باركولي غيرت ورقة عداد الشاهين

**hko** · 12-08-2011 05:55 PM

باركولي اخيرا غيرت ورقة عداد الشاهين اللي مكونتش بشوف اي حاجة في العداد منها دة غير شكلها المعفن بتاع عربيات السبعينيات و دورت علي ورقة عداد بلازما بس طبعا مفيش حاجات من النضيفة دي للشاهين فقولت اعمل ورقة بنفسي والحمد لله عملتها الاول عملت رسمة عالرسام ومن غير ضحك عشان معنديش الفوتوشوب الرسمة اللي عايزها وبعدين حددت المقاس 11×11 وحطتها علي فلاشة وروحت استوديو فية معمل وقولت لو 11×11علي ورقة 15×21 و الزوايد اسود وطبعتها نسختين عشان الاضاءة هاتكون قوية فلازم اتنين فوق بعض عشان الالوان تكون مظبوطة

الاول جبت الورقة الاولي وحطتها علي الورقة التانية بالظبط بحيث يكونوا كانهم ورقة واحدة وعشان اتاكد رفعتهم نحية لمبة كاني ببص علي اشعة لولقيتها مزغللة تبقي مش مظبوطة ولو مش زغللة تبقي مية مية وبعد متاكدت انهم مية مية دبستهم من الطرف من جيهة واحدة بس و بعدين جبت حتة قماشة مش منديل او قطنة عشان هايدوبوا من المية ويلزقوا في الورقة بعدين بلتها ميه مش غرقتها وقمت ماسح بالقماشة عالورقة اللي تحت بحيث تكون مبلولة كلها كلها وضمتهم علي بعض لقيتهم لزقو بس مش اوي قومت اتاكدت تاني انها مظبوطة 100100وحطتهم جوا كراسة حططهم تحت سجادة وسبتها 3ساعات عشان تنشف وبعدين طلعتهم وبقوا كانهم ورقة واحدة بعدها نزلت فكيت عداد العربية وفكيت المؤشر بتاع السرعة وبعدين فكيت المسمارين السود الصغيرين و قومت شايل الورقة القديمة وحططها تحت الورقة الجديدة وحددت مكان المؤشر ومكان عداد الكيلو مترات و حددت كل الفتحات اللي في الورقة القديمة يبقي كدة ورقة السرعة الجديدة جاهزة ننقل علي امبير الحرارة والبنزين اول حاجة قلبت العداد علي وشه وفكيت6صواميل نحاس مقاس٦ لكل امبير 3 صواميل كدا الامبيرين والورقة اتفكوا قومت فاكك البراشيم السود الصغيرين بتاع الامبيرين ببنسة ودي اصعب خطوة قابلتني في تعديل العدادات اعدت احاول افكهم يومين ( خلوا بالكم ان البراشيم دي عبارة عن مسامير زي بتاع شريط الكاسيت بالظبط بس راسة فاضية منغير فتحة عشان يدخل فيها مفك زي بتاعت الكونتاكت كدا )المهم اتفكوا نيجي بقا عالورقة الجديدة قطعتها وظبطتها زي عداد السرعة كدة وركبت الامبيرين بس بدلت البراشيم ب مسامير من بتاعت شرايط الكاسيت نيجي بقي للاضاءة جبت لزق نيكل و لزقته كأني بفرش ارضية العدادات بية وبعدين جبت ليدات ووزعتهم في ارضية العدادات تحت عداد السرعة 10ليدات وتحت امبير الحرارة والبنزين ٢٠ ليد

**hko** · 12-08-2011 07:07 PM

ووصلت الليدات توازي كل 3 ليد مقاومة وخدت الكهربا من لمبة من اللمبات بتاع التابلوة القديمة والنتيجة العداد بقي ظاهر بليل والارقام بتنور زي بتاعت العربيات الجديدة ودي صور العدادات ومستني آرائكم والردود

ودي البراشيم بتاعت امبير الحرارة والبنزين

**MOUSTAFA_SAAD** · 12-08-2011 07:15 PM

الف مبروك
جميله فعلا

**medoghaly** · 12-08-2011 07:28 PM

الف مبروك جمبلة اوي

**romieh** · 12-08-2011 09:15 PM

الف مبروك ، تجربة جميلة جدا

معلش ممكن تقولى فكيت عداد العربية ازاى؟؟؟

**essamenen** · 12-08-2011 10:46 PM

مجهود مشكور عليه

**hko** · 13-08-2011 12:43 PM

الف مبروك جميله فعلا

الف مبروك جمبلة اوي

مجهود مشكور عليه

شكرا عالردود الغالية ودة من ذوقكم

الف مبروك ، تجربة جميلة جدا

معلش ممكن تقولى فكيت عداد العربية ازاى؟؟

الله يبارك فيك بص يا باشا جمب العدادات في حتتين بلاستك اللي فيهم الحتة الخضرا بتاعت الاشارة

تخلعها بمفك عادة بعد ما تخلعها هتلاقي تحتها مسمار صليبة فكوا وتقوم نازل في الدواسة وفك واير السرعة من العداد عن طريق شده من البلاستكة البيضا وبعدها تشد العداد برٌاحة نحية الدركسيون هتلاقي 3 فيش فكهم وطلع العداد بس
وخلي بالك من امبير الحرارة والبنزين لو معرفتش تفك البراشيم وديها لكهريائي

**mrghost** · 13-08-2011 08:27 PM

شغل عالى اوى الله ينور عليك بس ياخساره عداداتك غير عداداتى لان عربيتى موديل 2004 لو مش كده كنت طبعت نفس الرسمه بتاعتك وعملتها عندى

**madaxman** · 13-08-2011 10:29 PM

طيب ما تصورها جوه العربيه عشان نشوف الشغل

**hko** · 14-08-2011 10:37 AM

شغل عالى اوى الله ينور عليك بس ياخساره عداداتك غير عداداتى لان عربيتى موديل 2004 لو مش كده كنت طبعت نفس الرسمه بتاعتك وعملتها عندى

ده نورك بس علي فكرة انت ممكن تطبع نفس الورقه بتاعتي عندك عشان كده كده هاتطبعها علي ورقه كبيرة وانت اللي هاتقطع

و قومت شايل الورقة القديمة وحططها تحت الورقة الجديدة وحددت مكان المؤشر ومكان عداد الكيلو مترات و حددت كل الفتحات اللي في الورقة القديمة

يعني الورقه دي تنفع عندك فاهمني؟؟؟

الموضوع: باركولي غيرت ورقة عداد الشاهين

LinkBack

أدوات الموضوع

عرض

-

-

-

المواضيع المتشابهه

ورقة عداد

استفسار فى لمض الكشاف و ورق عداد الشاهين

غيرت مساعدين الشاهين الاماميه

غيرت طقم دبرياج الشاهين

باركولي: غيرت لمبات اللانوس والنور اتحسن كتير...

الكلمات الدلالية لهذا الموضوع

المفضلات

المفضلات

ضوابط المشاركة