برجاء المساعدة في تظبيط عفشة عربيتي فيات 128

**hesham2060** · 13-08-2011 09:18 AM

[overline][/overline] السلام عليكم ورحمة الله وبركاته وكل سنة وحضراتكوا طيبين معايا عربية والدي الله يرحمه فيات 128 وماشاء الله لسة بحالاتها زيرو من ساعة ما والدي اشتراها جديدة سنة 79 رشة برة بس.. من اسبوع كده جبتلها طقم جنوط تايواني 13 لكن بعرض اكبر وطقم كاوتش جديد والحمد لله الاداء اتحسن جدا خصوصا ان الجنوط القديمة بتاعتها كانت جابت اخرها لكن انا بعد اما قريت كام موضوع كده في المنتدي يعني حاسس اني لو جبت طقم مساعدين رياضي زي الكوني مثلا او المونرو معاهم سست رياضية الاداء حيتحسن فهل الكلام ده صح ولو صح ترشحولي انهي ماركة وهل اظبط عفشة كاملة واغيرها رياضية ولا لاء مع العلم ان العفشة عندي كويسة وعلي طول بعملها صيانة دورية بس طبعا انتوا عارفين ال 128 ف الملفات مثلا مع السرعات العالية مش اوي فهل مثلا العفشة الرياضية تتحل شوية المشكلة دي مع العلم ايضا اني مش ناوي اغير الماتور لانه ماشاء الله ممتاز جدا وبجيب بيه مية وتلاتين عادي جدا بحالته معلش طولت عليكوا بس ياريت لو في اي حاجة بخصوص العفشة الرياضية الي يرد يقولي اماكن البيع والورش وكده والاسعار وكل سنة وحضراكتوا طيبين

**hesham2060** · 14-08-2011 12:31 AM

ماشاء الله مفيش رد من امبارح هايل جدا

**luaai** · 15-08-2011 01:35 AM

ماشاء الله تبارك الله
ربنا يباركلكم فيها ويكفيكوا شرها

والله يا أخر أنا لسه هبدأ في نفس الحوار ده بس في اسبيرانزا وماعنديش أي خبرة
مجرد أسئلة وأفكار

أنا متابع معاك

**smsm_nabawy** · 15-08-2011 04:59 AM

آخر مرة تابعت مع ال128 ،، كان في صعوبة شوية في انك تلاقيلها كيت سبور ،، بس موجود ..

ممكن لو سالت في قسم الفيات الأفادة حتكون أسهل !!

**prisoner** · 28-08-2011 02:47 PM

اولا ربنا يباركلك فيها بصراحة عربية محترمة جدا وانت بتتكلم على فاكهة ال128 والموديل ده بالذات هو وال77 حكاية وعربية حمالة قسية كانت معايا منها عربيتين اشترتها فى يوم من ايام ربنا كنت فى الجامعة كانت 76 وصاحبها معدلها 90 والثانية لسة بايعها من سنة وراحت لحمايا لانى مكنتش عايز ابيعها المهم انا دورت كتير جدا فىالموضوع ده ويمكن سبب من اسباب دخولى المنتدى ال128 ولقيت حاجات كتيير منها بتاعتها ومنها تعديلات خرافية نصيحة اخوية هاقولك على شوية افكار ممكن تغير من شكل العربية تماما وكمان على حسب لونها لو تقوللى لونها ايه ونكمل المشوار فى الدهان اولا انت ابتديت بالجنوط حلو موضوع الساعدين الاسبور بلاش وكل حاجة هاقولك بلاش لسببين الاول هو التكلفة والثانى هو ان العربية نفسها مش هاتستحمل واخرك هاتفرح بيها سنة وتبقى زعلان منها وعليها ما علينا علشان مطولش عليك ممكن تجيب السوست والمساعدين بتوع ال127 الامامى وتركبهم هاديلك ارتفاع مناسب ومن الخلف تدق على السوست او الايايات الورقية عند الحداد تتفرد شوية وده كله هايكون فى مصلحتك والثبات بس ده فى حالة انك متركبش حد كتيير معاك وخلى بالك اوعى تقص السوست هاتكره نفسك بجد وانت مش محتاج ثبات اكتر من كده يعنى انت لو ناوى تسقط مواتير برضوا منصحكش يعنى هاتيجى للسعر هتلاقى نفسك دلخت فى 3000-4000 ممكن لو معاك عربية تانية يكون احسن ليها المهم نيجى بقى للشكل فى فوانيس انا جبتها بس مشكلتها التثبيت ملهاش مكان للتثبيت زى الاصلى هية فوانيس كريستال ولما تحط فيها لمض هالوجين بتبقى حكاية وممكن تعدل الفوانيس الامامى والخلفى بس انا بصراحة استغليتها قوى كان امامى ب 650 بعدسة واسموك وحركات شكله مش وحش بس ثمنه غالى والخلفى فيه اشكال كتيرة ليدات والشبكة انا كنت حاطط الشبكة بتاعت المعدل اللى هية بارزة بس اكتشفت ان السودة بتاعتها السادة اشيك بس رشها اسود مط هاتبقى وهم مع الفوانيس وشوف بقى انت عايز تظبط ايه وتحت امرك ربنا يباركلك فيها