شهدي باشا وحسين بيك
الموضوع
http://www.nilemotors.net/Nile/238897-esp.html
ويا رب يعجبكم
شهدي باشا وحسين بيك
الموضوع
http://www.nilemotors.net/Nile/238897-esp.html
ويا رب يعجبكم
أعلم ان الموضوع قديم لكن استفزنى جدا لعدة أسباب:
1- صاحب الموضوع بنا فكرته و بحثه على بعض الفيديوهات بدون معرفة لاسباب الحادث و حالة الركاب.
2- دعوته ديه ممكن تخلى حد يغير تفكيره من شرائه عربية بمواصفات أمان الى عربية خالية من هذه المواصفات لتوفير مال لاقتناع بأسباب الموضوع و بعد الشر يحصل ما لا يحمد عقباه من حادثة يتوف فيها أحد الركاب و قد يكون سبب عير مباشر هوا هذا الموضوع بعد ارادة ربنا طبعا.
3- كلنا مؤمنين بالقدر لكن فى جميع الأحوال كلنا نعمل و نجتهد لأن ربنا أمر بالأخذ بالأسباب, و هناك فرق كبييييير بين التواكل و التوكل, كلنا بنتوكل على الله فى ما نعمله لكن منتكلش ان اكلنا هيجيلنا لحد البيت من غير عمل, و هى نفس الفكرة هنا تتوكل الله و تشترى على قد فلوسك لكن لو ربنا أمكنك من شراء سيارة بها من الأمان ما يحميك و يحمى اسرتك يبقى توكل على الله لعلها تكون سبب من الله لانقاذ حياتك (و هو ما حدث معى و الحمد لله).
4- للأسف لا يعرف قيمة مواصفات الأمان قد الربنا قدرله انه يتحط فى مواقف أو حوادث يكون سبب خروجه أو خروج سيارته سالما هو مواصفات الأمان فى السيارة.
5- ببساطه متقرنش المبيشتغلش و يجمعلك عربية بماتور و صاج و عفشة (و أنا لا اقصد شركة معينة أنا بتكلم بشكل عام) و يبعهملك بأخرين بيعملوا أبحاث و تطوير و ميزانية من أجل زيادة عوامل الأمان من فرامل أو نظم اتزان أو ايرباج و الأهم النظام الهندسى لبناء السيارة نفسها بحيث يتهالك جسمها الخارجى فى اثناء الحادثة لتوصيل أقل ضرر للكابينة الداخلية و الركاب.
6- أنا ركبت عربيات متعددة و الحمد لله بعضهم من أيام مراهقتى يملكها أهلى و بعضهم اشتريتها بنفسى(128 - اكسيل - اكسنت - كيا سبكترا - فولكس بورا - النترا و هى سيارتى الحالية 2005 ), و بالتالى تطور فكرى من مجرد تمتعى بقيادة أى سيارة "128" وهى من تعلمت عليها القيادة الى قيادة سيارة تجرى بمعايير زمنها (اكسيل و أكسنت) ثم البحث عن المزيد من السرعة و التهور (سبكترا و هو كانت تعدى سرعة ال 200 ك مستريح) ثم الزواج و ما يصاحبه من فكر مستقر فاتخذت قرار بشراء الفولكس بورا و لم أكن أنظر أيامها لأكثر من برستيج و ثبات على السرعات لكن موضوع الأمان مكنش فى بالى لوجود ثقة زائلة بمهارتى فى القيادة (تعلمت القيادة فى سن 13 عام) لما مررت بيه من مواقف لا تحصى و ما تفاديته من حوادث (بارادة ربنا فقط لا غير), لكن ....... كان لابد من قرصة ودن لتهدينى و للحفاظ على نفسى و على عائلتى و قد يكون رحمة ربنا عليا ان الحادثة محصلتش الا فى البورا (و رغم انها بتكونولجيا اقدم من زماننا هذا لتواجد الجيتا و الجولف 5) و رغم انى لم أكن البس حزام الأمان, و الحمد لله كنت مهدى سرعتى لمتوسط 120 أو 130 و تتم الحادثة بسيارة نقل (الدبابة) محملة أنابيب بوتجاز و راجع مرشدير كمان (على الطريق السريع) يعنى الحادثة بمتوسط سرعة 140 و هوا اجمالى السرعتين تقريبا, لكن الحمد لله العربية اتدمرت تماما و معظم المتواجدين و الشافوا العربية بعد كده توقعوا وفاتى أو وفاة أحد الركاب على الأقل, لكن يشاء ربنا ان الاير باج تفتح و أنا مش رابط حزام (رغم ان اللمبة كانت منورة و مفترض انها معطلة) و تكون سبب من الله لخروجى سليما تماما ما عدا فتح فى دماغى عميق شوية و بضعة رضوض فى جسمى بدون كسور أو قطع فى أجزاء جسمى و الحمد لله (و هوا اقل ما تتخيله لما ترى الحادثة).
