حكمت المحكمة على أبو غالى / سوبارو إمبريزا 2008
السلام عليكم ورحمة الله وبركاتة
إستكمالا لموضوع "##مأساتى مع أبوغالى و سوبارو امبريزا RK 2008 # هل 2008 غير مصممه لمصر###" من قسم السيارات اليابانيه – قسم سوبارو
الآن سأستكمل الأحداث من حيث توقفت بالمستندات والوثائق ، واخيرا أتشرف بنشر الحكم كاملا.
بالإضافة إلى المشاكل السابقه الخاصه بالموتور والعفشه والفرامل...إلخ
أخر الأعطال:
1. تعطل النور العالى.
2. تعطلت البطاريه 4 مرات وشغلت العربيه بوصلة.
3. تعطل كاسيت السياره (لا يشغل أى CD).
4. لمبة فحص الفرامل نورت والفرامل ما بقتش موزونه أكتر من الأول .
5. وفى نفس اليوم وأنا راجع على الطريق السريع ومثبت السرعه على 90 علشان الرادار، فجأه صوت الموتور أتغير والسرعه قلت كتير وكأننى دست فرامل ولمبة فحص المحرك أو خطأ محرك نورت ولمبة مثبت السرعه بتنبض (يعنى تطفى وتنور بإستمرار) ، بسرعه سيطرت على العربيه وبحذر أنتقلت من أقصى الشمال لأقصى اليمين ووقفت وبطلت ودورت تانى ولكن لمبة فحص المحرك فضلت منوره وأيضا مثبت السرعه بينور ويطفى ، وأكتشفت بعد كدة أن مثبت السرعة هنج وما أشتغلش تانى .
وعندئذ حملت العربيه على ونش وركنتها جنب البيت وكانت هذه هى القشة التى قسمت ظهر البعير.
عملت محضر فى القسم ورفعت قضية فى المحكمه الإقتصاديه.
المحكمة الإقتصادية أمرت بفحص السيارة بواسطة لجنة متخصصه من أساتذة جامعة القاهره، ومرفق إليكم الأجزاء الهامه بالتقرير.
http://i1192.photobucket.com/albums/...ors/Scan11.jpg
http://i1192.photobucket.com/albums/...ors/Scan22.jpg
http://i1192.photobucket.com/albums/...ors/Scan33.jpg
http://i1192.photobucket.com/albums/...ors/Scan44.jpg
وبناء على نتيجة الفحص طلبت المحكمة من أبو غالى إبدال السيارة المعيبه بأخرى فرفض أبو غالى نهائياً.
وعلى هذا صدر الحكم التالى(مرفق 7 صفحات مظلل منها الأجزاء الهامه)
http://i1192.photobucket.com/albums/...s/Scan-111.jpg
http://i1192.photobucket.com/albums/...s/Scan-222.jpg
http://i1192.photobucket.com/albums/...s/Scan-333.jpg
http://i1192.photobucket.com/albums/...s/Scan-444.jpg
http://i1192.photobucket.com/albums/...s/Scan-555.jpg
http://i1192.photobucket.com/albums/...s/Scan-666.jpg
http://i1192.photobucket.com/albums/...s/Scan-777.jpg
ولكن أبو غالى أستئنف الحكم فصدر حكم الإستئناف بتأييد الحكم الإبتدائى وأصبح الحكم نهائيا
حكمت المحكمة على أبو غالى / سوبارو إمبريزا 2008
اقتباس:
المشاركة الأصلية كتبت بواسطة m.alaa92
طب و العربية حتاخد تمنها؟؟
لسه بقه فى القضية المدنى سأطلب تعويض عن كل اللى حصل.
حكمت المحكمة على أبو غالى / سوبارو إمبريزا 2008
اقتباس:
المشاركة الأصلية كتبت بواسطة syd
حضرتك قطعت شوط كبير في القضية واعتقد الي جاي اسهل من الي فات واساسا حضرتك من 2008 يعني خلاص هانت
بس انت دلوقتي العربية وضعها ايه ؟؟؟ مركونة ولا عند التوكيل ولا النيابة اتحفظت عليها ؟؟؟؟ ولا ايه وضعها ؟؟؟
ومعقولة حضرتك يبقي دة جزائك ؟؟؟؟ انت المفروض كنت لأبو غالي زبون محترم داخل يشتري عربية محترمة ودافع دم قلبك وعد كل دة تتبهدل في المواصلات ؟؟؟؟؟
الله يعينك علي ما بالاك
ولو احتاجت اي حاجة انا اخويا محامي ولو عايز اي استشارة قولي وانا هسألهولك وهرد عليك انشاء الله
والله المستعان
،
،
للأسف العربيه لسه معايا مركونه (بقت عربيه مخلله).
حكمت المحكمة على أبو غالى / سوبارو إمبريزا 2008
اقتباس:
المشاركة الأصلية كتبت بواسطة mazagangee
مبروك
هل ممكن تروح محكمة الأمور المستعجلة و دي هتاخد 3 او 4 شهور بس
المحكمه الإقتصاديه لها نظام تانى خالص ومافيهاش أمور مستعجله.