق أخوك إن شاء الله
انا مهندس معماري دفعة 2002
انصحه بالحاسبات او الاتصالات قم الكهربا
دول اللي سوقهم ماشي اليومين دول و مش محتاجين معارف او كده لايجاد وظيفة الشاطر في اي تخصص من دول بيلاقي شغل
مفيش غير ميكانيكا او ميكاترونيكس...بلاش مدنى و عماره و اجهزه طبيه
انا مهندس اتصالات من جامعة اسكندرية
بالنسبة لافضل قسم فكل الاقسام جيدة بس كل قسم ممكن بيحتاج ميول واهتمامات معينة ودي نبذة عن اهم وافضل الاقسام :
1-قسم اتصالات : قسم ممتاز و مستقبله كويس لان مهندس الاتصالات ممكن يشتغل في كتير من المجالات - مجال الاتصالات و مجال الاليكترونيات و ممكن الهندسة الطبية و ممكن يشتغل في التحكم الالي و ممكن يشتغل في مجال الكهربا الباوركمان ........ بس المشكلة ان القسم ده بيبقي فيه حفظ كتير جدا لكثير من البراهين والاثباتات و بيعتمد علي مواد الفيزياء والرياضيات بكافة انواعها
2- قسم الكهرباء الباور : قسم ممتاز برضه بس مفيهوش مجالات كتير بيبقي مهندس صيانة الات كهربية او مهندس وقاية للجهد العالي والمتوسط والمنخفض
والقسم ده من رايي اسهل في دراسته عن قسم الاتصالات لانه مفيهوش حفظ كتير بس بيحتاج فهم كويس اوي
3- قسم الحاسب الالي : قسم كويس بس المشكلة انه بيواجه منافسة شرسة من باقي خريجي الجامعات علشان بقي فيه خريجين كتير بيدرسوا كورسات البرمجة و الشبكات خصوصا عن طريق منح وزارة الاتصالات
3- قسم الهندسة المعمارية : قسم ممتاز و مطلوب جدا في دول الخليج بس مشكلته لازم يحتاج تخيل و ميول فنية من ناحية التصميمات المعمارية الخارجية و الداخلية و بيحتاج براعة في الرسم اليدوي وباستخدام الكمبيوتر
4- هندسة الميكانيكا باور : وهو قسم ممتاز يتعلق بكل ما يخص الماكينات بكافة اشكالها و محركات الاحتراق الداخلي و الاوناش و الكثير
5- الهندسة المدنية : قسم ممتاز بس يعيبه كثرة عدد الطلبة فيه - ولازم يكون الشخص لديه ميول ناحية البناء و المعمار و اعمال المقاولات
السلام عليكم
اولا احب اقولك ربنا يوف اخو حضرتك
بعد كده الاقسام اللى حضرتك كاتبها
عمارة سهل و يمشىمع واحد عنده ميول رسم شوية
فرص العمل الى حدما كويسة
كهربا اقسام كتير بس احسنهم اتصالات و باور بس عاوز دمااغ و شغل كتيير على المكاتب و فرص العمل داخ مصر و خارجها كويسة جدا
ميكانيكا لو هو حابب هندسة بجد انا انصحة بالقسم ده هو صعب كتير فى الدراسة بس هيشبع ميوله الهندسية جدا
فرص العمل داخل مصر قليلة خارج مصر كتيييير
مدنى و ده تخصصى سهل جدا فى الدراسة و فرص عملة كتييير داخل و خارج مصر
و اى خدمة انا تحت امرك
انا مهندس ميكانيكا قوي - اسكندرية
لو مش فارقة معاه أو مش حابب حاجة معينة و حتي لو حابب
كهرباء و يا حبذا حاسب آلي
ده اللي ليه شغل بقوة حاليا في مصر و بره مصر
يا فرحتي لو دخل قسم عاجبه و بعدين يشحت