7- و بهذا أقدر أكدلك ان عوامل الأمان لابد ان تكون من أهم الاسباب التى تؤخذ فى الاعتبار عند شراء سيارة ان كان فى الأمكان, ولابد من تغيير طريقة تفكيرك فورا قبل حدوث ما لا يحمد عقباه, أو على أضعف الايمان بتقنعش حد بوجهة نظر تحتما الصواب او الخطأ, اينعم ممكن تناقشها لاكن انك تكون كتاكد من وجهو نظر تحتمل كثير من الخطأ لا و كمان تقنع بيها غيرك فده الغلط بعينه, مش دايما التهو بيكون سبب (و أنا اعترف انه كان أحد الأسباب فى حادثتى) لكن ممكن عدم الانتباه و ممكن التسرع لتوصيل حالة طارئة (مثل حالات الولادة و الوفاء أو الاصابات حيث تكون فى أقصى حالات التسرع وعدم الانتباه), أو حدوث اغماء للسائق, فيه مليون سبب و سبب, و فى الأخر ارادة ربنا فوق كل اعتبار لكن ميمنعش اننا ناخد بالأسباب.
8- و أخيرا لابد من الاعتراف ان ارتفاع معدل الأمان و الثبات بالسيارة يؤدى الى نسبة من التهور لدى الكثير فى القيادة من حيث السرعات أو اللعب بالسيارة نظرا لثقتهم و بها و انقاذها لهم فى كثير من المواقف.
الأختلاف فى الرأى لا يفسد للود قضية ....
أسمح أختلف معاك زى ما أختلفت مع ناس تانيين ....
سبب خروجك سليمآ تمامآ من العربية بعد الحادثة مش الأيرباج ....
دة ربنا هو اللى حافظ عليك ....
أحنا ياما شوفنا حوادث جامدة جدآ حصلت بعربيات مفيهاش عوامل أمان نهائى ....
لكن يشاء ربنا أنة يحافظ على كل الموجودين فيها و يخرجوا من العربية من غير ولا خدش ....
وشوفنا حوادث بعربيات مزودة بكل وسائل الأمان ....
لكن للأسف مبتنفعش خالص لما القدر بيقول كلمتة ....
وأكبر دليل على كدة حادث الأميرة ديانا اللى ماتت فى عربية مرسيدس فيها كل عوامل الأمان المتعارف عليها ....
و الحادثة دى كان ليها تأثير سلبى جدآ على مبيعات مرسيدس فى وقتها ....
على العموم كل واحد فينا بيحسبها بطريقتة اللى شايف أنها صح ....
اللى عايز عربية فيها كل عوامل الأمان اللى فى الدنيا يجيبها ....
واللى عايز عربية من غير عوامل الأمان دى يجيبها ....
و ربنا يحافظ على الجميع ....
البيجو ربنا هيتولاه على كده الفرنا هينط من الشباك
اى كلا بيتقال