مقابلة اسكندرية 12/8/2011

**magdyelshikh** · 13-08-2011 10:08 PM

المشاركة الأصلية كتبت بواسطة askafrawy

كدة يعنى ينفع؟ يبقى فيه مقابلة فى اسكندرية ومتبلغنيش
المرة الجاية باذن الله اكون معاكم

المرة اللى جاية يا ابوحميد ان شاء الله

**magdyelshikh** · 13-08-2011 10:13 PM

ارفع باقى الصور اللى على كاميرتك يا طنانى انت وسعيد

**magdyelshikh** · 13-08-2011 10:25 PM

المشاركة الأصلية كتبت بواسطة cayman69300

الحمد لله رب العالمين
اتحركنا من الاسكندرية الساعه 3.30 ص و وصلنا القاهرة الساعة 6 ص
وصلنا اسلام البنا على شقة جدته بالمهندسين و طبعا الحاج طنانى اصر انه يقعد معايا لغاية ما القطر جة الساعه 7 ص
و ركب الساعة 7 ص و وصلت اسيوط 12 ظ
و الف حمدا على سلامتنا و سلامة كل اللى فى المنتدى
و ان شاء الله السنة اللى جاية تبقى احلى و احلى

حمد لله على السلامة يا هلالى

**tananybasha** · 14-08-2011 12:28 AM

والله العظيم اللى محضرشى العزومه ديه فاته كتير قوى

**tananybasha** · 14-08-2011 12:53 AM

جارى تعديل و رفع الصور
هما 44 صورة
و بعدين ربنا يسهل
لما سعيد يرفع الصور اللى عنده
هاضمهم ورا بعض

**tananybasha** · 14-08-2011 01:43 AM

تم رفع كافة الصور الموجوده على
1. كاميرا استاذ مجدى الشيخ
2. كاميرا محمد الطنانى
كده ناقص الصور اللى على كاميرا سعيد و تكون كملت

**tananybasha** · 14-08-2011 01:56 AM

الأول باحب اشكر استاذ مجدى الشيخ جداً
راجل قمة احترام و رجولة و ادب و اخلاق الدنيا
ربنا يكرمه و يوسع رزقه و يديله على قد نيته بجد

انا بقى اليوم ده
العربية قبلها بيوم مكنتشى عايزة تمشى
الأيدل علق
خاااااالص
استهلاك بنزين وهمى
انضفه اظبطه مفيش
قلت خالص و اتفقت مع هلالى و اسلام البنا انا احنا نسافر مواصلات و ربنا يسهل و احنا راجعين
باليل عند البيت من غيظى قلت هاكسر اليدل
مسكت شاكوش و خبط عليه اكسره
لقيته ظبط
و اللمبة طفت
و العربية هديت و سحبها رجع تانى
سبحان الله
رحت لهلالى صلينا الجمعه انا و هو و اسلام
و اتفقنا نروح لمحطة السوبر جيت
و انا ماشى قلت لهلالى ايه رأيك
العربية مفيهاش بنزين و مغيرتشى زيت
قاللى اتكل على الله و نسافر بالأتوبيس
قلتله طيب انا هاجرب حاجة
وصلت لموبيل الهرم
حطيت بنزين
العربية مظبوطه
و لقيت بنزين فى وقت صعب قوى تلاقى 80
اتكلنا على الله
والله العربية يومها ماشية زى الساعه
ولا الهوا
للعلم النهارده فى القاهرة خرفت شوية بس فى العادى
وصلنا اسكندرية 3.30
صلينا العصر
لاقيت هناك
1. ا / مجدى
2. سعيد
3. فادى
4. نبيل
5. وصل محمد اسامه
صلينا و رحنا على السوق عشان نجيب اكل
انا شفت الطواجن اتهبلت
بقالى كتييييييييييييير قوى مكلتهاش
قلت هاكل طواجن انا و 5 تانيين
طبعاً كان تامر وصل بالمكنه الصينى الحمره ام روحين شكمان بتاعت حلاوه
اتمشينا
نقينا السمك عشان هلالى و الناس اللى هتاكل سمك
كلو بربونى و دنيس ورز و سلطات
و جبنا عصاير و بيبسى و ميه و كوبيات و ملاعق
ورجعنا مشى تانى
افترشنا الأرض قدام العربيات
و اديها يا عم
خلصنا صلينا المغرب
و بعدين مشى فادى و نبيل عشان مشوارهم طويل و الطريق وحش
تامر راح يحط بنزين فى الكونغو الديمقراطية و رجع هو وواحد صاحبه
على ما جه
كنا قاعدين على القهوه
شربنا اللى فيه القسمه و استاذ مجدى قام حاسب
مشى تامر و حصله اللى حصله عشان مش بيسمع كلام عمو طنانى
و فضل انا و سعيد و اسلام و هلالى
سعيد اتكل على الله عشان رايح لحماته
و استاذ مجدى ربنا يكرمه
خدنا على البيت عنده عشان نستريح قبل ما نسافر و حلف علينا و مينفعشى
رحنا البيت والله كنت حاسس انى فى بيتى
رفعت اول مجموعه صور
و هلالى بعت ميلات
و بعدين الساعه 3 اتكلنا على الله
و الباقى حكاه هلالى
والله كانت مقابله زى العسل و ربنا يديم المحبة و المعروف
اكتر حاجة زعلت منها
ان استاذ شريف معرفشى يوصلنا
بس تتعوض ان شاء الله
شكراً
نهاية تقرير طنانى

-

-

-

الموضوع: مقابلة اسكندرية 12/8/2011

LinkBack

أدوات الموضوع

عرض

-

-

-

-

-

-

-

المواضيع المتشابهه

مين من التويوتاوية جاى مقابلة اسكندرية

عاوزين نعمل مقابلة سحور لفياتوية اسكندرية

ما فيش مقابلة جديدة في اسكندرية؟؟؟

مين الي رايح مقابلة اسكندرية من اعضاء جين 2

الكلمات الدلالية لهذا الموضوع

المفضلات

المفضلات

ضوابط المشاركة