و ممكن يحدد القسم علي حسب تخصصات الأقارب اللي يقدره يشغلوه براتب كويس
الشغل حاجة و الهواية حاجة تانيه
ربنا يطمنك يا مهندس اسلام اصل انا مهندس ميكانيكا قوى حتخرج السنة دى اشاء الله
تبقى شغلنى معاك بقى متنساش اخووووك :)
على فكرة انا فى جامعة اسكندرية
اتصالات قسم ممتاز جدا بس عايز واحد يكون بيعرف يحفظ كويس اوى وقسم اتصالات عندنا فى اسكندريه ناس كتير بتعرف تجيب فيه تقديرات لأنه يعتمد على الحفظ والدكاتره بتوع القسم ايديهم فرطه فى الدرجات عشان كده يعتبر اسهل من الباوراقتباس:
المشاركة الأصلية كتبت بواسطة ams
على فكره مدنى مش سهل بس برضه مش صعب لانه بالنسبه لقسم كهربا يعتبر سهل الى حد ما
السلام عليكماقتباس:
المشاركة الأصلية كتبت بواسطة Dr_Smart
انا فى هندسة القاهرة 3 باور
بص كل واحد هيقولك الراى اللى على هواه مش ده المهم المهم اخوك يحدد عاوز ايه
عاوز سهولة دراسة يبقى كيمياء وعمارة وبترول وفلزات وكده اضمنك انه هيريح دماغه
عاوز شغل كويس وفلوس يبقى ميكانيكا وباور ومدنى بس اضمنك انه مش هيريح دماغه
هيتبهدل صح فى الخمس سنين
العمل خارج مصر ده نصيب بس الطلب على ميكانيكا وباور وعمارة ومدنى
الجيش بيطلب معظم التخصصات ماعدا طبية وفلزات وطيران
عاوز واجهة واسم يبقى اتصالات وحاسبات بس الشغل مش كتيير وهيتعب على مايلقى
مش عاوز يشتغل خالص يبقى طيران:D:D
اهم حاجة لو هيخش ميكانيكا يكون كويس فى الرسم الهندسى ولو هيخش كهرباء يبقى
كويس فى الفيزياء والرياضة وياريت يخش الحاجة اللى ميال ليها لان الشغل ده بتاع ربنا
زى سامح فهمى خريج قسم كيمياء مش بترول وياريت يبعد تماما عن طبية وطيران
انا عارف انا هو متوتر اصل انا مرات بكل ده :D فى الاول خالص كانت فى كلية حاسبات
ومعلومات القاهرة معجبتنيش قاعدت اسبوع ورحت حولت هندسة بعد محولت اكتشفت ان
مواد الكمبيوتر بتاعت قسم حاسبات مش طيقها وحمدت ربنا كتيير ان انا حولت بعد كده
نجحت اعدادى وكانت فرحا بالمجموع فاخترت اتصالات ملقيتش نفسى فيها قعدت اسال
لحد مربنا هدانى دكتور طيب قالى عاوز تبقى مهندس صح عليك بباور او ميكانيكا هتفتح
دماغك وشاغلهم كتيير وبرده فضلت محتار بينهم لحد ما حولت باور :)
اهم حاجة هو ميال لمواد ايه وميبصش ابدا للمجموع ( ميكانيكا اقل مجموع ومع ذلك شغله نار)
ولو عاوز اى حاجة انا فى الخدمة ;)
هاقول لسعاتك حاجة ودي خلاصة الدراسة في الكلية دي..
بس انا خريج القاهرة مش عين شمي..
لو اخوك عنده ميول تصميمية.. يعني خياله واسع في العمارة و المباني و الكلام ده..
يبي يدخل عمارة.. القسم ده محتاج موهبة قبل اي حاجة.. يعني مش بالمجهود الجامد بس و المذاكرة هتبقي طالب متميز.. لازم موهبة.. و تزبطها بالمجهود و الشغل الكتير..
لو هو حابب الرياضيات و الالكترونيات.. يبقي يدخل كهربا.. بتتفرع لباور و اتصالات و كومبيوتر..
