ناويت ان شاء الله اغير طقم الكاوتش

**mailo** · 15-08-2011 12:16 PM

المشاركة الأصلية كتبت بواسطة aliyosef

طيب ماحدش قال نلاقى الجوديير فين لو سمحتو علسان مسافر بعد بكره
وانا قدامى ماكسيس كورى نقشه الشجره ايه رايكم
وياجناب الاستشارى اركب نفس المقاس ولا اعرض العجل

اوعى تجيب مكسيس هتندم طول ماإنت ماشي بيه
بجد كاوتش زبالة صوته عالي وبيزحف وبيصفر بعد فترة

خليك زي ما أنت في ال good year أو كمهو أو ال ميشلان

هو مش فيه جود ير في شارع النصر قبل أحمد فخري من ناحية شيراتون ولا أنا غلطان ؟

**aliyosef** · 16-08-2011 04:52 AM

خلاص غيرت الكاوتش والحمد لله من عند اشرفكو فى المطريه ناس ممتازين

ونظرا للظروف الماديه واللى كمان شوفته هناك ركبت عجله اسمها starmax بيقول انها بناعتها عاملها فى تركيا وهو ضامنها ضد عيوب الصناعه واللى انا شوفته هناك ان كل العربيات اللى موجوده هناك كانت بتركب starmaxسواء تاكسى ملاكى نص نقل وبى ام كمان فتوكلت على الله وركبتها بس طبعا لسه شويه على الحكم عليها
ثمن العجله 385 جنيه شامله تركيب ترصيص ونيتروجين كمان يعنى انا انهارده دفعت 1540بس الحمد لله وعنيا زاغت على جنوط اسبور جديده بدل اللى معايا بس رجعت وقولت اصبر شويه ياعم على نفسك ماهى فيها جنوط
والجنوط 14 عنده تبدء من 1250الى 1550 وكلها تايلندى وماليزى وهو مابيشتغلش فى الصينى
ارجوا ان اكون اخترت كاوتش كويس مايزعلنيش بعد كده
واكون نقلت تجربه مفيده للأعضاء
وشكرا لكل الاعضاء اللى افادونى برايهم

**aliyosef** · 16-08-2011 04:57 AM

وزد كمان الجود يير موجود ب350 جنيه انتاج 2008 وفيه منه 2010 عند مركز بيع تبع التوكيل 445
وعند الايمان موجود هانكوك 365 وجى تى ردايل 365
والتيو 490 انتاج 2010
وعلى فكره ال starmax اللى انا ركبته 385 وانتاج الاسبوع 25 لسنه 2011