الموضوع: يوم مطلعتلوش شمس

]طبعا يا جماعة انا انهردة كنت فى اسكندرية وقلت اخد المكنة بدل العربية وكان يوم مطلعتلوش شمس بجد الواحد لولا ساتر ربنا كان زمنكم بتدورو علية القصة تتلخص انى رحت اسكندرية عادى فى وقت قياسى كعادة الريس مع متوسط سرعة 240 طبعا كحدى اقصى 290 وصلت بسرعة وكان عندى كام مشوار وكان جروب الاوبل بتاع المنتدى عامل مقبلة وفطار رحت سلمت عليهم طبعا انا كنت راكن المكنة وكعادة اى حد ماشى فى الشارع لازم يلعب فى المكنة عادى المرادى كل مدوربتطفى المكنة مبتقفش سلنسية يمين شمال غلب حمارى خالص المهم رحت لكذا حد اعرفة فى اسكندرية للاسف كلهم عزلو من محلتهم عشان المصايب تيجى وراء بعضها المهم فى الاخر العيال لعبت فى الوير وظبتة فى الاخر فى ثنية بس بعد مطلع عينى المهم اعت لغايت 11 وقلت نشد الرحال على قاهرة المعز وفعلا الطريق للخروج من الاسكندرية زحمة موت المكنة انجزتنى اوى فى القصة دية المهم طلعت على الطريق بصراحة الطريق كان ممتع جدا وكنت ماشى متوسط سرعة 250 وكنت مسبت سرعات علية فترة طويلة المهم وانا عند الكيلو 60 كنت ماشى 230 تقريبا وذا بالمكنة من الخلف بتلعب وبتعرض وانا مش عارف اتصرف ولحسن الحظ ان مكنش فى ملفات ابتديت اهدى خالص بالبنزين لغايت موقفت نزلت شكرت ربنا بس الساعة كانت 11 ونص وانا على الصحراوى والفردة على الارض تحط ايدك قدام وشك متشفش حاجة المهم اعت افكر اعمل اة واعت اعمل شويت مكلمات المهم اعت ادعى ربنا وربنا استجاب ولقيت ونش معدى بالسطفة وقفلى قلتلة عايز انقل المكنة القاهرة قالى مبلغ كبير 1000 جنية طبعا انا معيش مبلغ ذى دة ابدا المهم قلتلة طيب اى بتاع كوتش وربنا يسهل وفعلا رحنا لبتاع كوتش بس المكان غريب والراجل شكلة ميطمنش بصراحة حسيت ان فى حاجة غلط المهم بتاع الونش استغل وطلب 200 ج وانا دفعتهملة لانى مبتر المهم طلع خرم كبير شوية المهم وانا بحاسب السواق شفت الحيوان بتاع الكوتش وهو بيخرم الفردة كذا خرم رحت قفشة من قفاة وهنا بقا لقيت بتاع 8 او 9 افراد طلعو يجرو علية طبعا رحت ضارب الزفت دة بوكس وفى لحظات دورت وطرت وانا مش عارف الخروم بتاع الزفت دة هتمشينى اد اة بعد معملى الخرم الكبير بس طبعا قرصت جامد فى خلال عشرة دقايق واقل كنت خلصت الطريق ونزلت على بنزينة الاماراتية زوت لانة كان خلاص واعت كل شوية انفخ الكوتش لغايت موصلت طلعت على بتاع الكوتش الباشا خرملى 10 خروم منة للة بهدلى الفردة خالص بتاع الكوتش كان عايز يعملها خوبير قلتلة لا عايز سخن قالى طيب فك الفردة طبعا انا كنت مسافر وواخد العدة معاية فعلا فورت الفردة وادتهالة عملها وركبها واعت فى العتمة بركب الفردة طلع ........ وخلصت الساعة 5 الصبح طبعا انا شفت يوم ميعلم بيةة الا ربنا ودة نتيجة انى سفرت لوحدى وربنا ستر وربنا يستر طرقنا جميع

سدقنى يا دياب كان يوم غريب انا وصلت اسكندرية الساعة 6 وخلصت المشوير على 8 ويدوب اعت فطرت مع الناس وحبسنا بشاى على القهوة وكان لازم ارجع وانا حتى كلمت نور وهو نجدنى بعتنى لمكنيكى بس معرفتش اوصلة بس يشكر بردو انا رحتلة على المحل وسدقنى انا مش عارف ان رحت من على بالى اذاى بس نقول اة نصيب وربك كان كريم معاية ورجعت بالسلامة