رينو كليو من بعد اللوجان

**akerima** · 14-08-2011 03:55 PM

السلام عليكم اخوتني الكرام وكل سنة وانتم طيبين

انا بعد ما ركبت اللوجان وعشقتها قررت قرار فظيع سيدهش العالم - اني اية اجيب باذن الله كليو مع الاحتفاظ بالاخت اللوجان بس لام العيال - والسؤال هنا بقي لان اخوكم مالوش في الكليو ولا عمرة فكر فيها اساسا (فمن الاخر كده حم........ بودنين) انا دلوقت معايا حوالي 40الف وسمعت ان من 2000 الي 2003 تقريبا بنفي التمن بس اية الفرق ما بين الموديلات دي ولا مفيش فرق خالص ؟؟؟؟؟؟؟؟؟ طب اية مميزات كل موديل وسمعت كمان ان فية 1200CC و 1400CC طب افرق ما بينهم ازاي ؟؟ مع اني افضل ال 1400 ولا انا فاهم غلط ؟؟؟

يعني من الاخر برجاء من كل الكليوية الجدعان تعريفي بالعربية وخصوصا الموديلات اللي متعديش ال 40الف والنصيحة الله يكرمكوا انهي موديل احسن - وهل هي فعلا بنفس حلاوة اللوجان ولا احلي (عشان ابقي عارف انا حركب اية واديلها اية) وصحيح انا كنت بشوف الهاتشباك ساعات بس نادرة اية نظامها وكام cc وتمنها كام اعلي من ال 40 ولا اقل

اسف للاطالة ومشًكِر مقدما

**ramy_gamal** · 14-08-2011 05:53 PM

المشاركة الأصلية كتبت بواسطة akerima

السلام عليكم اخوتني الكرام وكل سنة وانتم طيبين

انا بعد ما ركبت اللوجان وعشقتها قررت قرار فظيع سيدهش العالم - اني اية اجيب باذن الله كليو مع الاحتفاظ بالاخت اللوجان بس لام العيال - والسؤال هنا بقي لان اخوكم مالوش في الكليو ولا عمرة فكر فيها اساسا (فمن الاخر كده حم........ بودنين) انا دلوقت معايا حوالي 40الف وسمعت ان من 2000 الي 2003 تقريبا بنفي التمن بس اية الفرق ما بين الموديلات دي ولا مفيش فرق خالص ؟؟؟؟؟؟؟؟؟ طب اية مميزات كل موديل وسمعت كمان ان فية 1200CC و 1400CC طب افرق ما بينهم ازاي ؟؟ مع اني افضل ال 1400 ولا انا فاهم غلط ؟؟؟

يعني من الاخر برجاء من كل الكليوية الجدعان تعريفي بالعربية وخصوصا الموديلات اللي متعديش ال 40الف والنصيحة الله يكرمكوا انهي موديل احسن - وهل هي فعلا بنفس حلاوة اللوجان ولا احلي (عشان ابقي عارف انا حركب اية واديلها اية) وصحيح انا كنت بشوف الهاتشباك ساعات بس نادرة اية نظامها وكام cc وتمنها كام اعلي من ال 40 ولا اقل

اسف للاطالة ومشًكِر مقدما

اعتقد المبلغ دة ممكن يجيب لحد 2004
الموديلات 1200 16 صباب فريون وباور
1200 16 صباب كامله فريون باور ازاز كهرباء كاسيت تحكم من الطارة سنتر rpm
1400 16 صباب كامله مانويل
1400 16 صباب كامله اتوماتيك
بعد ال 2005 1400 8 صباب بس طبعا 16 صباب بيدى هورس باور اعلى وتوفير فى البنزين
1200 صيانه الموتور اسهل شويه لكن ال 1400 حوض الموتور ضيق شويه لازم اللى يشتغل فيها يكون عارفها كويس
الهاتش باك 1200 فرنساوى ونظام الموتور مختلف عن السيدان ( تركى ) بس فى حدود المبلغ بتاعك
انا مركبش اللوجان بس اللوجان اوسع من الكليو وعربيه اجدد اكيد هتوكن انعم شويه من الكليو .. لاحظ انت هتشترى عربيه موديل 2002 او 2003 يهنى بقالها 8 او 9 سنين شغاله لازم هيكون فى فرق للوجان

**MOUSTAFA_SAAD** · 14-08-2011 06:42 PM

حمد لله على السلامه يااشرف بيه
انا برده باتصل بيك علشان اقولك كل سنه وانت طيب والتليفون خارج الخدمه كالعاده روحت بعاتلك رساله خاصه وامرى لله

ربنا يوفقك ان شاء الله للاختيار واضح ان اللوجان حببتك فى الرينو
انا معنديش فكره زيك بالظبط عن الكليو بس اعرف انها عربيه افخم من اللوجان
وكل سنه وانت طيب
ومعلشى سؤال اخير
انت حتخلى اللوجان ليك ولا الكليو اللى ليك
انا شايف لو تشوف حاجه كليو هاتشباك للمدام حاتناسبها اكتر

**limo** · 18-08-2011 04:57 AM

الكليو الموديلات الى فى الرينج بتاعك
من 2000 الى 2004 وممكن 2005 ال 1200
الكليو السيدان اول ما نزلت نزلت سنه 2000 ونزلت 1400 16 صباب وفى نصف 2002 نزل الشكل الجديد بمتور 1200 16 صباب 75 حصان واستمر الى منتصف 2005 نزلت 1400 16 صباب مانوال واوتوماتيك وبعد كده اتغير الشكل فى 2007 والمتور 1400 8 صباب مانوال فقط
الكليو مقارنه مع اللوجان تعتبر قربيه اوى من اللوجان حتى فى اجزاء مشتركه بينهم زى اكر الباب الخارجى والفبر بتاع القايم الداخلى - اللوجان الكبنه اوسع - الكليو انعم بكتير اوى من اللوجان( كصوت محرك ) - عزم اللوجان اقوى فى السحب لان المحرك اقوى - كتقفيل انا شايف ان الكليو احسن بس الفرق مش كبير
عموما ربنج السعر بتاعها من 30 الف موديلات 2000 و 2001 لو العربيه مستكله شويه وفيها شويه مصاريف لو نظيف ممكن تعمل 37 الف
موديلات 2002 شكل جديد 2003 2004 تعمل من رينج 33 للحالات المستهلكه لو الحاله نظيفه تعمل فى حدود 38 الى 42 الف برضو بفرق على حسب العربيه هاف او فول اوبشين
احسن موديل 2002 شكل جديد الى 2005 1200 فى حدود الرينج الى انت حاطه لانه قطع غياره متوفره فى الجديد بس 1400 موديل 2001 قطغ غياره متوفره فى المستعمل اكتر من 1200

**gazzar91** · 19-08-2011 06:22 AM

السلام عليكم
بعد اللوجان -إن شاء الله- هتحس في الكليو كالآتي
ضيقة جداً... سحب أقل.... تقفيل أحسن.... صوت أهدى... استهلاك بنزين أقل
بس رجاءأ ابعد عن الهاتش علشان بتدوخ في قطع غيارها حتى في التوكيل

و الله أعلم
في رعاية الله