طبعا البرمجة هيتدرب عليها في اول سنة.. لو لقي انه حاببها و دايس فيها يبقي يدخل كومبيوتر.. لو رياضيات بقي و كده يبقي اتصالات او باور..ولو ان باور رياضياتها اقل شوية..
لو هو حابب ميكانيكا اعدادي.. يبقي يتوكل علي الله و يدخل ميكانيكا.. صعبة شوية.. بس كويسة..
الطبية كويسة جدا طبعا.. بس فرص شغلها قليلة شوية..و في منهم كتير بيشتغلوا برمجة و شغل كومبيوتر..
اما بالنسبة للمرتبات فطبعا ده موضوع ارزاق.. و كله بايد ربنا.. بس السوق بيقول ان مرتبات الكهربا اتصالات و كومبيوتر.. و باور.. و بعدها ييجي عمارة و بعدين ميكانيكا
بس الحمد لله علي كل حال.. ان حال المهندسين في مصر احسن من غيرهم بكتييييييييييييير..
و الحمد لله في شغل.. يعني مش هتقعد ف البيت.. بس متحطش موضوع المرتب ده في دماغك لما تيجي تشتغل اول شغلانتين ولا حاجة.. خد خبرتك و بعدين ابقي اطلب مرتب..
وربنا يوفق و يكرم ان شاء الله..
السلام عليكم
انا فى تانية مدنى (هندسة عين شمس) و اول حاجة احب اقول لحضرتك ان التخصص بيبقى على حسب المجموع وترتيب الاقسام كالاتى:
1-هندسة كهربية..(فى اول الجيد) و دة اعلى قسم من حيث التقدير
2-هندسة معمارية..(مقبول مرتفع)
3-هندسة ميكانيكية..(مقبول)
4-هندسة مدنية....(مقبول)
و اعذرنى لو مكنتش فاكر التقديرات بالارقام
اولا هو لازم يدخل قسم هو بيحبه و يكون مقتنع به مش بقول انو يكون بيعشقو بس على الاقل يكون شايف نفسة فيه.
لان بصراحة كلية الهندسة من اصعب الكليات فلو دخل حاجة هو مش حاببها هايمشى فيها بصعوبة و هايبقى قرفان طول مدة دراسته بالكلية .
(على فكرة الحيرة الى هو فيها دى عاديية جدا طبعا هو دلوقتى بيملى استمارة الرغبات و بنسبة 98% هايكتب كالاتى:
1-كهربا
2-ميكانيكا
3-عمارة
4-مدنى
انا مش عايز ابالغ و اقولك ان انا كل دفعتى كانت كاتبه الترتيب دة بما فيهم انا((كلنا كتبنا كهربا اول حاجة)
دة طبعا لان (هندسة الاتصالات -حاسبات) بقى ليها سوق عمل كبير جدا فى مصر مش زى زمان و مرتباتهم ممتازة
يعنى باختصار 98% من دفعة اعدادى بتفكر فى كهربا بس و بتكتب باقى ترتيب الاقسام اى حاجة كدة ودة بيكون بسبب انو مش قادر يفكر هو ممكن ينفع فى ايه غير كهربا نتيجة كثرة الامتحانات فى الفترة دى (شفوى و عملى و final حاجة تقرف)...
الى حصل معايا انى كنت كاتب نفس الترتيب الى فوق دة و بعدين جبت مجموع يدخلنى اى قسم ماعدا كهربا فبلتالى انا كدة هادخل ميكانيكا
و بعدين و انا فى اجازة الصيف قعدت افكر و لقيت نفسى كارة ميكانيكا جدااااااااا (((و غالبا هى دى الفترة الى اخو حضرتك هايفكر كويس هو عايز ايه))) .و بعد كدة لقيت نفسى حابب الانشاءات و التصميم جدا فقررت انى ادخل مدنى
يعنى الى عايز اقولة لحضرتك ان القرار اللى هايخدو اخوك دلوقتى مش هايكون القرار النهائى لان لسة فى فرصة انه يغير القسم ى العام الدراسى الجديد و اهم حاجه دلوقتى انه يركز فى مذاكرتة على شان يجيب مجموع يدخل بيه القسم الى هو عايزه.
