محتاج مساعدة ضروري في تقييم سعر لعربيتي
ويا ريت اللوجانوية يدخلوا ويدووني رأيهم
لوجي موديل 2010 اعلي فئة جميع الكماليات
عاملة 17000 كيلو والله ما مشيت كتير مع العلم انا شاريها اول 2010 في شهر 3
راشة بره لأني كنت مأمن عليها وكل لما تتحك أروح ارش في التوكيل
الفوانيس الأمامية في تكسير بسيط في حرفها من الجنب
العربية من تحت المدام خبطت في طوبة عالية ففي حتة متطبقة صغيرة في زور الشكمان بس مش مأثرة في حاجة ولا عاملة صوت
وقنطرة الأكسدام من تحت اتطبقت شوية لجوة بس برده مش مأثرة في حاجة
وانا بصراحة مرضيتش اعملها لأن عرفت أن لازم افك سربنتينة التكييف والردياتير عشان اعملها
وعلي فكرة الحاجات دي مش باينة من بره خالص بس دي امانة في البيع

فرشها االأصلي جديد لأني ركبت فرش بعد ما اشتريتها بكام يوم
وفي فرش جلد في الارضية وفي الشنطة
عايز اعرف يا جماعة تعمل كام لأني صليت استخارة وناوي ابيع ان شاء الله
بس اعرف الدنيا ماشية ازاي الاول عشان اعرف هاكمل واجيب ايه بعدها
معلش طولت عليكم شويتين
مشكورين يا جماعة لردكم