أصبحت مدمن نايل موتورز من أول يوم... باركولي جيبت الميجان

**akram2025** · 09-05-2008 03:02 AM

بجد أنا مبسوط جدا جدا أني لقيت منتدى جميل و حترم و مفيد ومصري زي نايل موتورز...
كل مره أدخل على المنتدى أحس اني وسط عائلة كبيرة و كل الأعضاء عارفين بعض كويس و كله عنده استعداد يخدم و يساعد ده طبعا غير الحوار الراقي بين الأعضاء... وا تمني أني أكون عضو فعال في هذه العائلة الجميلة ( عائلة نايل موتورز )

بقالي أسبوعين محتار أجيب عربية أيه!! و من زمان أونا بحب الميجان بس كأني أحب أشفها بس أخاف تكون بتاعتي و ده طبعا بسبب الإشاعات اللي طالعه على العربية بس كل ما أشوفها أقول بجد تحفة.

و بعد ما إبتديت أخش على المنتدى الرائع ده قررت أقراء كل الأراء حوالين الميجان و لمدة أسبوعين وأنا أقع في حب الميجان اكثر من قبل و طبعا أقع في حب المنتدى..

بجد أراء كل مالكي الميجان أكثر من مشجع لشرائها بل اكتر قسم فيه رضاء و شكر في سيارة هو قسم الميجان...

من الأخر أمبارح استلمت الميجان الجديده يارجاله و مش عاوز أقول على الفرحة اللي انا فيها بالعربية الجديدة... بجد عربية تحفة و روشة وشياكة.
جبتها لون شامبين كل الكماليات من فتحة السقف حتى الفرش الجلد

مش هأقدر أكمل دلوقتي عشان عندي مشوار مهم جدابالعربية الجديدة ,,,,,,, رايح أمون بنزين 95 بالسعر الجديد :D

مستني ردودكم على أحر من الجمر و بجد شكرا لكل أعضاء المنتدى اللي استفدت منهم كتير في فترة قصيرة.

التقرير الكامل عن العربية هاكتبوا لما اخلص استمتاع بالعربية يعني مش قبل سنة :D

**معاذ الشرباصى** · 09-05-2008 03:04 AM

الف الف الف مبروك

العربية تحفة فنية فعلا

ربنا يبارك لك فيها و يحفظها لك من كل سوء

**akram2025** · 09-05-2008 03:06 AM

المشاركة الأصلية كتبت بواسطة معاذ الشرباصى

الف الف الف مبروك

العربية تحفة فنية فعلا

ربنا يبارك لك فيها و يحفظها لك من كل سوء

الف شكر يا معاذ يا حبيبي و شكرا على الدعوة الحلوة دي

**sa3dawy** · 09-05-2008 03:08 AM

الف الف الف الف مبروووووك
إن شاء الله تركبها وتستمع بيها

**MoToRiZeR** · 09-05-2008 03:11 AM

المشاركة الأصلية كتبت بواسطة akram2025

بقالي أسبوعين محتار أجيب عربية أيه!! :D

انا قعدت 6 شهور محتار :D

بس اختيار موفق طبعا الف الف مبروك

**modux** · 09-05-2008 03:28 AM

الف الف الف مبروك

**Ahmed Samy** · 09-05-2008 03:54 AM

الف الف الف مبروك
ربنا يملاهالك بركة
و يقدرك تملاها 95 طول العمر :)
اختيار موفق تماما
احييك على اعتدادك باختيارك و عدم الاستماع للشائعات
اركب و اتبسط
و قوللنا ايه الأخبار