و دى شوية معلومات عن الاقسام:
1-مدنى :مش سهل بس يعتبر اسهل قسم فى الكلية المشؤومة دى .سوق سوق العمل ملياااان فرص لمدنى و دول الخليج جعاااانة مهندسين مدنى
بالنسبة للمرتبات على حسب المهندس دة قدراتة اية (يعنى مثلا كان مرة دكتور بيتكلم معانه قال انا عندى فالمكتب مهندس بياخد 1000 جنية و مهندس تانى بياخد 3000 جنية )
2-كهربا :حلم شباب هندسة عين شمس و من احسن الاقسام فالكلية و شغلها موجود و مرتبات زى الفل
3-عمارة :بصراحة محدش بينفع فى القسم دة غير واحد عنده موهبه جمالية و تكون ايدة حلوة فى الرسم
4-ميكانيكا:بكرهاااا بس على العموم برضة قسم كويس و مرتبات كويسة
و فى النهاية مهما كان القسم اللى هايدخله قدراته كمهندس هى اللى هاتحدد هو هايشتغل ايه و بكام لما يتخرج و اتمنى لاخو حضرتك التوفيق.
بعيد عن الموجوع
هو ميوله ايه
لو مبيحبش المذاكرة ودماغة فى الرسم وتخيلة حلو يبأى عمارة
لو بيحب المكن والتروس والشحم والزيت يبأى ميكانيكا
لو بيحب شغل الكهربا الكترونيات يبأى كهربا
لو له فى المواقع العمال وبهدلة المبانى يباى مدنى
وانا عن نفسى هختار عمارة
مع انى متحفظ على حتة ان العمارة هندسة (العمارة كول عمرها فن)
الف شكر على ردودكم كلكم يا بشمهندسين
والله اخويا فرح أوي بكل الردود واستفاد من آرائكم في الموضوع ده
وربنا يوفق الجميع
mechanical power engineer is the best department if he loves mechanic. it required alot of work but there is a great apportunities for that departments especially in power generation, oil & gas, air craft engines. I had experience in those fields so I can till you that the only draw back. he always work in tuff enviroment like desert fields alway awy from home for long period
عاوز يشتغل مهندس بجد وعنده فن وموهبة الإدارة (مهمة جدا هذه الموهبة) ومش مهم يقعد على مكتب .. هندسة مدنية
فنان موهوب رسم وإبداع وخيال واسع (بالإضافة للحس الهندسي) وبرضه هايشتغل مهندس بجد .. هندسة عمارة
ويس في الرياضيات والفيزياء الكهربية والحرارية والإنشاءات .. هندسة كهرباء فوى (وبرضه هايرضي ميوله الهندسية)
أستاذ فيزياء "خواص مادة وحرارية" ومتميز في الرسم الميكانيكي (ممكن يكتسب هذه المهارة بالتدريب الجيد) .. هندسة ميكانيكية
أستاذ رياضيات وفيزياء (كهربية وكهرومغناطيسية) وحس ابتكاري مرتفع .. هندسة كهربا اتصالات أو هندسة إلكترونيات أو هندسة حاسبات
قسم الميكاترونيكس جديد جدا وواعد جدا .. بس هايطلب مهارات هجين بين الالكترونيات والميكانيكا (آخر نقطتين فاتوا)
التميز في أي مجال هو اللي بيفتح للواحد فرص العمل بإذن الله، وإن شاء الله يكون أخوك من المتميزين وربنا يوفقه ويرشده للأنسب والأصلح لقدراته
في هندسة القاهرة كنا أخدنا محاضرة في آخر السنة عن الأقسام وكل قسم متطلباته ايه (أعطاها لنا اأستاذ الدكتور أمير بيومي رحمه الله رحمة واسعة) لو موجود زيها خليه يحضر ويشوف رأي الدكاترة ايه.
