الشكماااااااان... ولمبه تشيك انجين.. وانا اترعبت
النهارده بعد لف كام مشوار ف الزحمه.. كنت حاسس ان العربيه غريبه كده.. مش مريحانى.. قلت يمكن عشان انا مش طايق نفسى من الحر اصلا
و انا مروح وركنت العربيه خلاص.. بزود بنزين كده سمعت صوت .. مش عارف اقوله ازاى.. بكبكه كده وضرب لما بسيب البنزين.. يعنى ازود يعدى الار بى ام تلاته اسيب الاقى ف الاخر دوم دوم دوم...
انا اترعبت.. طلعت ع الميكانيكى.. قالى الموتور زى الفل.. خد العربيه وجرب وزود وداس وفرمل.. قالى مفيش حاجه ... قلتله طب الصوت - وساعتها كان قل خاااالص يكاد لا يسمع الا لو ركزت بغباوه - قالى ممكن شكمان.. لكن الموتور مفيهوش حاجه
روحت لبتاع شكمانات.. قالى العلبه اللى ورا مش كويسه ومش بتاعت العربيه.. قلتله الصوت.. قالى منها.. الهوا بيرد ف المصافى وكلام كده.. قلتله النهارده بس الكلام ده.. قالى عادى بتحصل
طب بكام تغيرها.. قالى هجيبلك علبه استيراد على 150 - 200 .. قلتله طيب هفكر ومشيت
روحت لواحد تانى.. طلع اجدعها نصاب ف الدنيا.. وقالى العلبه اللى عامله الصوت وعندى علبه اوبل بتاعتها .. على كام.. قالى على 700 جنيه.. ومصنعيه 300 جنيه:penguin4:
ما علينا من ده كله.. خلاص الشكمان عايز يتغير.. مش مشكله.. قلت هتصرف وانزل القاهره وشوف حد نضيف ومحترم
اللى فاقعنى بقا.. لما روحت.. عملت زى الاول.. زودت بنزين.. الصوت موجود بس قل خالص.. بس فجاه لمبه التشيك انجين نورت.. زودت تانى انطفت...
طفيت العربيه ودورت تانى .. لمبه التشيك انجين خلاص عادى.. مش منوره... الموضوع ده مقلقنى
انا بتكلم ع اللمبه الىل ف الصوره دى
http://store2.up-00.com/Jun11/bCV78118.jpg
الطبيعى عندى.. انى لما بشغل الكونتاكت بس.. مش مدور العربيه بتفضل منوره زى الصوره كده... ادور تروح هيا وبقيت اللمض بتاعت الزيت والبطاريه ..
اول مره كانت النهارده انها تنور والعربيه شغاله.. بس ده مكملش ثوانى
افيدونى افادكم الله