i am petroleum engineer , but i hoped that i was communication
خليه يبعد عن مجال الاتصالات
لان المجال ده صعب الحصول فيه على فرصة عمل بسهولة
لكن لو اشتغل فى المجال اكيد هيبقى حاجة كويسة
المدنى ( خليه يدخل اشغال) طرق ونقل ومرور
انا مهندس طرق ونقل ومرور وفرصة العمل لمهندسي النقل والمرور فى دول العالم كلها عالية جدا وبالاخص دول الخليج
وبيقى ليه اولوية فى طلبات الهجرة
لان العالم كله بيواجه مشكلات النقل والمرور وبيحاول يتغلب عليه
لكن فى مصر انسي ياعمرو
الميكانيكا قسم جميل بس الدكاترة مش ظراف
الحقيقة هوا لازم يختار بنفسه
لكن نصيحة منى خليه يدخل قسم مدنى اشغال (طرق)
اية يا جماعة ...
الهندسة دى الوحيدة الكلية اللى مافيش فيها حاجة اسمها تدخل قسم عشان شغلة اكتر ...اللى بيعمل كدة الكلية بتمسك فية و مابترضاش تسيبة
لازم يكون هو فى دماغة هدف عايز يوصلة ...عشان كدة بيستحمل الاهوال اللى هايشوفها فى كل قسم
وما احترامى لكل الاراء اللى اتقالت
مفيش اى شغل متاح فى البلد الى لنوعين من الخريجين النابغة و اللى يعرف حد ..فقط لاغير و خلينا واقعيين
الكهرباء و الاتصالات والالكترونيات .... بتتساوى مع اى حد عندة شوية كورسات كمبيوتر وبقت لكل من هب ودب
انتاج وميكانيكا وسيارات .... ماحناش فى المانيا
المدنى .... يبقى يعمل حسابة انة يشتغل مقاولات وإلا ماتبقاش جايبة ربع همها
العمارة .... الكلام اللى اتقال عليها موهبة و بيحب الرسم والكلام دة ...كلام قديم جداً
العمارة دلوقتى فيها اكتر من خمس تخصصات ...مش شرط ابداً انة يكون عندة موهبة
واللى بيقول انها سهلة ...يبقى ماعداش على قسم عمارة و الناس سهرانة ومطبقة 3 ايام شغل متواصل ايام المشاريع و مشافش حرقة الدم والاعصاب اللى بتقابل كل تصميم ممكن يختلف علية اتنين بين اكثر مؤيد و اسوء معارض
العمارة ...احسن قسم حالياً والدليل انة فى التنسيق بيبقى بعد او قبل الحاسبات
بس لو مايعرفش حد فى المجال ...يبقى لازم يكون نابغة فيها
م/عمرو
مهندس معمارى
اهم حاجة هوا (بيحب اية)
و غاوى اية
يعنى مثلا" اتصلات و كومبيوتر من احسن الحاجات المطلوبة فى سوق العمل
(بس)
لازم يكون غاوى علشان لو مش غاوى (هيفشل) و لو خلص مش هيبئا مميز فى شغلة
و هيتخنئ بسرعة
معلش انا اتكلمت على المجال دة علشان دا تخصصى و بشوف الناس الى متخرجة من اتصلات و مكانوش غوينها
فعلا شىء مؤسف
طبعا هنحط في الاعتبار لكل تخصص ( سهولة دراسته - مجال العمل متاح وبراتب كويس - الجيش - العمل خارج مصر - الخ )
الكلام اللى فوق مش دقيق ياباشا ومش صح نبنى عليه مستقبل لان الطلب على قسم بعينه بيختلف من وقت لوقت يعنى دلوقتى مدنى عليه طلب جامد لو دخل مدنى علشان كده على مايتخرج هايكون السوق تشبع
الصح انه يشوف ايه القسم اللى حاسس انه هايبدع فيه ويكون متفوق كمجال عمل مش كدراسه كليه لو عنده الرغبه والحب ده للكمبيوتر مثلا او للمدنى يدخل اللى هو حابه حتى لو معندوش خلفيه لانه طالما بيحبه هايثبت نفسه ويشتغل ويتفوق
المكان فى السوق للراجل المتميز بغض النظر عن القسم ايه ده هو الضمان الوحيد انا مهندس كمبيوتر والحمد لله واخد كورسات كتير فلقيت مكان وليا زمايل لسه مش لاقيين علشان اهملو فى حق نفسهم ومااختاروش اللى يناسبهم بغض النظر عن المسميات
وربنا يوفقه ويفتح عليه ولاينسى صلاه الاستخاره وفى الاخر ماتقلقش عليه مافيش مهنس بيقعد بس لو مش عايزينه يبعد عنكو يبقى بلاش بترول :)
Kahraba power zay khateeby :-D howa khareeg ain shams brdo
bos ana d7'lt madany w mn sa3tha mesh 3arf a7'ls
olo ysibo mnha
أنا مهندس اتصالات دفعه 2002 جامعه القاهره وشايف انه من أحسن الأقسام بس خلي بالك انه كمان من أصعب الأقسام في الدراسه و الدكاتره بتوعه عقد طحن ومحتاج مذاكره لكن مستقبله كويس و الحمد لله
بحكم شغلي في تاني اكبر شركة كهرباء في العالم
وشايف مرتبات مهندسين الكهرباء هنا كام(الله لا حسد)
اقولوة يدخل كهرباء براحتة
ثانيا مديري ابنه ما شاء الله خريج اتصالات عين شمس السنة دي 2007
خرج اشتغل في الكاتيل لوسنت على طول بدون وسايط وعلى يدي مجرد ما قدم وشافوة تقدير الامتياز بتاعة خدوة
من ساعتها شغال بين باكستان وايران في شبكات الموبيال ال جيل الرابع ومقلوكش على المرتبات بالدولار ما شاء الله عاملة ازاي
ربنا يوفقك
الميكاترونيك هو بوابة المستقبل الواسعة
انا درست "ميكا" فى الكلية ، واشغلت "ترونيك" عملى بعد التخرج، وفعلا شايف ان اللى يدرس ميكاترونيك يكون قد جمع الحسنيين ولم الهندسة فى جيبه، الكترونيات وتحكم وتوزيع كهربى ومنظومات التحكم المنطقية ومنظومات المراقبة وروبوتيكس وطيران ومحركات ، كل الحاجات دى هيكون عنده خلفيات عنها تسمح بالعمل فى المجالات الحديثة مثل التحكم الصناعى الروبوتيات ..الخ، وهى مجالات لها مسساحة حركة ضخمة فى مصر وفى الخارج
سبعاوي باشا..
علي حد علمي ان الميكاترونيك مش موجود في كليات كتير..
يعني القاهرة مثلا مفيهاش.. حلوان فيها..
عين مس مش عارف فيها ولا لأ..
بس انا معاك ان القسم كويس جدا و خاصة برة مصر كمان هيكون مطلوب جدا..
وطبعا الشغل ده نصيب..
اقتباس:
المشاركة الأصلية كتبت بواسطة sab3aawy
الميكاترونيك موجود فى عين شمساقتباس:
المشاركة الأصلية كتبت بواسطة Ahmad Allawy
بش هو قسم ضعيف من ناحية المناهج اللى بناخدها يعنى لما تتخرج لازم تشتغل على نفسك كتير
أوباااااااااااقتباس:
المشاركة الأصلية كتبت بواسطة onna
دفعة كام يا نهى ؟؟؟؟؟؟
انت هاتقولي؟ انا حضرت محاضرة واحدة (كانت كهربا) وطلعت جري اغير الرغبات :Dاقتباس:
المشاركة الأصلية كتبت بواسطة Hondawy_2008
الفولت كان عالي قوي في المحاضرة دي وانا ماستحملتش.
أنا دفعة 2002 هندسة حاسبات القاهرة .. احتمال نكون معرفة :)